14/10/2022
ببساطه كده 👇👇👇
بداية التعافى متعبه من اعراض انسحاب جسمانيه لالم نفسي وخواء روحى وخصوصا اننا جاين من منطقه مهلكه اللى هى أخر ايام التعاطى فالمشكله مش فى المجهود اللى محتاج ابذله فى بداية تعافيا اكبر المشاكل اللى قابلتنى فى اول التعافى انى جاى من تعب ودخلت لتعب.
اخر ايام الضرب كانت مهلكه واول فترات التبطيل برضه متعبه من اعراض انسحاب لتعب نفسي لسيل من الأفكار ومحاسبة نفس ما بتخلصش الفرق ان الضرب بدايتة راحه ونهايته هلاك اما التبطيل بدايته تعب بس اتجاهه رايح للراحه اللى كنت بدور عليها فى اول تبطيلى الحاجه الوحيده اللى خرجتنى من دايرة التعب دى هى الامل وشوية احلام اتولدت من جديد جوايا من بعد ما كنت مفكر ان الحته المسؤووله عن الاحلام جوايا خلاص ماتت واهو النهارده الحمد لله رجعت احلم وانا صاحى.
