د/ محمد يحيى استشاري الحقن المجهري - Dr. Mohamed Yahya

22/07/2026

هل ميل الرحم يمنع الحمل؟ 🤔

🩺 في أغلب الحالات ينفع الحمل عادي

ميل الرحم للخلف أو للأمام هو اختلاف طبيعي في وضع الرحم، وموجود عند نسبة من السيدات، وفي معظم الأحيان لا يمنع الحمل ولا يقلل فرص حدوثه.

لكن في بعض الحالات، قد يكون ميل الرحم ناتج عن مشكلة زي👈🏻 الالتصاقات أو بطانة الرحم المهاجرة، وهنا بيكون السبب الحقيقي هو المرض المصاحب، وليس ميل الرحم نفسه.

وبالفحص واكتشاف السبب الحقيقي نقدر نعالجه ويحصل الحمل إن شاء الله

💬 عندك سؤال بيبدأ بـ "ينفع...؟" اكتبه في التعليقات، ويمكن يكون هو موضوع البوست القادم.

21/07/2026

دكتور... شفت مكمل بيقولوا إنه بيزود جودة البويضات، أبدأ آخده؟

رد الدكتور في أول كومنت 👇🏻 👀

19/07/2026

المحاضرات وحدها لا تصنع طبيبا ماهرا دون ممارسة وتدريب 🙌🏻👇🏻

جانب من فعاليات التدريب العملي الثاني لأساسيات الحقن المجهري وتأخر الإنجاب، والذي تنظمه مستشفى أجيال بسوهاج بدعم من شركة أكادي للأدوية، وتحت رعاية المركز الإقليمي للتدريب.🤍✨

على مدار شهر كامل، يتلقى أكثر من 20 طبيبًا من الأخصائيين والاستشاريين برنامجًا علميًا مكثفًا يجمع بين المحاضرات النظرية والتدريب العملي داخل المستشفى، تحت إشراف:
🔹 أ.د. محمد يحيى
🔹 أ.د. محمد صبري

وبتوجيه من أ.د. رمضان صالح مؤسس مستشفى أجيال، وبمشاركة نخبة من أساتذة أمراض النساء والتوليد بجامعتي سوهاج وأسيوط.

نسأل الله أن تطرح جهودنا جيل جديد من الأطباء المتميزين القادرين على تحقيق حلم الإنجاب لكل زوجين يضعوا ثقتهم بهم 🤍🤲🏻

16/07/2026

د مصطفى حمام عابدين و د الاء محمد حسن محفوظ في اول ايام دورة الحقن المجهري مع الاستاذ الدكتور محمد يحيي استاذ النساء والتوليد بجامعة سوهاج برعاية مستشفي اجيال للحقن المجهري وبرعاية شركة اكادي للأدوية .

15/07/2026

هل لو عملنا كل التحاليل والفحوصات قبل الحقن المجهري هنضمن النتيجة؟🤔

🩺الإجابة 👈🏻 الإحساس بالاطمئنان مهم... لكن كتر التحاليل مش معناها تشخيص أفضل إطلاقا🫴🏻

الطب الحديث بيدعو لطلب الفحوصات التي لها قيمة حقيقية في اتخاذ القرار👌🏻

فبننصح أن أي إجراء مش هيضيف جديد للحالة بعينها يبقا ملوش لازمة التكاليف بتاعته👉🏻

لو عندك أي سؤال يبدأ بـ ينفع سيبيه في كومنت 👇🏻💬

09/07/2026

حالة عندها أجنة مجمدة من دورة حقن مجهري سابقة وبتسأل: ....

هل ينفع دلوقتي نحدد نوع الجنين ونختار ولد أو بنت قبل الترجيع؟🤔

مهتمة تعرفي د يحيى قال ايه؟ .. شوفي أول كومنت 👇🏻 👀..............

💬 ولو عندك سؤال يبدأ بـ "ينفع... "اكتبيه في التعليقات، يمكن يكون هو موضوع البوست القادم.

07/07/2026

حالة اتقطعت عندها الدورة الشهرية بس كانت مجمدة أجنة قبل كده ولسه عمرها الافتراضي منتهاش.. ينفع نحقنلها جنين؟ ..

شوف رد الدكتور في أول كومنت 👀 👇🏻

05/07/2026

04/07/2026

يا ترى ايه اللي ينفع...؟ وايه مينفعش؟ 🤔

الطب بيتطور وبيتحدث باستمرار، فـ اللي كان يُنصح بيه من سنوات، ممكن النهارده يبقى مينفعش، والعكس اللي فاكرينه مينفعش وخطر ساعات بيكون ينفع جدا ومطلوب لبعض الحالات كمان

عشان كده هنبدأ في سلسلة "ينفع...؟ 💙

في كل بوست من بوستات الشهر دا هنجاوب على سؤال بيتكرر كتير، ونوضح ينفع ولا لا

📩 لو بيدور في بالك استفسار معين وحابة تعرفي ينفع ولا لا اكتبيه في كومنت ونجاوب عليه باستفاضة في بوست لاحق👇🏻🤍

01/07/2026

ليه بعد نقل الجنين ممكن نكتب أدوية تاني؟ 🤔

النقل خطوة مهمة بس الجسم محتاج دعم عشان الجنين يثبت. 👇

الدعم دا بيكون في الأدوية اللي الدكتور بيكتبهالك بعد النقل، بحيث
🔸 يحضر بطانة الرحم ويخليها جاهزة تستقبل الجنين
🔸 يمنع التقلصات اللي ممكن تأثر على الانغراس
🔸 يدعم الحمل في أول أسابيعه المهمة

الدواء دا بقا ممكن يكون :
✅ تحاميل أو كريم مهبلي — الأكتر استخداماً
✅ إبر عضلية — في حالات معينة بتحتاج مستوى أعلى
✅ أقراص — سهلة الاستخدام ونتائجها كويسة

وطبعا مش كل الحالات بتاخد نفس الدواء بنفس الطريقة البروتوكول بيتحدد على حسب حالتك.

لو عندك أي استفسار آخر سيبيه في كومنت ونجيبلك رد د يحيى عليه 👇🏻💬