مركز تأهيل طنطا -Tanta Rehabilitation Center -TRC

11/09/2026

Clinical Notes 👌👌

Electrical stimulation مش مجرد إننا نحط الـelectrode على العضلة ونشغل الجهاز

في حالات thumb in palm deformity بيكون الـthumb في adduction وflexion ومع وجود الـdeformity بيكون الوصول للحركة المطلوبة أصعب وبيحتاج نفهم الـbiomechanics والـaction لكل muscle

في الحالة دي كان عندنا هدفين

Thumb abduction + Thumb extension

بدأنا بالـabduction باستخدام point electrode والبحث تدريجيًا عن أفضل motor point مع استهداف Abductor Pollicis Longus APL لحد ما وصلنا للـmotor response والـabduction المطلوبة

بعد كده بدأنا نشتغل على الـextension وهنا الموضوع مش مجرد تغيير مكان الـelectrode

لأن الـthumb موجود في adducted and flexed position فالـdeformity والـmechanical position ممكن يتداخلوا مع ظهور الـextension بالشكل المطلوب

عملنا passive abduction للـthumb وفتحنا الـfirst web space قدر الإمكان لتقليل الـmechanical interference وبعدها بدأنا نبحث بالـpoint stimulation عن أفضل motor response للـthumb extensors

APL مسؤول بشكل أساسي عن thumb abduction مع مساهمة في extension

EPB Extensor Pollicis Brevis يساهم في thumb extension ومعه component من abduction

EPL Extensor Pollicis Longus من أهم عضلات thumb extension لكن اتجاه الـpull ممكن يكون مصحوبًا بـadduction component

علشان كده إحنا مش بندور بس على muscle contraction

بنغير الـposition ونراقب الـmotor response ونغير نقطة الـstimulation تدريجيًا لحد ما نوصل لأفضل combination من abduction والـextension للحالة

Electrical stimulation is a tool not the treatment strategy itself

النتيجة بتعتمد على اختيار الـmuscle ووضع المفصل واتجاه الحركة والـdeformity الموجودة والـmotor response أثناء التطبيق

وفي الحالة دي بعد الوصول للـappropriate positioning والـstimulation المناسب ظهر تحسن وظيفي واضح خلال فترة قصيرة من التأهيل والحمد لله بنتجنب نوصل للجراحة 🤲🤲

17/06/2026

📢 زملاءنا الخريجين الأعزاء، يسعدنا استقبال طلبات الالتحاق ببرنامج التدريب بالمركز 🌸

حرصًا منا على تنظيم عملية التدريب وتحقيق أقصى استفادة للمتدربين، بدأنا استقبال طلبات التقديم من اليوم من خلال:

✅ التسجيل عبر الرابط التالي:
https://docs.google.com/forms/d/e/1FAIpQLScZ-XNnbVQ99IpdcwCB-t10O4_kcnmgk8aQAEEMfegvu0mGzQ/viewform?usp=publish-editor
سيتم اختيار المتدربين وفقًا لأسبقية التسجيل، ومدى الجدية والالتزام خلال فترة التدريب.

⭐ كما سيتم اختيار المتميزين للعمل بالمركز في نهاية فترة التدريب.

📌 يشترط أن يكون المتقدم قد أنهى الدراسة (خريج).

نتمنى التوفيق للجميع 💙

📞 للاستفسار والتواصل:
واتساب أو اتصال على رقم المركز
01008053737

Training application pediatric physiotherapy برجاء عدم التقديم للطلبة - خريجين او امتياز فقط

15/06/2026

من أكتر الحاجات اللي بقابلها في شغلي إن أول ما طفل الشلل الدماغي يبقى عنده شد في عضلة ما، يبقى أول سؤال:
**"نعمله عملية؟"**

والحقيقة إن الموضوع أعقد من كده بكتير... 🙏

❌ مش كل شد محتاج عملية.
❌ ومش كل عضلة مشدودة لازم نحقنها بوتوكس.
❌ ومش أي تدخل جراحي معناه إن الطفل هيبقى أحسن.

