مركز الفاروق عمر بن الخطاب التخصصي

مركز الفاروق عمر بن الخطاب التخصصي Contact information, map and directions, contact form, opening hours, services, ratings, photos, videos and announcements from مركز الفاروق عمر بن الخطاب التخصصي, Hospital, بهتيم/بجوار نادى بهتيم الرياضي/أعلي مسجد عمر بن الخطاب, Shubra El Kheima.
(24)

جميع التخصصات الطبية ... أخصائيون و استشاريون على أعلي مستوي
غرف عمليات مجهزة
مركز اسنان متكامل
مركز للعلاج الطبيعي والسمنة والنحافة
مركز تخاطب و تعديل سلوك وتنمية مهارات
معمل مجهز بأحدث الأجهزة
خدمة تمريضية مميزة مع إمكانية تقديمها بالمنزل أطباء على أعلي مستوي في جميع التخصصات الطبية

معمل للتحاليل الطبية وأبحاث الدم مجهز بأحدث الأجهزة .. أدق وأسرع النتائج - أرخص الأسعار .. إمكانية سحب العينات من المنزل

***استقبال حالات الجراحة والولادة علي مدار 24 ساعة ***

قسم خاص للعلاج الطبيعي.. أحدث أجهزة العلاج الطبيعي للحصول علي أفضل النتائج في أقل وقت ممكن.. علاج السمنة والنحافة

قسم للتخاطب وتعديل السلوك وتنمية المهارات وعلاج صعوبات التعلم

🚨الأطباء المتواجدين معانا في المركز النهاردة 🚨⌛ بانتظاركم تشرفونا ⌛⚠️⚠️ الحجز عن طريق التواصل تليفونيا مع الريسبشن أو عن...
17/09/2026

🚨الأطباء المتواجدين معانا في المركز النهاردة 🚨

⌛ بانتظاركم تشرفونا ⌛

⚠️⚠️ الحجز عن طريق التواصل تليفونيا مع الريسبشن أو عن طريق الواتساب 👌👌

كنت مرة بتفرج على خناقة بين ولدين صغيرين عشان خبطوا في بعض وهم بيلعبوا والاتنين ضربوا بعض جامدفجأة لقيت امهاتهم بيحاولوا...
17/09/2026

كنت مرة بتفرج على خناقة بين ولدين صغيرين عشان خبطوا في بعض وهم بيلعبوا والاتنين ضربوا بعض جامد
فجأة لقيت امهاتهم بيحاولوا ينقذوا الموقف الطفل الأول مامته ضربته وأجبرته انه لازم يتأسف وكانت حازمة وحلت المشكلة صراحةً بسرعة جدا
لكن الغريب ان الأم التانية تجاهلتها تماما وخدت ابنها بعيد وحضنته ما لا يقل عن دقيقة وسألته ايه اللى حصل راح رد ببساطة ضربنا بعض عشان هو خبطنى

فقالت له عندك حق هو ضربك جامد ودى حاجة تزعل اوى ممممممممم بس انت كمان ضربته؟؟؟ فسالته طب وايه رأيك ايه الحل مش شايف انك تتأسف أحلى 😊😊
والأم التانية🧐 تقريبا غضبانة حاليا اكتر من ابنها لانها مستنية اعتذار بالمقابل لابنها بالمثل
بس بعد فترة مش كبيرة اتفاجئت ان الولد جه واعتذر والام كمان اعتذرت قالتها انا اسفة ابنى بياخد وقت على ما يهدى ويعتذر
👏👏👏👏👏👏👏👏👏👏👏👏👏👏
الطفل لما بيغضب بيبقى فقد أعصابه وتحكمه بنفسه مش دايما رد فعلهم السىء بيبقى تحت بند العند
وكانه راكب عربية دايس بنزين جامد ومعندوش ادراك بوجود الفرامل (اللى هو الحضن ) 🤗🤗

🤩🤩" انقذه الاول وبعدين علّمه "🤩🤩

الضرب كارثي 😨 بكل المقاييس وكنا حابين نجمع كل المعلومات اللى تخلينا نبعد عنه بس الموقف دا خلانا نحس ان احنا بنركز اوى على سرعة حل المشكلة مع أطفالنا وخلاص وقد ايه الحضن ممكن يعمل معجزات و له تأثيرات ايجابية قوية جدا ما ينفعش نتغاضى عنهم

اولا هو بيزود الشعور بالامان 🥰 (خصوصا لو الحضن مدته طويلة لانه بيحفز مستوى هرمون oxytocin معروف بهرمون الحب او السعادة اللى بينتج عن الاحساس بالأمان) وزيادة افراز الهرمون دا بيقوى المناعة يعنى فايدة نفسية وجسدية 🤔

