صيدلية د/ حمدى بشنواى

صيدلية د/ حمدى بشنواى صيدلى مجتمع

سؤال مهم لكل أب وأم...بما ان الجدرى منتشر بين طلاب المدارس الفتره دىهل تعرف الفرق بين حساسية الجلد والجدري المائي؟ناس كت...
09/06/2026

سؤال مهم لكل أب وأم...
بما ان الجدرى منتشر بين طلاب المدارس الفتره دى
هل تعرف الفرق بين حساسية الجلد والجدري المائي؟

ناس كتير بتتلخبط بينهم في البداية، وده ممكن يأخر التعامل الصحيح مع الحالة.

اكتب في التعليقات:👇هل طفلك أصيب بالجدري المائي قبل كده؟

نعم ✅لا ❌

وبإذن الله هننزل بوست نشرح فيه الجدرى المائى بشكل مبسط.


بفضل الله، وبفضل ثقتكم اللي بنعتز بيها،دي تاني صيدلية لينا.٨ سنين عدّوا، وبفضلكم لسه مكملينفيهم تعب وتجربة وغلط وتصحيح،و...
06/02/2026

بفضل الله، وبفضل ثقتكم اللي بنعتز بيها،
دي تاني صيدلية لينا.
٨ سنين عدّوا، وبفضلكم لسه مكملين
فيهم تعب وتجربة وغلط وتصحيح،
وفيهم قبل أي حاجة ثقة ناس غالية
كانت السبب الحقيقي إننا نكمّل ونكبر خطوة بخطوة.
🌿 في أماكن بتدخلها تاخد دوا وتمشي…
لكن في صيدلية د. حمدي عثمان،
بتدخل تلاقي راحة للقلب قبل الجسد 💚
والحقيقة اللي لازم تتقال،
إننا لمسنا حب الناس لينا وحسّيناه
قبل ما يتقال لينا بالكلام.
حب صادق، وتقدير حقيقي،
وده كان دافع أكبر لينا
إننا نحرص إن الخدمة اللي تتقدّم
تكون خدمة تليق بأهل البلد
واللي زوّد علينا المسؤولية أكتر،
إن الدفء وحُسن المعاملة من أهل المنطقة(البدارنه)
حسّيناه من قبل حتى ما الصيدلية تفتح بابها.
حرص صادق إن المكان ينجح ويشتغل،
وإحساس حقيقي إنهم شايفين الصيدلية
إضافة للمكان مش مجرد محل جديد.
في ناس كانت بتيجي تاخد علاج مخصوص
علشان المكان يشتغل،
مش علشان السعر ولا القرب،
لكن علشان شافونا ناس ملتزمة
وحبّونا…
واحنا حبّيناهم.
الدعم ده حمّلنا مهمة مش سهلة،
إننا نكون دايمًا عند حسن ظنهم،
وإن الأمانة اللي حطّوها في رقبتنا
نفضل شايلينها بإخلاص.
واللي عمره ما يتنسي،
إن في أولى ايام الافتتاح
ناس منكم بعتت أكل
للناس اللي كانت موجودة،
مش تصرّف عابر،
دي روح بلد، وجدعنة،
وحب حقيقي.
إحنا فخورين إننا بنخدمكم،
وهنفضّل نخدمكم
بكل صدق وأمانة،
علشان اللي بينا مش بيع وشرا…
اللي بينا عشرة.
🤲 بنخدمكم بنية الخير،
وبنحتسب كل لحظة مساعدة لوجه الله،
اللي بييجينا مش زبون… ده أمانة،
وندعي ربنا دايمًا نكون سبب في راحته وشفاه 🌸

👨‍⚕️ الصيدلية تحت إشراف د. سيد احمد حسين
دكتور محترم، شاطر، وأمين في شغله،
ويعاونه أ. أحمد عيد،
وفريق بيشتغل بقلبه،
بيحطك مكانه،
وبيسعى لمصلحتك كأنه بيخدم حد من أهله.
أنا موجود على فترات،
لإن معظم وقتي بيكون في الصيدلية اللي على الجسر،
لكن ده مش معناه غياب،
الفكرة واحدة،
والإدارة واحدة،
والمسؤولية واحدة.
مش بنوعد بمعجزات،
ولا بندّعي إننا الأفضل،
بس بنوعد إن الكلمة أمانة،
وصحتك
مسؤوليتنا
وإن اللي يدخل الصيدلية يحس إنه في مكان بيحترمه وبيحترم عقله.
وجودكم في الرحلة دي هو السبب،
وثقتكم هي الأساس.
صيدلية د. حمدي عثمان
خدمة ليكم…
ومكملين بإذن الله 🌿
اخوكم / حمدى عثمان

Address

جسر نهرالنيل بموقف شنواى امام المدرسه الابتدائى القديمه
Shebin Al-Kom
78827

Website

Alerts

Be the first to know and let us send you an email when صيدلية د/ حمدى بشنواى posts news and promotions. Your email address will not be used for any other purpose, and you can unsubscribe at any time.

Shortcuts

Share

Category