11/07/2026
"هو أنا مريض؟ ولا أنا بيتهيألي؟ ولا إيه اللي بيحصل في حياتي؟"
تخيل الكلام ده من شاب صغير كان بيسأل نفسه نفس السؤال ده كل يوم.
يوم يصحى على مغص. يوم بقى إسهال.
شوية دوخة تخليه يمسك في الحيطة.
ومرة حرقان عند فتحة الشرج يخليه مش قادر يقعد فى الحمام
يوم يبقى كويس جدًا…
واليوم اللي بعده جسمه يقلب عليه.
كل يوم يصبر نفسه قال لنفسه: أكيد قولون ❌
مرة تانية قال:يمكن أكلت حاجة مش نضيفة."
ومرة تالتة لما تصعب عليه نفسه يقول: ممكن أنا موهوم ومكبر الموضوع."
بس جسمه كان بيقوله حاجة تانية.
بقى يخاف ياكل…
لأن كل لقمة بعدها حمام.
بقى يرفض يخرج…
عشان خايف الإسهال يفاجئه في الشارع.
بقى يصحى تعبان….وينام تعبان…
ووشه كل يوم يطفي أكتر.
وبعدين بدأت الحاجات اللي ما ينفعش تتسكت:
مخاط مع البراز.
نقطة دم تظهر وتختفي.
حرارة من غير سبب.
وجع مفاصل.
وقرح في الفم.
وبرضه كان بيقول:
"يمكن كلها حاجات ملهاش علاقة ببعض."
لحد ما في يوم دخل الحمام، وطلع مش قادر يقف على رجله.
بعد الفحوصات والمنظار، عرف الحقيقة:
ما كانش قولون. وما كانش بيتخيل بس هو اتأخر .
كان عنده مرض كرونز ( مرض مناعى فى القولون )
الموضوع ده بقى متكرر كتير جدا والله ، حالات بتبقى سهلة فى البداية وعلاجها بسيط ، بتيجى توصل لسن معين تتحول لحاجات لقدر الله مش كويسة
#واحد عنده دوخة كل يوم، وياخد مقويات، لكن السبب الحقيقي أنيميا من نزيف داخل الجهاز الهضمي.
#واحدة عندها حرقان في المعدة، وكحة بالليل، وبحة في الصوت، وتفضل تعالج حساسية، والمشكلة أصلًا من ارتجاع شديد.
#واحد بيدخل الحمام ويلاقي البراز أسود، ويقول من الأكل أو الحديد، بينما أحيانًا اللون الأسود يكون علامة على نزيف.
#واحدة تشبع من لقمتين، وبطنها تفضل منفوخة، ووزنها ينزل، وتقول من الزعل، لكن الأعراض دي محتاجة تقييم.
#وواحد عنده حرقان مستمر عند فتحة الشرج، أو إفرازات، أو ألم يمنعه يقعد، ويفضل يقول بواسير، بينما ممكن يكون فيه التهاب أو خراج أو ناسور.
يا جماعة بالله عليكم…
خدوا بالكم من الأعراض اللي بنستهين بيها:
⚠️ دوخة بتتكرر
⚠️ وجع بطن كل شوية
⚠️ إسهال بيرجع أو بيصحّي من النوم
⚠️ حرقان أو ألم مستمر عند فتحة الشرج
⚠️ مخاط أو دم مع البراز
⚠️ أنيميا بترجع رغم العلاج
⚠️ براز أسود
⚠️ شبع سريع من لقمتين
⚠️ حموضة مستمرة أو كحة وبحة بالليل
⚠️ انتفاخ مستمر
⚠️ نقص وزن من غير سبب
⚠️ إرهاق شديد حتى بعد النوم
⚠️ تغير جديد ومستمر في طبيعة الحمام
ممكن جسمك يكون بيحذرك،
وأنت كل يوم بتسكّته بجملة: "هتعدي."
بلاش نستنى لحد ما الجسم يصرخ.
اسمعوه وهو لسه بيتكلم.
الأستاذ الدكتور/ خالد الملا
أستاذ ورئيس قسم الكبد والجهاز الهضمي والمناظير – كلية الطب
📍 طلخا – الموقف القديم – بجوار مسجد الغنام
برج الأطباء – الدور الثالث
