18/08/2026
احتباس البول في القطط
🚨 احتباس البول في القطط… حالة طارئة مش وقتها نستنى! 🐱🚨
"الدكتور، القط بيدخل الليتر بوكس كتير وبيشد نفسه ومش بينزل غير نقط بسيطة… يمكن يكون التهاب؟"
⚠️ مش دايمًا!
أحيانًا الأعراض دي بتكون بسبب انسداد مجرى البول (Urethral Obstruction)، ودي من أخطر الحالات الطارئة في القطط، خصوصًا القطط الذكور.
🩺 إيه اللي بيحصل؟
في بعض الحالات ممكن يتكون داخل مجرى البول: 🔹 سدادة من البلورات والمخاط والخلايا
🔹 حصوات أو رواسب بولية
🔹 وأحيانًا أسباب أخرى أقل شيوعًا
والانسداد يمنع خروج البول من المثانة.
ومع استمرار الانسداد، الفضلات والأملاح تتراكم في الدم، وممكن تحصل اضطرابات خطيرة في وظائف الكلى ونسبة البوتاسيوم وضربات القلب.
🚩 علامات لازم تاخد بالك منها:
🐾 دخول الليتر بوكس مرات كتير
🐾 الحزق أثناء التبول
🐾 نزول نقط بسيطة جدًا أو عدم نزول البول نهائيًا
🐾 المواء أو الصراخ أثناء محاولة التبول
🐾 وجود دم في البول
🐾 ل*ق منطقة الأعضاء التناسلية باستمرار
🐾 الاختباء والخمول
🐾 فقدان الشهية أو القيء في الحالات المتقدمة
❗ ومن الأخطاء الشائعة إن الـ owner يفتكر إن القط عنده إمساك؛ لأن وضعية الحزق في الليتر بوكس ممكن تكون متشابهة جدًا.
⏰ إمتى الموضوع يبقى طوارئ؟
قط ذكر بيحاول يتبول ومفيش بول أو بينزل نقط فقط = لازم يتكشف عليه فورًا.
الانسداد الكامل ممكن يؤدي إلى تدهور سريع جدًا، وقد تصبح الحالة مهددة للحياة خلال وقت قصير إذا لم يتم فتح الانسداد وعلاج المضاعفات.
🏥 الدكتور بيعمل إيه؟
التعامل مش مجرد "حقنة مدرة للبول" أو مضاد حيوي.
عادةً يبدأ الطبيب بتقييم حالة القط، وفحص المثانة، وقد يحتاج إلى: 🩸 تحاليل وظائف الكلى والأملاح خصوصًا Potassium
🩻 أشعة أو سونار حسب الحالة
💧 تعويض السوائل وتصحيح اضطرابات الأملاح
💉 تسكين الألم
🩺 فتح الانسداد باستخدام قسطرة بولية، مع التخدير/التهدئة حسب حالة القط
🏥 وفي الحالات الشديدة قد يحتاج القط إلى حجز ومتابعة بعد إزالة الانسداد.
❌ مهم جدًا:
ما تحاولش تضغط على بطن القط أو المثانة في البيت.
وما تستناش لحد ما القط "يبطل أكل" أو "يبدأ يرجع"؛ ظهور هذه العلامات قد يعني أن الحالة بدأت تتدهور بالفعل.
💡 كل دقيقة بتفرق في حالة انسداد البول.
لو قطك بيحاول يتبول ومفيش بول، ما تعتبرهاش مجرد التهاب بول… اعتبرها طوارئ لحد ما يثبت العكس. 🚨🐱
📌 Pet Paradise Clinic رعاية وتشخيص وعلاج لحالات القطط والكلاب.
#قطط .
للاستفسار 010 06992397
