31/08/2026
"عملتِ تحليل الحمل طلع سلبي... وبعد 5 أيام طلع إيجابي؟!"* 😳
اهدي خالص الموضوع طبيعي وبيحصل مع ستات كتير جداً
"يا دكتور أنا اتجننت... عملت تحليل يوم معاد الدورة سلبي، وبعد أسبوع عملته تاني طلع إيجابي!"
ولا اتجننتي ولا حاجة 😄 ده الطبيعي
*ليه بيحصل كده؟*
عشان تحليل الحمل مش سِحر 😂 هو بيدور على "هرمون الحمل"
والهرومون ده مش بيظهر أول ما يحصل تخصيب
*القصة بتمشي كده:*
1. يحصل تخصيب
2. البويضة تمشي للرحم وتلزق في البطانة
3. بعدها يبدأ هرمون الحمل يظهر ويعلى بالتدريج
يعني ممكن تكوني حامل بس عملتي التحليل بدري... فالهرمون لسه ضعيف والاختبار ملقطوش ❌
تستني كام يوم، الهرمون يعلى، تعيدي التحليل ✅ يطلع إيجابي
هرمون الحمل عامل زي النور اللي بيزيد بالتدريج
لو دخلتي الأوضة والنور لسه ضعيف مش هتشوفي حاجة
تستني شوية النور يقوى هتشوفي كل حاجة
*طب أعمل إيه لو شاكة؟*
✔️ استخدمي أول بول الصبح عشان مركز
✔️ متشربيش مياه كتير قبل التحليل
✔️ لو طلع سلبي والدورة مجتش... استني 3-4 أيام وعيديه
✔️ أو اعملي تحليل دم رقمي... أدق وأسرع وبيكتشف كميات أقل
*امتى أقلق واجري على الدكتور؟* 🚨
لو التحليل إيجابي + ألم شديد في جنب واحد + نزيف غير طبيعي + دوخة شديدة
ساعتها لازم كشف فوراً لاستبعاد الحمل خارج الرحم
من الآخر: السلبي مش دايماً معناه مفيش حمل. أحياناً بس معناه "تعالي بعد كام يوم" 😄
ربنا يرزق كل مشتاقة الذرية الصالحة 💕
📲 *احجزي دلوقتي في عيادة دكتور بيشوى وصفى وابدئي رحلة اطمئنان حقيقية*
للحجز والاستفسار: 01220108164 - 01004327433
📍 *العنوان:*
سوهاج: أمام إدارة مرور سوهاج أعلى صيدلية د/ عزيزة
البطاخ: حي الاربعين - منزل الحج محمود عليو