بيزود ثقته بنفسه وثقته في الام والاب🙋‍♂️

بيعيد بشكل كبير التوازن النفسي للطفل خاصة في الظروف الصعبة او وقت الغضب زى الأم ما عملت💆‍♂️

بيقلل من الانطوائية 🧘‍♂️

بيشعر الطفل بانتماؤه لأهله مهما كانت الظروف 👨‍👩‍👧‍👧

بيميل لتوزيع مشاعر الحب مع أصحابه ويزيد من العطاء مع الوقت وبالتدريج لما يكبر أكتر 🤝

دا كمان بيؤدى لاسترخاء العضلات
و بيزيد من شعور الرضا والتقدير ويبقى الطفل اقل عرضة للضغط العصبي والتوتر

واخيرا وليس آخرا بيبقى متأكد ان اللى بيحضنه دا بيحبه جدا 💌

يعنى ببساطة قبل ما نفكر في الحل السلبي نروح نحضنهم وكتيييييييييير
(على الاٌقل 6 مرات في اليوم ومش اقل من عشرين ثانية بس في المرة )
ونتكلم معاهم في اي فكرة هم كانو رافضين يسمعونا فيها قبل كدة ونعتذر لهم عن عصبيتنا عشان نبقى قدوة

لمزيد من المعلومات والاستشارات شرفونا
بعيادة التخاطب و تعديل السلوك و تنمية المهارات
وعيادة الطب النفسي و الإرشاد الأسري
في مركز الفاروق عمر بن الخطاب التخصصي

📞 للحجز والدعم النفسي:🩺 مركز الفاروق عمر بن الخطاب التخصصي للاستشارات النفسية📞 010 02722872
17/09/2026

📞 للحجز والدعم النفسي:
🩺 مركز الفاروق عمر بن الخطاب التخصصي للاستشارات النفسية
📞 010 02722872

🚨🚨د محمد مطر 🚨🚨مدرس جراحة الأوعية الدموية هيكون موجود معانا يوم الاحد القادم الموافق ٢٠ / ٩ الساعة ٨ مساء والحجز مسبقا
16/09/2026

🚨🚨د محمد مطر 🚨🚨
مدرس جراحة الأوعية الدموية
هيكون موجود معانا يوم الاحد القادم الموافق ٢٠ / ٩
الساعة ٨ مساء
والحجز مسبقا

🚨مواعيد الأطباء المتواجدين بالمركز النهاردة 🚨وموجود معانا النهاردة د هاني خطاب استشاري الأنف و الأذن و الحنجرة الساعة 5 ...
16/09/2026

🚨مواعيد الأطباء المتواجدين بالمركز النهاردة 🚨

وموجود معانا النهاردة

د هاني خطاب
استشاري الأنف و الأذن و الحنجرة
الساعة 5 ونص مساء بإذن الله

⌛الحجز عن طريق التواصل تليفونيا مع الريسبشن أو عن طريق جروب الواتساب

بانتظاركم تشرفونا 🔥🔥

خوف الاطفال من البوتي 👌السيناريو هنا كالأتي 👇طفلك بيعمل البول عادي جدا علي البوتي، ولكن بيخاف يقعد يعمل الستول او البراز...
16/09/2026

خوف الاطفال من البوتي 👌

السيناريو هنا كالأتي 👇

طفلك بيعمل البول عادي جدا علي البوتي، ولكن بيخاف يقعد يعمل الستول او البراز علي البوتي او الحمام 🤔

و هنا بيواجهك واحد من السببين دول 👇

١. إما الطفل عنده امساك و الحل 👇

- نعدل في محتوي وجباته بحيث نزود الالياف اكتر نزود الخضار نزود الفاكهة زي البطيخ، البرقوق ناكل خس، ناكل سلطة(طماطم و خيار) اقل حاجة ✔

- نزود شرب المياه بالأخص لإنها بتساعد علي تحسين حركة الامعاء و بتخلي البراز اسهل في الخروج ✅

- نقلل شوية من الاكل المقلي و السريع ✔

٢. او الطفل خايف من عملية خروج البراز علي البوتي 🥺

والسبب هنا بيبقي ان الطفل حاسس و كإن اللي هيخرج دا من جسمه حاجة مهمة، خايف يحصل اذي له لإن العملية بتكون فيها شوية شعور بالتعب و المجهود فالمطلوب هنا منقعدش الطفل علي البوتي غصب عنه خالص و منعلموش الحزق 👍

