16/07/2024
التقاليد.
قيمة مهمة جدا عند أهالينا الكبار.. قيمة بتخلي التصرفات
مرجعيتها العرف أو الأصول أو العادات.ر وبرغم أن كتير من العادات والتقاليد العربية متوافقة مع الأديان السماوية الا أن التمسك بيها صعب جدا الأيام دي وبيلقى مقاومة شديدة من الأجيال الأصغر سنا..
الاختلاف حول قيمة التقاليد في الحياة اليومية للفرد مقبول لكن اللي مش مقبول هو محاولة الغاؤها واعتبارها قديمة أو بالية لا تصلح للزمن الحالي واعتبار المتمسكين بيها "دقة قديمة"
القيمة شيء ثابت أو حتى شبه ثابت في حياة الإنسان .. اللي بيتغير هو المعتقدات والسلوكيات الناتجة عن القيم دي.
القيمة الحقيقية للتقاليد بتتمثل في الترابط المجتمعي و الحفاظ على تراث البلد و تناقل الخبرات بين الأجيال المختلفة.. لكن الظلم والعنف والقهر باسم التقاليد ده أكبر كدبة عاشها الناس و اتأذت بسببها أجيال كتير!
