Psychologist Sara Yehia

22/06/2026

لما تحاولي تدخلي الحمام لوحدك بعد ما تبقي أم

عيالك ! 🤌

22/06/2026

سر مكنش بيطلع برة أوضة الجلسات.. ودلوقتي بقى بين إيديكم

"مراية "لعبة أسئلة تساعدك تكتشف جوانب جديدة من نفسك،
وتفتح حوارات أعمق مع الآخرين.

✔ مناسبة للعب الفردي أو الجماعي
✔ للأصدقاء والعائلة والأزواج والمراهقين
✔ للاستخدام الشخصي أو داخل الجلسات والورش

كل سؤال… فرصة تشوف نسخة جديدة منك.

#ثيرابست #مراية

21/06/2026

ليه بخاف اجرب حاجه جديده ؟؟

سؤال بيدور في دماغ ناس كتير…

🎥 شوف الفيديو واعرف الإجابة.

💬 إيه أكتر “ليه” سمعتها و فاجأتك؟

📩 ولو حابب توصلك باقي فيديوهات سلسلة “ليه؟” اكتب (ليه) في التعليقات.

#ليه

21/06/2026

مساء الخير ❤️

أنا بدأت سلسلة جديدة اسمها “ليه؟” للأطفال والمراهقين.

فكرتها إنها بتجاوب على أسئلة كتير بتدور في دماغهم بشكل بسيط وممتع، وفي نفس الوقت تساعدهم يفهموا نفسهم أكتر ويبنوا شخصيتهم.

ده الجزء الأول من السلسلة، وهكون مبسوطة جدًا لو شفتوه وقولتولي رأيكم بصراحة

وهل في أسئلة تانية بتحسوا إن الأطفال أو المراهقين محتاجين يسمعوا إجاباتها؟

ولو الفكرة عجبتكم، ياريت تشيروها مع أي أب أو أم أو حد ممكن يستفيد منها ❤️

مستنية رأيكم واقتراحاتكم

20/06/2026

في واقعه حصلت و اتضح إن شخص كان يُقدَّم كـ «استشاري نفسي» مشهور جدا …

وهو في الحقيقة ما كانش حتى مؤهّل،
ومكتفي بكورس مدته ٤ أيام فقط.

🧠 الأمان النفسي مش وعد…ولا إحساس لحظي.

الأمان النفسي
نتيجة علم، تدريب، وخبرة حقيقية
بتنعكس في طريقة الفهم، والإنصات،والتعامل مع النفس الإنسانية.

✨ لما تقرري تبدأي رحلة نفسيه أو إرشاد
من حقك تسألي، من حقك تعرفي:

▪️ الخلفية العلمية
▪️ نوع التدريب
▪️ حجم الخبرة العملية
▪️ وحدود الدور المهني بوضوح

مش كل شهادة معناها عمق،
ومش كل كلمة «معتمد» معناها أمان.

🔹 علشان كده، قبل أي تعاون
بحب تكون الصورة واضحة اقدر اساعد في ايه و بناء علي ايه :

أنا خريجة آداب – علم نفس
حاصلة على دبلومتين بتقدير امتياز متخصصتين في الصحة النفسية
(كل دبلومة دراسة أكاديمية لمدة عام كامل)
وباحثة ماجستير صحة نفسية.

إلى جانب تدريبات متقدمة وكورسات تخصصية
على أيدي أطباء ومعالجين، ومن مراكز معروفه داخل المجال.

قدمت كتير للبنات و الامهات استشارات وورش تخص صحتهم النفسيه ، اكتشاف ذاتهم و ثقتهم بنفسهم ، مشاعرهم ، افكارهم ، و رحلات تطوير 🤗

👨‍👩‍👧‍👦 في الإرشاد الأسري وتعديل السلوك
معلّمة معتمدة من الجمعية الأمريكية،
مع تدريبات متعدده عن تعديل السلوك و سلسله تدريبات العلاج النفسي للأطفال و المراهقين وخبرة تطبيقية و حب و تقبل متبادل من الاطفال و المراهقين.

📌 خبرتي العملية تمتد لأكثر من 6 سنوات
في الاستشارات، والتدريب
والإشراف على مؤسسات تربوية،
وتقديم ورش عمل للمدرسين،والأهالي،والطلاب
بالتعاون مع مدارس مختلفة.

🏛️ مديرة مركز آمن للصحة النفسية والتربوية
✍️ مؤلفة كتاب «رفيق الأم» و قصه اللعبه الاخيره

ومازال التعلم مستمرا بكل تواضع ❤️
ولو شايفه اني اقدر أساعدك ابعتيلنا رساله دلوقتي
لحجز الجلسات :
أوفلاين مدينه السادات
اونلاين
#ثيرابست
#صحةنفسية

19/06/2026

ركزوا عشان دي اهم حاجه 😅
ولا ايه رايكم؟؟

#مراية #ثيرابست

18/06/2026

سؤال صغير ...