والحل 👇

١. الطفل محتاج يهدي و يحس ان البيئة حواليه بتطمنه و تهدي خوفه ممكن نشغل له موسيقي، ممكن قبلها تحضنيه و تأكدي له ان الموضوع مش مؤذي و دي حاجة بتخلينا نتخلص من المواد الضارة في جسمنا عشان نحس براحة اكتر و نقدر نقوم نلعب و نتطنطط بدون منحس بوجع في البطن او الضهر او الرجلين 🥰

٢. ادي الطفل بريك ١٠ دقايق و عرفيه اننا هنرجع نجرب تاني كمان شوية 😍

٣. عرفي طفلك لو حسيت انك قربت تعمل و في وجع هنا في بطنك تعالي قولي مامي عايز اجرب تاني 😊

٤. حطي البوتي في الحمام و دايما خليها هناك عشان الطفل يحس بالخصوصية اكتر و ميبقاش حد شايفه غيرك و دا اهم حاجة هتعلمه انه مينفعش يعمل حمام في اي مكان في البيت لازم الحمام ❤

الطفل اللي بيتحطله البوتي في الصالة و في الليفنج بيخاف بعد كدة يدخل الحمام، بيعمل توليت في اركان البيت، بيتعلم عدم الخصوصة و بيخاف من التوليت برة الببت 🙄 فخلي بالك ⚘

لمزيد من المعلومات والاستشارات شرفونا للكشف والمتابعة
بعيادة التخاطب و تعديل السلوك و تنمية المهارات
وعيادة الطب النفسي و الإرشاد الأسري
في مركز الفاروق عمر بن الخطاب التخصصي

هل اللبن و السمك و البيض ممنوعين لو الطفل عنده نزلة برد أو سخونية ؟ 🤔🤔✅ لا مش ممنوعين بالعكس مطلوب في فترة مرض الطفل انه...
15/09/2026

هل اللبن و السمك و البيض ممنوعين لو الطفل عنده نزلة برد أو سخونية ؟ 🤔🤔

✅ لا مش ممنوعين بالعكس مطلوب في فترة مرض الطفل انه يتغذي كويس و ياخد بروتين كويس عشان رد الفعل المناعي بتاعه يكون قوي و يقدر يقاوم الميكروب و كمان الأكل ده مش بيزود السخونية و لا حاجة زي ما هو منتشر بين الناس الطفل بيسخن من التعب اللي عنده مش من الأكل وبرده مفيش اكل معين هيقلل السخونيه طالما تعبان👌

⛔ لكن في بعض الأمراض ممكن نوقف بعض الأطعمة بشكل فردي للطفل زي مثلا اللبن او الملوخيه او الكوسه باختصار الاطعمه اللي بتزود الاسهال أثناء النزلة المعوية أو نوقف أكل معين لأطفال حساسيات الطعام.. او حساسيه الصدر لو الأكل ده بيزود الكحة عند الطفل زي الشيكولاته (لكن ده بيختلف من طفل للتاني) و بيكون بأمر الطبيب المعالج👌👌

لمزيد من المعلومات والاستشارات شرفونا للكشف والمتابعة بعيادة الأطفال و حديثي الولادة بالمركز

قولولي بصراحة… إيه أكتر موقف قديم دماغك بتحب تعيده وقت #النوم؟ 😂 من الحاجات اللي بنعملها من غير ما ناخد بالنا…ليه بنفتك...
14/09/2026

قولولي بصراحة… إيه أكتر موقف قديم دماغك بتحب تعيده وقت #النوم؟ 😂
من الحاجات اللي بنعملها من غير ما ناخد بالنا…
ليه بنفتكر الموقف المحرج قبل ما ننام بـ 7 سنين؟ 😂
في حاجة نفسية اسمها #الاجترار #الفكري؛ يعني العقل يفضل يعيد نفس الموقف أو الحوار مرة ورا مرة، خصوصًا لو كان مرتبطًا بالخوف أو الندم أو الإحراج.
المشكلة إننا أحيانًا بنفتكر الموقف مش علشان نحله…
لكن علشان نحاول نغير حاجة خلصت أصلًا.
فتلاقي دماغك الساعة 2 بالليل:
"طب ما كان ممكن أرد عليه كده"
ليه قلت الجملة دي؟!
ياااه لو الزمن يرجع بس 😅
لكن الحقيقة المهمة:
مش كل فكرة محتاجة إجابة.
ومش كل موقف محتاج إعادة محاكمة.
لما تلاقي #دماغك #بتعيد #نفس #المشهد، جربي تقولي:
"الموقف انتهى… وأنا أقدر أتعلم منه من غير ما أعاقب نفسي بيه كل يوم."
التعافي مش إنك تنسي كل حاجة حصلتلك…
#التعافي إن ذكرياتك تفضل موجودة، من غير ما تفضل هي اللي عايشة مكانك.
📞 #للحجز و #الدعم #النفسي:
🩺 مركز الفاروق عمر بن الخطاب التخصصي للاستشارات @أبرز المعجبين النفسية
📞 010 02722872

