13/09/2026
🧰🧰 فى الوقت دا من كل سنة مع دخول المدارس ليه بنلاحظ ان كل الأدوار التنفسية بتظهر رشح وكحة وسخونية واحتقان 🤧🤧
لأن الاختلاط المباشر بيزود فرص انتقال الفيروسات التنفسية خصوصا مع تغير الجو وجسم الطفل بيتاثر بسرعة خصوصا لو المناعة قليلة شوية .
👍 الأدوار دي عادة بتخلص خلال ٥ لـ ٧ أيام
والمناعة بتبقى شغالة طول الوقت تنظف الفيروس من مجرى الجهاز التنفسى
لكن ساعات يحصل تطور لو في التهاب اذن 👂
أو التهاب رئوي 🫁
أو بكتيريا تركب على الفيروس وتطول الدور
و علشان نقلل فرص العدوى ونساعد الجسم يقاوم ويفوق أسرع 👇
✔️ تنضيف الأنف باستمرار مهم جدا لإنه بيقلل الحمل الفيروسي ويريح النفس
✔️ شرب سوايل دافية على مدار اليوم ونتجنب البارد لأنه بيهيج الزور والأنف
✔️ الراحة الكفاية والنوم الجيد بيفرقوا في سرعة الشفاء
✔️ فيتامين سي طبيعي من الأكل
✔️ تطعيم الانفلونزا بيساعدوا يقللوا شدة الأدوار عند الأطفال
✔️ نهوي البيت كل يوم شوية علشان الهواء يتجدد
✔️ العزل مهم لما الدور يبقى شغال علشان ما نعديش باقي أفراد الأسرة
⛔ مهم جدا : لو الكحة بتزيد أو النفس بقى مجهد أو السخونية كملت أكتر من ٥ أيام لازم دكتور فوراً.
ربنا يحفظ أولادنا جميعا ويجعلها سنة دراسية مليانة صحة ونجاح 🩵🩵