بس وراه مئات المواقف والأسئلة اللي الأطفال والمراهقين بيفكروا فيها كل يوم.

علشان كده جايبين لكم “ميكي وماما أمينة"

سلسلة حكايات قصيرة، فيها أسئلة حقيقية وإجابات تساعد أولادنا يفهموا أكثر ويتكلموا أكثر.

اكتبوا في الكومنت اغرب " ليه " سمعتيها

النبوية

17/06/2026

اندهشت أوووي لما اكتشفت إن أكتر اوقات التعب عندها… كانت كل مرة تحس ان في حد زعلان منها.

مكنتش متخيله ان ده ممكن يتعبها و يأثر عليها لدرجه " بطنها توجعها ، توتر ، مش عارفه تقوم بالمهام بتاعتها

مش لأنها غلطانة.
لكن لأنها كانت داخليًا شايلة قاعدة واحدة:
“لو حد زعل… يبقى أنا لازم أصلّح فورًا.”

دخلت الجلسة وهي مرهقة جدًا، بتقول إنها طول الوقت “مشدودة من جوه”… كأنها ماشية على سلك مكشوف.

بدأت تحكي مواقف بسيطة جدًا في شكلها:
حد ما ردش عليها بنفس الحماس → اتضايقت طول اليوم.
صديقة اتكلمت بنبرة مختلفة → فضلت تعتذر وتفكر هي عملت إيه.
حتى في المواقف اللي ما فيهاش أي خطأ واضح منها… كانت هي اللي بتنهار.

ولما بدأنا نفك النمط، ظهرت الجملة اللي كانت بتحكم كل حاجة:
“أنا مش متخيلة إن حد يزعل مني ومش أنا اللي أصلّح ده.”

هنا المشكلة مش في التصرفات…
لكن في الدور اللي كانت شايفاه لنفسها:
إنها مسؤولة عن مشاعر كل اللي حواليها.

كأن أي زعل = فشل شخصي لازم يتصلّح فورًا.

وكل ما كانت بتحاول “تصلّح” أكتر… كانت بتتعب أكتر، وبتفقد إحساسها بنفسها تدريجيًا.

في لحظة فهم بسيطة، اتغير الاتجاه:
مش مطلوب منها تمنع زعل الناس.
ومش مطلوب منها تصلّح كل شعور يحصل عندهم.

المطلوب بس… إنها تكون مسؤولة عن نيتها وسلوكها، مش عن ردود أفعال الآخرين.

التغيير الحقيقي ما كانش في العلاقات…
كان في الجملة اللي بدأت تقولها لنفسها:
“مش مسئوله عن مشاعر حد .”

وساعتها بس… بدأ الضغط اللي عليها يهدى، وبدأت ترجع لنفسها تاني.

تفتكروا ايه اكتر حاجه بتخلينا نسعي لإرضاء الآخرين ؟؟

___________________________________
دي واحدة من المواقف الحقيقية اللي بشوفها في شغلي يوميًا (مع تغيير التفاصيل للحفاظ على الخصوصية).

أنا د. سارة يحيى
أخصائية نفسية وتربوية

أقدم:
▪️ جلسات إرشاد نفسي
▪️ جلسات للمراهقين
▪️ جلسات للأمهات والأسرة
▪️ تعديل سلوك للأطفال

لو حاسة إن في مشكلة محتاجة دعم أو فهم أعمق، ابعتي كلمة “استشارة” في الرسائل أو واتساب على 01013536670 للحجز والاستفسار

#ثيرابست

16/06/2026

16/06/2026

أخطر حاجة ممكن تعملها في نفسك…
إنك تقارن رحلتك برحلة غيرك.

ميكي سألت سؤال بيسأله ناس كتير:
“ليه بحس إني أقل من غيري؟

سؤال بيسأله أطفال ومراهقين كتير… وأوقات حتى الكبار.

شوفوا إجابة ماما أمينة لميكي في الفيديو ❤️

ولو عاوزين باقي السلسلة، اكتبوا “ميكي” في الكومنت

ولو حابة تساعدي ابنك يبني ثقته بنفسه، أو تتعاملي مع مشاعر المقارنة والخوف والقلق بشكل صحي…

تابعينا للمزيد من المحتوى التربوي والنفسي ❤️

ولحجز الجلسات والاستشارات، ابعتي رسالة الصفحة

#ثيرابست