Aya Nutrition

11/08/2026

الحلقه الثانيه "أكل الشغل "

11/08/2026

🥺مافيش حد بيتخن في يوم وليلة
🫣ومافيش حد بيخس في يوم وليلة.
🫤ومش هضحك عليكوا… أنا اتحطيت في نفس الموقف ده، وكان نفسي أخس الكيلوات اللي زادت في فترة من الأيام بسرعة.

👈بس اكتشفت إن الإنسان بطبيعته بيحب النتيجة السريعة…
عايز يتعب النهارده ويشوف النتيجة بكرة.

❤️لكن ربنا سبحانه وتعالى بيعلمنا الصبر، وإن مش كل حاجة بنتمناها لازم تحصل فورًا.

وتأملوا قصة سيدنا موسى عليه السلام مع الخَضِر، لما قال له:
﴿إِنَّكَ لَن تَسْتَطِيعَ مَعِيَ صَبْرًا﴾

فالصبر مش معناه إنك تستسلم أو توقف…
الصبر إنك تكمل رغم إن النتيجة لسه ما ظهرتش. 🤍

😉عشان كده قررت أعمل معاهدة سلام بيني وبين الأكل. ❤️

🙄مش هحرم نفسي، ومش هقول لنفسي «ممنوع» طول الوقت.

هحط أهداف صغيرة قدام عيني، وألتزم أسبوع ورا أسبوع، ولو في حاجة نفسي فيها أخليها مكافأة اخر الاسبوع ، ولما آكلها آكل منها بكمية قليلة.
زي كده في نجاح ابنك هجيبله هديه لما ينجح 😉 مش العكس.

💢لأن هدفي مش إني أخس بسرعة وخلاص…
هدفي إني أتعلم أعيش بطريقة أقدر أكمل عليها.
اصبر على نفسك…
فالأهداف الكبيرة بتبدأ بخطوات صغيرة. 🤍

11/08/2026

الخوخ ❌الدايت 🧐

11/08/2026

انهارده أتعلمت دعاء جميل أوي في السجود ❤️

كان النبي ﷺ يدعو في سجوده بهذا الدعاء:

«اللهم اغفر لي ذنبي كله، دِقَّه وجِلَّه، وأوله وآخره، وعلانيته وسرَّه».

🌿 ثبته في صلاتك

10/08/2026

https://www.facebook.com/share/1BhgUzSUPh/

صفحتي الخاصه بالقصص الدينية
إن شاء الله هنعمل سلاسل حلقات
خاصه بالقصص الدينية
وحكايات كتير
تفيد أولادنا ❤️
ماتنسوش تدعموني بالايك والشير

صدقه جاريه

10/08/2026

الحلقه الأولي الاكل والدايت

10/08/2026

عاده غذائيه واحده هتغير دايتك ☺️

10/08/2026

🫣مش هخبي عليكم… اللي بيعمل دايت ده أحيانًا بيكون في جهاد نفسي عظيم.

❤️وربنا لما بيبتلي الإنسان بأصعب المعارك، بيكون عارف إنه قادر يتخطاها بإذنه 🤍

👈مقاومة النفس والتغلب عليها من أعظم أنواع الجهاد…
إنك تكون نفسك في حاجة، والحاجة قدامك، ومع ذلك تقول: لأ.

❤️افتكرت قصة طالوت لما اختبر بني إسرائيل وقال لهم إنهم ما يشربوش من النهر، ومن شدة العطش ما يحقّش لهم يشربوا إلا غرفة واحدة بأيديهم.

♦️تخيل حجم العطش… وتخيل قد إيه كان محتاج إن الإنسان يجاهد نفسه!

♦️وعشان كده، ما تستهونش أبدًا بالمعاناة اللي بيمر بيها شخص بيحاول يغيّر أكله أو يخس.

♦️أحيانًا بنقول:
«هو ليه كسر الدايت؟»
«ما كان يستحمل!»
«دي مجرد أكلة… إيه اللي يمنعه؟»

🫣وأنا واحدة من الناس كنت بقول كده…

🥺لحد ما حطيت نفسي في نفس الموقف، وجربت بنفسي قد إيه مقاومة الأكل والعادات اللي اتعودنا عليها مش سهلة.

👈ساعتها فهمت إن اللي بيحاول كل يوم، حتى لو وقع وقام، وحتى لو أخطأ ورجع يكمل… هو فعلًا بيجاهد نفسه.

♦️فلو أنت في رحلة نزول وزن، ما تستهونش بمجهودك.
وما تحكمش على غيرك من موقف واحد.

❤️كل مرة تختار فيها الصح رغم إن نفسك عايزة غيره…
أنت بتتقدم خطوة. 🤍

10/08/2026

❤️🤲اللهم إني أسألك في هذا الفجر راحةً لقلبي، وتيسيرًا لأمري، وبركةً في يومي، ورزقًا واسعًا حلالًا طيبًا.
❤️🤲اللهم اجعل هذا الفجر بدايةً لكل خير، ونهايةً لكل هم، وفتحًا لكل باب مغلق.
ولجميع من قال آمين ❤️🤲

09/08/2026

👈واخيرا وبعد فترة من اللغبطه بدأت اختار الهوايه الي بحبها بعيده عن مجالي قريبه من قلبي ❤️
👈ده قبل أي حاجه من توفيق ربي وحبيت أن الناس بقت متفاعلة مع القصص الي بنزلها في الاستوري ❤️
👈أوقات كتير بندرس حاجه وبنشتغل حاجة تانيه خالص بس الحاجة الي بتحبها هتنجح فيها أكتر ❤️❤️
📌البوست ده للتوثيق وان ربنا لو كتبلي العمر نشوف خلال سنه قدرنا نكمل في مجال القصص الدينيه والروايات ووصلنا لفين دعواتكم 🤲❤️
وانتظروا الجديد
♦️ربنا يحقق المستحيل لكل ماهو خير ❤️