د.رنا سلطان-Dr. RanaSultan

29/08/2025

👌خدي بالك
لازم تبقي عارفه وزن الطفل وهو مولود

لان وزن البيبي اول ٤ شهور بيزيد كيلو الا ربع عن كل شهر

وتاني ٤ شهور بيزيد نص كيلو عن كل شهر

وتالت ٤ شهور بيزيد ربع كيلو عن كل شهر

يعني بعد ما يتم ال ٤ شهور الأولى بيبقي زايد فى حدود ٣ كيلو عن وزن الولاده



و لو لاحظتي ان نمو طفلك مش ماشي بشكل طبيعي
لازم تحجزي وتَستشيري الدكتور علشان طفلك ياخد العلاج المناسب اللي هيساعده
للإستفسار 📱:-
01286077850
📌العنوان:-شارع المحطة أمام محطة سكة الحديد سوهاج اعلي المصرية للصرافة الدور الأول.

24/07/2025

اعرفي مشكلة طفلك وعالجيها مع دكتورة رنا سلطان👩🏻‍⚕️

لو طفلك بيعاني من 👇🏻

1. مشاكل التغذية والتغذية السليمة للطفل.
2. الاضطرابات النمائية وتأخر النمو.
3. الحساسية والتحسس الغذائي.
4. الأمراض المعدية زي الزكام والإنفلونزا.
5. مشاكل الجلد مثل الطفح الجلدي والأكزيما.
6. التطعيمات والجدول الزمني للتطعيمات الضرورية.
7. الصفرا.
8. متابعة نمو وتطور الطفل بشكل عام.
9. تقديم المشورة والدعم للآباء والأمهات في تربية أطفالهم بشكل صحيح وسليم.

دكتورة رنا سلطان جاهزة لمساعدتك في حل مشاكل صحة طفلك وضمان راحته وسعادته. اتصلي دلوقتي واحجزي استشارتك✨

للإستفسار 📱:-
01286077850

📌العنوان:-
شارع المحطة أمام محطة سكة الحديد سوهاج اعلي المصرية للصرافة الدور الأول.

08/07/2025

لو طفلك بيعاني من الإمساك تعالي هقولك ازاي تعالجيه👩🏻‍🍼

■ لو طفلك بيعتمد علي الرضاعة الطبيعية زودي عدد مرات الرضاعة.
■ لو بيعتمد علي الرضاعة الصناعية اتاكدي من تحضير اللبن بشكل كويس عشان قلة كمية المايه في اللبن بتسبب للطفل إمساك.
■ في حالة لو الطفل بدأ ياكل أكل مهروس ، أكليه خضروات و فواكه مهروسة هتخفف معاه حدة الإمساك.
■ احرصي على زيادة كمية المايه اللي بيشربها طفلك بين الوجبات وخصوصا معظم الناس بتنسي تشرب فى الشتا.
◼️من أشهر الحاجات اللى بتحسن الإمساك
(الخس والجرجير والخيار والملوخيه والكوسه والعنب والبطيخ والبرتقال )
■ دلكي بطنه ؛ و اعمليله حمام دافي..ولو الإمساك أستمر مع الطفل لازم تعرضيه على طبيب مختص يفحص حالته.

◀️حاجه مهمه جدا الام مش بتاخد بالها منها لو الام بترضع طبيعي وعندها امساك فى الغالب الطفل هيبقي عنده امساك.

ولو طفلك بيعاني من الإمساك تقدري تزورينا في أقرب وقت هنساعدك و نساعده يرجع بصحة و سلام🙏🏻🩵

للإستفسار 📱:-
01286077850

📌العنوان:-
شارع المحطة أمام محطة سكة الحديد سوهاج اعلي المصرية للصرافة الدور الأول.

06/06/2025

⭐عيد أضحي مبارك⭐
كل سنة وانتو طيبين بتمنالكم عيد سعيد وأيام مبهجة وأجازة سعيدة🥳
اتبسطوا وفرحوا أطفالكم وخلوا الفرحة في كل مكان🤩✨

03/06/2025

أمهات كتير بتسأل إستخدام التيتينا قرار سليم ولا غلط وهل هيضر الطفل؟🤔

التيتينا زيها زي حاجات كتير ليها مميزاتها وعيوبها هقولك عليهم وفي الأخر خدي قرارك إذا كنتي هتستخدميها لطفلك ولالا🤷🏼‍♀️..

