17/06/2026
لما تجيلي حاله وتدفع كشف عشان تستشيرني في حالة بنتها و عاوزه تاخد رأيي وقراري في حاله بنتها مع رأي دكتورين كمان
و الحاله اصلا مش تخصصي
و اقول رأيي فيها قولا واحدا و احولها لدكتور متخصص في حالتها و ارجعلها الكشف لاني مكشفتش علي البنت ولا فحصتها
بس قولت رأيي الشخصي المتواضع
بجد ربنا اصطفاني و ميزني عن غيري بميزات كتير بحمد ربنا عليها
اولا مبحبش استغل مريض في تعبه ..لو الحاله مش حالتي بساعدها توصل لتشخيص وعلاج و دكتور يعالجها و يشخصها كويس
مش عيب خالص اني اعترف ان الحاله مش حالتي او مش تخصصي و ارجع قيمة الكشف
انا الحمد لله عارفه قدر نفسي
ومبحبش استغل مريض
ولا بحب ادي اي ادويه علي الفاضي
ولا بحب اضلل مريض عشان يفضل يكلف نفسه متابعات معايا علي الفاضي
عشان كده حالاتي اللي يعرفوني و اللي ميعرفونيش و اللي سمعوا عني بيثقوا فيا من قبل ما يتعاملوا معايا
الامانه و الخوف من الله و دايما حاطه في ذهني مراقبة ربنا ليا في كل اعمالي ومع كل مريض بيجيلي و بفحصه
الحمد لله
اللهم ادمها نعمه و اعني علي الحِمل و أُؤجرني علي عملي خالصا لوجهك الكريم ليس فيه رياء ولا كبر
اللهم تقبلني