🧠 إحنا في العلاج الطبيعي ما بنبصش على الشد لوحده، إحنا بنبص على الحركة كلها.
بنحلل مشية الطفل أو حركته، وبنحاول نفهم:
هل الشد ده فعلًا بيعطل الطفل؟ ولا بالعكس هو وسيلة تعويضية بتساعده يقف أو يمشي أو يعمل حركة معينة؟

💡 لأن أوقات كتير بنستخدم الشد الموجود عشان نولد منه حركة، وبالتالي التخلص منه بشكل غير مدروس ممكن يضر أكتر ما يفيد.

🌱 والأهم من كده إن عندنا وسائل علاجية غير تداخلية كتير نقدر من خلالها نحافظ على إطالة العضلات لفترات طويلة، ونقلل فرص حدوث التشوهات، وفي نفس الوقت ندي الطفل فرصة ينمو ويكبر ويتطور حركيًا بشكل أفضل.

⚠️ وللأسف، أطفال كتير فقدوا فرص مهمة للتطور بسبب تدخل جراحي غير مناسب أو في توقيت غير مناسب.
والمشكلة الأكبر إن بعض الإجراءات دي بتكون غير قابلة للتراجع، يعني مش دايمًا نقدر نرجع الوضع زي ما كان أو نصلح النتيجة بعد كده.

🎯 علشان كده، دور أخصائي العلاج الطبيعي مهم جدًا، لأنه أكثر شخص بيتابع الطفل بشكل مستمر ويقدر يتوقع المشاكل اللي ممكن تحصل مستقبلاً، ويشارك مع الفريق الطبي في تحديد:
✔️ هل الطفل محتاج تدخل؟
✔️ إمتى يكون أفضل توقيت؟
✔️ وإيه العضلة أو المشكلة اللي فعلًا تستحق التدخل؟

👨‍⚕️ اختيار نوع العملية هو قرار الجراح، لكن اختيار التوقيت المناسب وفهم تأثير التدخل على وظيفة الطفل مسؤولية مشتركة بين كل أعضاء الفريق العلاجي.

💭 وأوقات كتير بيجيلي طفل بعد ما عمل عملية لمجرد إن عنده شد وبس...
من غير ما يتحسب:
▪️هيتأهل إزاي قبل العملية؟
▪️ومحتاج إيه بعدها؟
▪️وهل دي فعلًا مشكلته الأساسية؟
▪️ولا كان ممكن نعوضها بتدخل غير جراحي؟

💔 والنتيجة إن الطفل ممكن يفقد فرصة مهمة من فرص تطوره، والأسوأ إن فيه تدخلات ما ينفعش نستدركها أو نصلحها بالكامل، لا بالعلاج الطبيعي ولا حتى بجراحة تانية.

🤝 في النهاية... هدفنا مش إننا "نلغي الشد" بأي طريقة.

هدفنا إن الطفل يتحرك أحسن، ويعتمد على نفسه أكتر، ونحافظ على كل فرصة ممكنة لتطوره، ونختار التدخل الصح في الوقت الصح.

❤️ لأن كل قرار بناخده النهارده... ممكن يحدد شكل حركة الطفل لباقي عمره.

25/03/2026

أهالي كتير بيلاحظوا إن النتائج أحيانًا بتكون أبطأ من المتوقع…
حتى لو حالة الطفل كويسة وفيها فرصة كبيرة للتطور 👶✨

لكن الحقيقة المهمة 👇
إن الجلسة … هي مجرد جزء من الرحلة
الدكتور بيشخص و بيرسم خريطة نشمي عليها لكل مرحلة

في الجلسة بنبدأ نعلّم الطفل مهارات حركية ووظيفية
لكن أهم عامل لنجاح المهارات دي هو **التكرار** 🔁

الجلسة ساعة أو ساعتين…
لكن باقي اليوم كله في البيت 🏡

علشان كده 👇
🔹 الالتزام بالتمارين المنزلية
🔹 تكرار التمارين اللي الدكتور بيوصي بيها
🔹 متابعة البرنامج المنزلي باستمرار

كل ده هو اللي بيصنع الفرق الحقيقي في النتائج 💪

وعشان كده بنشوف أحيانًا أطفال حالتهم أصعب…
لكن تطورهم أسرع 👏
والسبب إن أهلهم بيشتغلوا معاهم بجد في البيت ❤️

عارفين قد إيه الموضوع ممكن يكون مرهق مع ضغط الحياة…
بس حقيقي، شغل البيت بيفرق فرق كبير جدًا 🙏

