عيادة دكتور احمد الصواف إستشاري جراحة العظام و الكسور

16/08/2026

اغلي هديه بتجيلك هي اللي بتيجي بعد شغلك اللي عملته و حاسس ان ده الطبيعي
بس دايما يفضل تقدير المريض للدكتور هو احلي مكافأه بنستناها بعد تمام الشفاء
و اغلي هديه هي كتاب الله الحكيم 🙏🏻🙏🏻🙏🏻🥰🥰😱

03/07/2026

حالة النهارده من الكسور الصعبه
اللي بتحتاج وقت معين و تدخل بشكل دقيق عشان نقدر نوصل لافضل نتيجه
شاب ٢٥ سنه عنده كسر متفتت بعظمة الكعب و الكسر ده ممتد للمفصل
و الحمد لله و بتوفيقه قدرنا نرجع الكسر بصوره ممتازه و تم التثبيت بشريحه و مسامير
و ان شاء الله يرجع لافضل وضع في اقرب وقت
#دكتور #عظام #كسر #اصابه #مفاصل #ملاعب #ركبه

20/06/2026

صباح الخير
من كام يوم كده كانت عندي بنوته ١١ سنه و رسمت لي الرسمه دي
اكيد فنانه يا دانه 😍😍😍

27/05/2026

01/03/2026

رمضان كريم
بس مش معني ان احنا صايمين ان احنا نكسل و نبطل شغل 🤔🫣
حالة النهارده من الحالات الصعبه المريض كان عنده كسر قديم في الحوض و أتعمل له تثبيت جراحي بشريحه و مسامير و لكن ربنا أراد ان الكسر ميلحمش بطريقه صحيحه و حصل تآكل في راس عظمة الفخد مع خشونه شديده و ده طبعا عامل تحديد في الحركه مع الم مستمر مع المشي
الحمد لله ربنا وفقنا ان احنا نشيل الشريحه و المسامير و نعمل تغيير كامل لمفصل الحوض بمفصل صناعي غير اسمنتي
و بفضل الله المريض هيقدر يمارس حياته بصوره طبيعيه في اقرب وقت 🥰🥰
#مفاصل #حوض #عظام #دكتور #ركبة #اصابات

16/02/2026

رمضان كريم
أعاده الله علينا و علي الأمه الاسلاميه بكل خير

27/01/2026

حالة النهارده من الحالات الصعبه
كسر ممكن يغير حياتك تماماً لو متعالجش بطريقه صحيحة
مريضة النهارده كان عندها كسر في راس عظمة الفخد مع خلع في مفصل الحوض
احتاجت جراحه دقيقه لتصليح الكسر عشان نتفادى انها تعمل عملية تغيير كامل لمفصل الحوض
و الحمد لله ربنا وفقنا إننا نساعدها 🤲🏻

#كسور #ركبة #دكتور #مفاصل #عظام

19/01/2026

حالة النهارده من الحالات اللي الدكتور بيبقي مبسوط بعد ما عمل لها العمليه
مريضه عندها كسر متفتت في عظمة الرضفه بالبلدي صابونة الركبة و ده بيوقف تقريبا معظم حركة مفصل الركبه عشان الاوتار اللي مرتبطه بيه هي اللي بتساعد علي فرد الركبه
برضه بفضل ربنا قدرنا نوصل لنتيجه ممتازه و المريضه دلوقتي بعد شهر و نص من العمليه بتقدر تمارس حياتها بصوره طبيعيه
#كسور #عظام #دكتور #ركبة #مفاصل

10/01/2026

كتير من الناس بعد ما يحصلها اصابه خصوصا لو اصابه صعبه زي المريض بتاعنا النهارده اللي كان عنده كسور متفتته في عظام الساعد
بتفتكر ان حياتها وقفت عند الاصابه دي
دورنا ان احنا نساعدهم بتوفيق ربنا عشان نقدر نرجع لافضل حال في اسرع وقت
يا رب اجعلنا دايماً سبب في مساعدة الناس
#كسور #عظام #دكتور

19/12/2025

ورا كل ابتسامة مريض بعد نجاح العمليه
مجهود كتير
مش من شخص واحد
لا فريق متكامل بيقرا و يذاكر و يجتهد و يشتغل
عشان نوصل لافضل حاجه بنحس بيها
بتشيل كل التعب و المجهود
دعوة المريض لينا بعد الشفاء
الحمد لله