Dr. Omar Elfeky

14/08/2025

06/08/2025

آلام الركبة 🎯

04/08/2025

ألام الكوع 🎯
تابع للنهاية... ♥️

02/08/2025

اختناق العصب والام أسفل الظهر 🎯

#التنميل

21/07/2025

برد العضم... حقيقة ولا اسطورة؟ 🤯
تابع للنهاية 💯

13/07/2025

تابع للنهاية 💯
دمتم سالمين ♥️

#صحة #الضغط #طبيب #دكتور

07/07/2025

"المسكنات.. مساعدة مؤقتة ولا خطر دايم؟!"💊

ناس كتير بتاخد المسكنات على طول أول ما تحس بوجع، بس هل ده تصرف صح؟ تعالى نعرف...

◀️ يعني إيه "مسكن" أصلاً؟

هو دواء بيكتم الإحساس بالألم... بس مش بيعالج السبب!
يعني الوجع اختفى، بس المشكلة لسه موجودة!

◀️ يعني لو ضهري بيوجعني وأخدت مسكن... أنا تمام؟

لأ، أنت بس "سكّتّ الوجع".
السبب ممكن يكون شد عضلي، غضروف، أو التهاب.
والمسكن مش هيعالج ده!

◀️ طيب هى كل المسكنات دى زي بعض؟

لأ، فيه أنواع كتير زى :

🔸 باراسيتامول (آمن نسبيًا)
🔸 بروفين وفولتارين (قوية بس بتضر المعدة والكلى)
🔸 ترامادول (خطر جدًا ويسبب إدمان!)

◀️ طب لو باخده كل يوم ي دكتور هيكون في مشكلة؟

اكيد طبعاً بيعمل مشاكل كتير وأهمها :

🔸 قرحة في المعدة
🔸 مشاكل في الكبد والكلى
🔸 ارتفاع ضغط
🔸 وإدمان في بعض الأنواع!

◀️ طب أعمل إيه ي دكتور لما أحس بألم؟

🔸 بلاش تجرى على المسكن
🔸 جرب كمادات
🔸 عدل وضعية جسمك
🔸 ريّح جسمك
ولو الألم مستمر؟ روح لطبيب..

📌 نصيحة سريعة:
المسكن مش عدو...
بس كمان مش صاحبك الدائم!
خده بحكمة، مش كل ما توجع تقول "هات البروفين!"

شارك البوست ده مع أي حد بيبلع المسكنات كأنها لبانة!
وخلّي دايمًا العلاج سببه معروف… مش مجرد كتم للوجع 💊🚫

01/07/2025

آلام الكتف 💥
تابع للنهاية 💯☑️

25/06/2025

دمتم بخير ♥️

21/08/2024

كتير من الناس فاكرين إن الشمس بتدي فيتامين D مباشرة، لكن الحقيقة غير كده❌

📌تصنيع فيتامين D في الجسم بيحصل من خلال سلسلة من العمليات الكيميائية، واللي بتبدأ في الجلد مروراً بالكبد وتنتهي بالكلى.
»»»»»»»»»»»»»»»»»»»»»»»»»»»»»»»»
في مادة موجودة تحت الجلد اسمها 7-Dehydrocholesterol
المادة دي لما الجلد يتعرض لأشعة الشمس فوق بنفسجية (UV) بالقدر الكافي والوقت المناسب، فـ بتتحول لـ Vitamin D3
بس الشكل دا مش هو الشكل الفعال لـ Vitamin D، وعلشان يوصل للشكل الفعال، فـ بيمر بمرحلتين:

☑️المرحلة الأولي، واللى بـ تتم ف الكبد و تحوله لـ 25-hydroxyvitamin D
لكن، لسه الشكل دا مبقاش نشط بشكل كامل.
☑️فـ بيمر بالمرحلة الأخيرة واللى بـ تتم في الكلى وتحوله لـ Calcitriol
ودا الشكل الفعال لـ فيتامين D.

◀️وبكده، تعتبر الشمس عامل مساعد أساسي في تصنيع فيتامين D، وليست مصدر مباشر له.

29/06/2024

لو انتى ست بيت وبتبذلى مجهود كبير بشكل متواصل أو عندك سكر ف انتى لازم تقرأى البوست للأخر
مبدأياً مرضى السكر أكثر عُرضة للإصابة بمتلازمة النفق الرسغى من غيرهم بالذات لو كانت ست بيت بسبب المجهود الكبير اللى بتبذله
كمان حوالى 35 فى الميه من مرضى السكر بيُصابوا بالمتلازمة دى وفقاً لدراسات حديثة اتعملت ف تايوان ف ٢٠١٩.

متلازمة النفق الرسغى او Carpel tunnel syndrome
هى مجموعة من الإضطرابات الحسية والحركية اللى بتحصل ف الايد
ودا بيحصل بسبب الترسبات الناتجة عن مرض السكر واللى بتؤدى بدورها للضغط على أعصاب الايد وتأثر على وظائفها وعملية نقل الاشارات العصبية.

نيجى للسؤال الأهم وهو
ايه هى اعراض المتلازمة دى

الأعراض اللى ممكن تظهر على ايد واحدة او الاتنين
بتتمثل ف وجع او تنميل ف الايد.
ضعف ف عضلات الايد وعدم القدرة على أداء الأعمال اليومية او تنفيذها بصعوبة.
الاحساس ب شكشكة ف الاصابع.
تورم اليد والاصابع.
الاحساس ب حرقان ف الاصابع وتحديدا السبابة والابهام.

ف لو ظهرت عليكى أى حاجة من الأعراض دى خصوصاً لو انتى مريضة سكر، لازم تتوجهى لطبيب مختص علشان يفحصك ويقوم باللازم.

دمتم بخير ♥️