《المميزات》
♡ بتهدي الطفل.
♡ بتكون مصدر تشتيت مؤقت للطفل مثلا في الوقت اللي بياخد حقنة أو تطعيم.
♡ بتساعده على النوم.
♡ بتساعد في التقليل من خطر متلازمة موت الرضع المفاجئ.

《السلبيات》

◇ إستخدام التيتينا بيزود من مخاطر الإصابة بعدوي الأذن الوسطى.
◇ إستخدامها لمدة طويلة ممكن يسبب مشكلة في أسنان الطفل ويخلي فيها اعوجاج أو سنانه متبقاش متساوية.
◇ ممكن تأثر على الرضاعة الطبيعية.

فيه بعض النصايح ممكن تمشي عليها لو قررتي تستخدمي التيتينا:

● لازم تغليها في ماية لمدة 5 دقايق 3 مرات يومياً.
● تقفليها كويس في الوقت اللي الطفل مش بيستخدمها فيه.
● اختاري نوع كويس وتأكدي من دا من خلال الدكتور المختص اللي متابع حالة طفلك.
● متسبيش التيتينا لفترة طويلة في اليوم في بوق طفلك عشان ميتعلقش بيها بزيادة ويبقي صعب عليكي توقفي إستخدامها.
● وقفي إستخدامها فوراً لو لاحظتي أي تأثير سلبي ليها على صحة طفلك.
● ممنوع إستخدامها للطفل قبل ما يتم 4 أسابيع على الأقل عشان لازم نعوده على الرضاعة الأول.

لو بدأتي تستخدمي التيتينا شاركينا تجربتك معاها في الكومنتات ولو بتفكري تستخدميها قوليلنا قرارك هتبدئي تديها لطفلك ولالا؟🤔

للإستفسار 📱:-
01286077850

📌العنوان:-
شارع المحطة أمام محطة سكة الحديد سوهاج اعلي المصرية للصرافة الدور الأول.

17/05/2025

تعرفى ان طفلك ممكن يصاب بجفاف من غير ترجيع واسهال ؟؟

الإجهاد الحرارى بيصيب طفلك لما بتعرض للحر فترات طويله وبدون تعويض بكميه سوايل مناسبه.

⚠️أعراضه:
لو حسيتي انو طفلك بيعاني من حرارة بشكل مستمر وبنقيسها بالترمومتر ونلاقيها ازيد من 37.3 .
لون البول غامق عن الطبيعي .
وفي ترجيع و عرق بكميات كبيرة .
معاه صداع ودوخه وعدم تركيز.

⁉️ نعمل ايه ...؟
⬅️الطفل يقعد فى مكان ضل وياريت لو فى هوا بارد .
⬅️نعوض الطفل بسوايل كافيه دايما و نزود اكل الورقيات الخضرا علشان المعادن .
⬅️يلبس الطفل لبس مناسب للجو مش طبقات كتير ولا تقيله وياريت لو كانت اقطان او كتان .
⬅️بلاش خالص خروج فى الفتره من ١٢ ل ٥ العصر .

⛔️امتي لازم نكشف.....؟
١_ السخونه مش بتنزل .
٢_فى ترجيع أكتر من مره.
٣-ظهور علامات جفاف ( فقدان الوعي او هزلان وعطش شديد جدا ورفض للأكل والشرب ونوم باستمرار.)

فى الحالة دي مينفعش تسبيه او تقولي هيخف بالكمدات لازم الطفل يكشف ويأخد العلاج المناسب عند طبيب مختص.

📱للحجز والاستفسار كلمينا علي:
01286077850
📌العنوان:-شارع المحطة أمام محطة سكة الحديد سوهاج اعلي المصرية للصرافة الدور الأول.

دكتورة متخصصة في طب الأطفال،ومؤمنة بأن كل ضحكة ودقة قلب الطفل أهم شئ.

11/05/2025

"قلقانه علي طفلك وحاسة انو نموه واقف ؟ 📉
التأخير في النمو بيكون بسبب مشاكل صحية او غذائيه او بيئية او جينية ومن المشاكل الصحية اللي محتاجة تدخل طبي:-

١ - نقص هرمون النمو.
٢- قصور الغدة الدرقية .
٣- وجود مشكلة في إمتصاص الأكل .
٤ - ومن أشهر وأهم الأسباب سوء التغذيه والانيميا .

في معظم الحالات، بيساعد اننا نبدأ نعالج الطفل بدري علشان نوصله لمرحلة النمو طبيعي .

