KOEKOl I كويكول

24/08/2026

كل عام وأنتم بخير

23/08/2026

18/08/2026

بيان 07-2026-EPSC بشأن الممارسات غير القائمة على أسس علمية التي تقدم للجمهور باعتبارها علاجًا نفسيًا

03/08/2026

وطن بلا إدمان
نادي الأخصائيين النفسيين المصري

31/07/2026

نداء إلى كل أصحاب الرسالة والضمير الحي وصلتنا خلال الأيام الماضية العديد من الرسائل والاستغاثات من أهالي منطقة الأوقاف، يطلبون فيها تنفيذ يوم توعوي لمواجهة خطر انتشار المخدرات خاصة بين الشباب والأطفال، ومن هنا نوجه نداءً لكل من يؤمن بأن الوقاية مسؤولية الجميع ندعو الأطباء والأخصائيين النفسيين والاجتماعيين والإعلاميين والدعاة والمعلمين والشباب المتطوعين، وكل صاحب رسالة أن يكونوا معنا فـ هذه المهمة الإنسانية.

لن نذهب لإدانة أحد ولن نذهب للحكم على الناس، سنذهب لنمد يد العون وننشر الوعي ونفتح باب الأمل لكل أسرة وكل شاب يحتاج إلى من يسمعه ويقف بجانبه، من يرغب فـ المشاركة معنا فـ القافلة التوعوية أو تقديم أي دعم علمي أو إعلامي أو تطوعي يُرجى التواصل معنا عبر رسائل الصفحة.

معًا نستطيع أن نصنع فرقًا فالتوعية اليوم قد تنقذ حياة غدًا.


#معًا_ضد_المخدرات

15/07/2026

الانطفاء ليس نُضجًا
كتبه باسم عامر ٢٩ محرم ١٤٤٨هـ

فـ الفترة الأخيرة بقى عندنا موضة غريبة جدًا، أي حد بطل يتكلم يقولوا عليه نضج، وأي حد مبقاش يعاتب يقولوا اتعلم وأي حد بقى ساكت يقولوا كبر وعقل، طب استنى بس، هو إحنا بقينا بنقيس النضج بعدد الكلمات اللي الشخص مبقاش بيقولها! يعني لو واحد زمان كان بيتكلم وبيعبر ويزعل ويعاتب ودلوقتي بقى بيرد بـ تمام وبراحتك واللي تشوفه، يبقى كده وصل لقمة السلام النفسي؟ ولا الراجل ده البطارية عنده فصلت؟

فـ علم النفس فيه مصطلح اسمه التبلد الانفعالي وده معناه إن الإنسان من كتر الضغوط والخذلان والاستنزاف العاطفي يبدأ إحساسه يهدى مش لأنه ارتاح، لكن لأنه مبقاش قادر يحس بنفس القوة، يعني القصة مش إن قلبه بقى حجر الزتونه إن القلب نفسه قال: أنا داخل صيانة يا جماعة، اه والله زيمبقولك كده.

وفيه كمان مفهوم اسمه العجز المتعلم وده بيحصل لما الإنسان يحاول مرة واتنين وعشرة وفـ كل مرة النتيجة تبقى وجع أو فشل أو تجاهل، المخ يعمل حركة غريبة جدًا يقولك: بلاش نحاول تاني ووفر طاقتك، فتلاقي الشخص بطل يعترض وبطل يشرح وبطل حتى يطلب حقه.

الناس تفتكره ناضج وهو فـ الحقيقة بقى مقتنع إن الكلام ملوش لازمة، زي سعد زغلول الله يرحمه لما قال: مفيش فايدة، وفيه فرق كبير بين التقبل والاستسلام، التقبل معناه إنك فاهم إن فـ حاجات مش بإيدك فـ تتعامل معاها بعقل وهدوء، أما الاستسلام فهو إنك تكون فقدت الأمل أصلًا فـ بقيت تقول: اعملوا اللي إنتوا عايزينه، مش اقتناعًا لكن تعبًا. وده أخطر فرق الناس مبتشوفوش، عارف النضج الحقيقي عامل إزاي؟ هو إنك تزعل لكن متظلمش حد، إنك تتعصب لكن متكسرش اللي حواليك، إنك تقول: لأ، من غير إحساس بالذنب، وإنك تمشي من المكان اللي بيأذيك من غير ما تضطر تطفي جزء منك علشان تعرف تكمل.

أما الانطفاء فهو إنك تبقى موجود بجسمك لكن روحك واخدة إجازة مفتوحة، تضحك من غير فرحة، ترد من غير رغبة، تعيش من غير إحساس بالحياة وعشان كده متنبهرش أوي بالشخص الهادئ. اسأله الأول: إنت هادي ولا تعبت؟ لأن الهدوء ساعات بيكون علامة حكمة وساعات بيكون آخر مرحلة قبل ما الإنسان يقول لنفسه: أنا خلاص مبقاش عندي أي حاجة أقدمها. افتكرها كويس الانطفاء مش نُضج، الانطفاء عرض أما النضج فهو مهارة.

15/07/2026

05-2026-EPSC