الدراسة بدأت التركيز عند أطفالنا ضعيف ومستوي التحصيل في الدراسة قليل عايز تطمن علي أولادك ... بس المصاريف كتير الحل عندن...
14/09/2026

الدراسة بدأت
التركيز عند أطفالنا ضعيف
ومستوي التحصيل في الدراسة قليل
عايز تطمن علي أولادك ... بس المصاريف كتير

الحل عندنا مع معمل المستقبل في عيادات مركز الفاروق عمر بن الخطاب التخصصي

العرض متاح دلوقتي و حتي يوم الجمعة القادم

عقاب الاطفال 😎🔸قبل ما نفكر نعاقب ولادنا لازم نعرف ان الأطفال بينسوا بسرعة بس للأسف في موضوع العقاب ده بالذات بيكون نسيا...
13/09/2026

عقاب الاطفال 😎

🔸قبل ما نفكر نعاقب ولادنا لازم نعرف ان الأطفال بينسوا بسرعة بس للأسف في موضوع العقاب ده بالذات بيكون نسيانهم انتقائي . يعني هما بينسوا اتعاقبوا ليه بس مينسوش ابدا العقاب نفسه .

🔸طرق عقاب الاطفال بدون تعقيد ولا أهانة 👈

✅ العقاب لازم يبقى فوري وقت وقوع الخطأ. عشان يرتبط في ذهن الطفل بالخطأ، مفيش حاجة اسمها تحوشيله و تكتمي في نفسك و تنفجري مرة واحدة!!🙏
كده عقابك هيبقى شديد على الفاضي و الطفل مش هيفهم هو اتعاقب ليه اساسا !
✅ مهما تعاقب ابنك او تعاقبي بنتك على حاجة . لو شافك انت بتعملها عمره ما هيبطلها. هينسى دايما هو اتعاقب ليه و هيفضل يقلدك. مينفعش تعاقب ابنك على الكدب مثلا وهو شايفك بتكدب. مينفعش تعاقبي بنتك على الزعيق و الصوت العالي و انتي صوتك جايب اخر الشارع.
خليك دايما واخد بالك من تصرفاتك لأنهم في الاخر مهما تعاقبهم هيقلدوك برضه
✅ خللي ديما العقاب مرتبط بالخطأ. يعني لو كسر لعبته. يبقى مفيش لعبة تانية. لو عمل شقاوة في النادي يبقى محروم من النادي لمدة محددة. عشان يعرف دايما ان خطأه له عواقب و نتايج مرتبطة بالخطأ ده. مش مثلا كسر لعبته يبقى محروم من التلفزيون! ايه علاقة ده بده ؟
✅ العقاب ميبقاش عمال على بطال . في الاخر الطفل هينسى هو بيتعاقب ليه من كتر العقاب. فوتي شوية . متعاقبيش على الاخطاء الصغيرة و التافهة و غير المضرة.
اعملي نفسك مش شايفة ووجهيه بعديها للصح
✅ متهدديش بعقاب ابدا و انتي مش متأكدة انك هتعمليه. هتهددي بعقاب يبقى لازم يتنفذ لو الخطأ حصل . التهديدات المتكررة اللي في الهوا دي بتخللي الطفل يستخف بيها
✅ التهديدات من قبيل: انا هموتك. انا هدبحك. انا هكسرك ممنوعة تماما تماما . انتي بتربيه مش بترعبيه!
✅ مفيش عقاب قصاد حد! لا قريب ولا غريب. علاقتك بابنك و علاقتك ببنتك لازم تبقى زي علاقتك بمراتك. خلف الابواب المغلقة !