وإحنا معاكم خطوة بخطوة 🤝
لحد ما نوصل لأفضل نتيجة ممكنة بإذن الله 🌱

تحت اشراف د. أمجد علوي د دكتوراه العلاج الطبيعي جامعة القاهرة و فريق متخصص عشان تضمن سلامة طفلك
📍مركز طنطا للعلاج الطبيعي و التأهيل TRC – شارع الميهي مع أبو بكر الصديق
للحجز والاستفسار : 01008053737

16/02/2026

الحمد لله خطواته الأولى بعد العملية 🙏
الطريق لسه طويل…
لكن أول خطوة دايمًا هي الأهم 💪

تحت اشراف د/ أمجد علوي
دكتوراه العلاج الطبيعي جامعة القاهرة

26/11/2025

حتى لو نفس التشخيص، كل طفل ليه رحلته الخاصة ❤️
الشلل الدماغي و الامراض الجينية او اي سبب لتأخر الحركة له درجات وأنواع مختلفة, و سرعة التحسن بتختلف من طفل للتاني

عشان كده لكل طفل خطة علاج خاصة بيه،تمارين تناسبه هو، مش مقارنة بحد تاني, معتمدة علي قدراته وعاوزين نوصل معاه لايه.. بنقسمها مراحل مخطط ليها مينفعش نشتغل جلسة بجلسة, هدفنا بعيد 💪

تحت اشراف د. أمجد علوي د دكتوراه العلاج الطبيعي جامعة القاهرة و فريق متخصص عشان تضمن سلامة طفلك

📍مركز تأهيل طنطا – شارع الميهي مع أبو بكر الصديق
للحجز والاستفسار : 01008053737

09/09/2025

في رحلتنا في العلاج الطبيعي بنمر بمراحل مع الطفل 👌
الموضوع مش اننا بنعلمه تفاصيل الحركة وبس..
احنا بتتعامل مع طفل .. لازم نحس بيه
نفهم بيفكر ازاي..
نعرف هو بيحس بايه مع كل حركة
نحاول نوصل لدماغه وتفكيره

لازم نفهم انه مش شايف الدنيا زينا لازم نبص بنظرته✨✨
ده المدخل الأساسي

14/06/2025

زمايلنا الخريجين بنتشرف بتواجدكم معانا 🌸🌸

زي متعودنا عشان التدريب يكون منظم بدأنا من أول انهاردة استقبال طلب التدريب وده عن طريق ابلكيشن بنملاه في المركز..
او التقديم علي الينك التالي:
https://docs.google.com/forms/d/e/1FAIpQLSdlupiKF4v8yfKR-G_Du783-7VYdur9UQ9_H6CG4HbjxZjgoA/viewform?usp=header

وسيتم إختيار الدكاترة التدريب بناء على أسبقية التسجيل والجدية والإلتزام علي أن يتم إختيار الأفضل للعمل بالمركز نهاية فترة التدريب🌻🌻
يشترط التخرج (الانتهاء من الدراسة) 🧑‍🎓

وبالتوفيق للجميع 💙

📞 للتواصل واتساب او إتصال علي رقم المركز 01008053737

Tanta Rehabilitation Center TRC التدريب او العمل لخريجي احدي كليات العلاج الطبيعي بمصر برجاء عدم التقديم للطلبة او خريجي كليات اخرى

08/05/2025

عشان احنا دايما معاكم وجمبكم هنوضح نقطة مهمة بتفرق في شغلنا في جلسات العلاج الطبيعي 👌
وممكن تأثر في نسبة التحسن...

هل دور الأهل مهم بعد جلسات العلاج الطبيعي ؟

كتير من الأهالي بيكونوا حاسيين إن تحسُن أطفالهم بطئ و دا لأنهم مش بيلتزموا بالتمارين اللي بنطلب يعملوها في البيت مع الطفل أو الإلتزام بجبيرة النوم والمباعد اللي بيساعدوا جدًا في
إنهم يسرعوا رحلة العلاج 💙

في الڤيديو دا توضيح مبسط لدور الأهل مع الطفل في البيت وأهميته في ظهور نتايج سريعة ومُرضية 🙏🙏

03/05/2025

Knee hyperextension 👌👌