◀️◀️معلومه مهمه اوى ؛

من أهم الحاجات اللى بتحفز هرمون النمو
1️⃣ النوم بدرى ولعدد ساعات كافيه مش اقل من ٨ ساعات يوميا
2️⃣المشاركه فى رياضه بصفه دوريه .
3️⃣وطبعا التغذيه السليمه اللى فيها كل العناصر من بروتين وخضار ونشويات وفاكهة.

ولو لاحظتي ان نمو طفلك مش ماشي بشكل طبيعي
لازم تحجزي وتَستشيري الدكتور وتتأكدي من الطول والوزن المناسب لطفلك فى المراحل العمريه المختلفه
للإستفسار 📱:-
01286077850
📌العنوان:-شارع المحطة أمام محطة سكة الحديد سوهاج اعلي المصرية للصرافة الدور الأول.

07/05/2025

الطفل عنده نزلة معوية و إسهال و ترجيع ؟
ومعرفتيش تعوضي سوائل جسمه في البيت !

🔴 ممكن الطفل يتصاب بالجفاف و خصوصا مع الحر و دي حاجة قاتلة للأطفال.

أعراض الجفاف هتلاحظيها عن طريق:-

● قلة كمية بول الطفل عن الطبيعي.
● ريقه ناشف.
● عينه دخلت لجوا.
● لو هو طفل رضيع هتلاحظي أن دماغه من فوق هبطت لتحت.
● مدروخ و نايم.
● جلده ناشف و جاف.
● لو عيط مبينزلش دموع.

عرض واحد من دول لو ظهر علي طفلك لازم فوراً تتوجهي للمستشفي أو للطبيب ؛ مينفعش تستني لما يظهر أكتر من عرض للجفاف علي طفلك❌.

نتمني لكل أطفالنا الشفاء و العافية🩵

للإستفسار عن الحجز كلمونا علي📱:-
01286077850

📌العنوان:-
شارع المحطة أمام محطة سكة الحديد سوهاج اعلي المصرية للصرافة الدور الأول.

03/05/2025

سمعتي من مامتك او حماتك بتقول كل ما تحسي عنده مغص إديله حلبة "

كنتِ تعرفي طيب إن كتر الحلبة للطفل الرضيع ممكن يسببلة إسهال ؛ و هيعمله مشاكل كتير في المعدة فتسبب عسر هضم للرضيع و ده غير انه بياخد مكان رضعه كامله هو محتاجاها.

علشان كده لو اتكرر المغص عند طفلك اكشفي واحنا هنتابع معاه بأنسب علاج
وخليكي عارفه دايما اني كلامهم فوق الرأس بس الدكتور هو الاساس ‍.

وكل يوم هنشارك معاكم باكتر الحاجات اللى ممكن نعملها غلط واحنا مش عارفين ونصحح معاكم المعلومه دي.

للحجز و الإستفسار 📱:-
01286077850
📌العنوان:-شارع المحطة أمام محطة سكة الحديد سوهاج اعلي المصرية للصرافة الدور الأول.

23/04/2025

طفلك خط أحمر، والحفاظ على صحته مهمة أكبر⚠️
احجزي كشف دلوقتي واضمني سلامة طفلك!

بالكشف هتوفري له:
✅️ فحص شامل للنمو والتطور، بيشمل تقييم الوزن والطول والنمو العقلي.
✅️ تقييم دقيق لوظائفه الحيوية زي الضغط والسمع والرؤية، مع الفحوصات اللازمة.
✅️ نصائح متخصصة لتغذية صحية متوازنة، بالإضافة لوصفات مخصصة لاحتياجات طفلك.
✅️ لو طفلك حديثي ولاده هنكون معاكي خطوه بخطوه تتعاملى معاه ازاى وتبدئي اكل امتي و نتابع التطورات الحركيه واللغويه.
✅️متابعه وعلاج حالات الصفرا
✅️علاج ومتابعه مشاكل الجهاز التنفسي للاطفال .
✅️علاج ومتابعه حالات النزلات المعويه الجهاز الهضمي وسوء التغذيه .

احجزي دلوقتي واطمني على صحة وراحة طفلك!✨

واحميه من الأمراض والتعب بمتابعة الصفحة، عشان بقدملك استشارات طبية هتساعدك تفهمي طبيعة الأطفال والتعامل السليم مع تعبهم وحمايتهم من الأمراض💬🌟

للحجز📱:-
01286077850

📌العنوان:-
شارع المحطة أمام محطة سكة الحديد سوهاج اعلي المصرية للصرافة الدور الأول.