💥 نقول تاني الغرض من العقاب هو التربية و التقويم . مش الاهانة و الفضيحة !🙏🙏

✅ قولناها ١٠٠ مرة ممنوع منعا باتا اي حد ايا كان يعلق على عقابك او يعترض عليه قصاد الطفل حتى الاب و خصوصا الاب . العقاب يتنفذ و يكمل حتى لو حضرتك مش مقتنع بيه . اللي يتقال عليه لا يبقى لا . الكلام و النقاش بينكم يبقى بعيد عن الطفل
✅ لازم تعيد تقييم نتائج عقابك من فترة للتانية . ميبقاش مش جايب نتيجة و تبقى مصر عليه و بتضرب كف بكف مش فاهم ليه ابنك مش بيستجيب.♥️
✅ نفسيات الاطفال مش زي بعض اللي بيجيب نتيجة مع طفل مش شرط يجيب نتيجة مع طفل تآني و اخيرا و اهم حاجة في الموضوع لازم نعرف ان العقاب بيجي في الاخر بعد التوجيه و الشرح و الاقناع.♥️
✅ اقعدوا مع ولادكم. العبوا معاهم. قربوا منهم. اتكلموا معاهم.امدحوهم كتير و كافؤوهم على كل حاجة كويسة بيعملوها. مش كده و بس.♥️
✅ امدحوهم كمان على كل حاجة وحشة مش بيعملوها . المكافئة reward دايما و ابدا بتجيب نتيجة افضل بكتير من العقاب♥️

🔸طيب نعاقبهم ازاى 🤔🤔

في حالة تكرار الخطأ أو ارتكب خطأ متعمدا ففي هذه الحالة يمكننا أن نؤدبه بأساليب كثيرة منها 👈👈

▪️الحرمان من الامتيازات أو الغضب عليه من غير انتقام أو تشفٍ أو ضرب .
▪️ كما يمكننا استخدام (أسلوب الاختيار بالعقوبة ) وفكرة هذا الأسلوب أن نطلب منه الجلوس وحده فيفكر في ثلاث عقوبات يقترحها علينا مثل : (الحرمان من المصروف أو عدم زيارة صديقه هذا الأسبوع أو أخذ الهاتف منه لمدة يوم) . ونحن نختار واحدة منها لينفذها هو على نفسه .
▪️وفي حالة اختيار ثلاثة عقوبات لا تناسب الوالدين.
مثل مثلا : أن يذهب للنوم أو يصمت لمدة ساعة أو يرتب غرفته ولم تعجبنا العقوبات التي اقترحها علينا
في هذه الحالة نطلب منه اقتراح ثلاث عقوبات غيرها.
فإننا في هذه الحالة نجعل المعركة بين الطفل والخطأ وليس بينه وبين الوالدين فنكون قد حافظنا علي رابطة المحبة الوالدية وكذلك نكون قد احترمنا شخصيته وحافظنا على انسانيته فلم نحقره أو نهينه .

💥 خليكم فاكرين القواعد الذهبية دى 👈👈

: يجب ان يكون العقاب مرتبط بالذنب
: يجب ان يكون العقاب بنفس حجم الذنب
: يجب ان يكون العقاب بعد توضيح الخطأ وليس قبله
#القاعدةالرابعة: العقاب ليس وسيلة لتفريغ غضبك
: قرري العقاب الملائم قبل أن تبدأي بالعقوبة
: ضبط للنفس اثناء العقاب
: تجنبي العقاب المؤذي
: لا يجب تكرير العقاب بغير داعي أو ضرورة
: العقاب ليس هو الضرب
: لا تجعلى تأثير العقاب يمتد

💥 و ختاماً.. نداء إلى الآباء و الأمهات:
رفقاً بهذا المخلوق الرقيق الذى نسميه الطفل وتذكروا ان هناك من حرموا من نعمة الاطفال، و لا تستهينوا بالعقاب فتستعملوه كيف كان♥️
و اعلموا أنه سلاح و السلاح لا يستعمل إلا بحذر ؛ فإن لم يكن ذلك صار أداة تدمير و عاقبته خسارة فادحة♥️
فيقول الباحثون أن العقاب يجب ألا يحتل مساحة تزيد على الـ١٠٪ من تعاملك مع طفلك
و يحتل الثواب و التشجيع الـ٩٠٪ الباقية.♥️😍.

لمزيد من المعلومات والاستشارات شرفونا للكشف والمتابعة
بعيادة التخاطب و تعديل السلوك و تنمية المهارات
وعيادة الطب النفسي و الإرشاد الأسري
في مركز الفاروق عمر بن الخطاب التخصصي

Address

بهتيم/بجوار نادى بهتيم الرياضي/أعلي مسجد عمر بن الخطاب
Shubra El Kheima

Opening Hours

Monday 1pm - 11pm
Tuesday 11am - 11pm
Wednesday 11am - 11pm
Thursday 11am - 11pm
Friday 1pm - 11pm
Saturday 1pm - 11pm
Sunday 11am - 11pm

Telephone

01123868258

Website

,

Alerts

Be the first to know and let us send you an email when مركز الفاروق عمر بن الخطاب التخصصي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category