Ahmed Haider

Call Directions Website Contact the practice

Ahmed Haider مدرب التعافي و الذكاء العاطفي
أنا هنا علشان أساعدك في رحلتك جوا نفسك، تعيش فطرتك السليمه، و تتعافي من كل الام الرحلة و تبدأ من جديد.

Guiding you mentally, physically, and emotionally on your journey to your higher authentic self.
وَنَفَخْتُ فِيهِ مِن رُّوحِي

Helping you heal from within, release emotional burdens & childhood traumas, to reconnect with your true nature. فِطرة

٤٤ عاما من الحماده 😁شكرا لكل حد بعتلي أو كلمني في عيد ميلادي أسعدكم الله كما اسعدتم قلبي 🤍و عذرا اني مردتش لحد دلوقتي، أ...
01/03/2026

٤٤ عاما من الحماده 😁
شكرا لكل حد بعتلي أو كلمني في عيد ميلادي أسعدكم الله كما اسعدتم قلبي 🤍

و عذرا اني مردتش لحد دلوقتي، أجواء رمضان وخداني في خلوة مع الله و مش متواجد علي السوشيال ميديا زي الأول، ربنا يديم المحبه و الود بينا دايما 🙏✨
#احمدحيدر

في الوقت الصعب، دايما بنفتكر اننا محتاجين نعكس المشاعر، يعني لو حاسس بخوف يبقي محتاج اتطمن و اسيب الخوف، و لو حاسس بحزن ...
21/02/2026

في الوقت الصعب، دايما بنفتكر اننا محتاجين نعكس المشاعر، يعني لو حاسس بخوف يبقي محتاج اتطمن و اسيب الخوف، و لو حاسس بحزن محتاج افرح و اهرب من الحزن، خليني اقولك ان ده نوع من انواع قمع المشاعر و محتاج تعرف إن مش دايما عكس الحزن الفرح ممكن تكون لحظة مش عارف احس فيها بالرضا.

في الوقت االصعب، محتاح للحضور القلب. و اولى إن ده يحصل للشعور إللي إنت حاسه الأول، مش محتاج تنقل نفسك من حال لحال، المحاولة دي لوحدها بتضغط عليك و تخليك مش عارف تتصرف.
يعتي لو حاسس بخوف محتاح أحس الخوف الأول و اسمح لنفسي بيه و اكون حاضر لنفسي من غير احكام و أخد وقتي في مشاعري و بعد كده فكر نفسك بأوقات زي دي عدت قبل كده و ان مفيش حال في الدنيا ثابت، فكر نفسك بقوله تعالي في كتابه الكريم
"وَأَنَّهُ هُوَ أَضْحَكَ وَأَبْكَىٰ" و يقول ﷻ "وَهُوَ مَعَكُمْ أَيْنَ مَا كُنتُمْۚ"
وجود ربنا معاك في الوقت الصعب ده مش معناه إنك مش هتحس الوجع، لكن معناه إنك قادر تستشعر لطف الله في كل لحظة و ده إسمه "حضور القلب" و دي خطوة مهمه في التعافى.

#احمدحيدر

من آكتر الحاجات المؤلمة في الحياة إنك تعيش كاره خلق الله فيك، الشيطان يخليك تصدق صورتك إللي اتبنت من الوجع علي مر سنين ك...
31/01/2026

من آكتر الحاجات المؤلمة في الحياة إنك تعيش كاره خلق الله فيك، الشيطان يخليك تصدق صورتك إللي اتبنت من الوجع علي مر سنين كتيره، و مع الوقت تكتشف إنك مش عارف نفسك، عشت سنين راسم صورة مثاليه عشان تنول رضا إللي حواليك و برضو موصلتش لحاجة.

في الجلسات إنت بتعرف نفسك، بتقدر تشيل أي قتاع إنت بتستخدمه عشان موجوع، بتتعافي من أي صورة أُجبرت في وقت ما إنك ترسمها لنفسك.

جلسات تحرير المشاعر و علاج الصدمات بتساعدك تتعافي من الام الماضى و بالتالي بتغير واقعك و مستقبلك، لحجز الجلسات يرجى إرسال رسالة علي رسايل الصفحه.

#احمدحيدر

و هنفضل نعمل دايت لحد أمتي؟و حتي تحترق الدهون... و حتى تفني الجوانب 😁اشوفكم علي خير بكره ان شاء الله لايف علي انستجرام و...
09/01/2026

و هنفضل نعمل دايت لحد أمتي؟
و حتي تحترق الدهون... و حتى تفني الجوانب 😁

اشوفكم علي خير بكره ان شاء الله لايف علي انستجرام و فيسبوك، هنتكلم عن تجربتي الشخصية مع أنظمة الدايت المختلفة علي مدار رحلتي سواء علي الصعيد الشخصي أو المهني ✨

#احمدحيدر

بنقول إن الوقت و السنين بتعدي بسرعة و إن مبقاش فيها بركة و إحنا إللي بقينا بنبص علي المجمل!بتفرج على بوستات و دعاوي السن...
01/01/2026

بنقول إن الوقت و السنين بتعدي بسرعة و إن مبقاش فيها بركة و إحنا إللي بقينا بنبص علي المجمل!

بتفرج على بوستات و دعاوي السنة الجديدةو بسأل نفسي هو إيه الفرق بين ليلة رأس السنة و بقيت السنة؟
اشمعنا اليوم ده اللي عاملين له قيمة كبيرة و هو يوم زي أي يوم؟!

ليه مش بنعيش فرحة البدايات و نستقبل كل الايام بنفس الدعاوي و النوايا الجميلة االي ماليه الفيسبوك دي؟

كل يوم بيعدي علينا هو فرصة و بداية جديدة لكل حاجة حلوة مش رأس السنة بس، و كل يوم بيعدي علينا ممكن يكون آخر يوم و انا و انت مش عارفين.

الخلاصة، لو عايز تحس بقيمة الأيام عيش كل يوم و احتفل بيه زي ما بتحتفل بيوم رأس السنة، كل يوم بداية جديدة و نوايا جديدة.
جدد مشاعرك كل يوم عشان تحس بقيمة الأيام ساعتها هتبدأ تحس البركة و إن الدنيا لسة فيها حلو يتعاش، عيش فرحة البدايات الجديدة كل طلعت شمس و استمتع بالأيام بتفاصيلها البسيطة زي الفطرة إللي ربنا خلقنا عليها.

كل يوم و انتم طيبين وبخير وسعادة و هنا و راحة بال و عوض و جبر بإذن الله تعالى ✨🎈

#احمدحيدر #قناعاتي

عزيزي الرجل عزيزتي المرأه، تحية طيبة وبعدهل السعي في للعلاقات اني انزل dates كتير و أقابل حد كل شويه أتعرف عليه عشان أعر...
28/11/2025

عزيزي الرجل عزيزتي المرأه، تحية طيبة وبعد
هل السعي في للعلاقات اني انزل dates كتير و أقابل حد كل شويه أتعرف عليه عشان أعرف ارتبط ؟

سؤال مهم دايما بيدور في تفكير كل واحد فينا، بكره ان شاء الله هجاوب علي السؤال ده من واقع فهمي و تدبري للقرآن الكريم في لايف علي فيسبوك و انستجرام الساعة 8 مساء بتوقيت القاهرة.

لو عندك أسئلة للايف سيبها علي البوست هنا، اشوفكم علي خير. 🤍🌟

#احمدحيدر

المثلية الجنسية مشكله كبيره في العالم كله دلوقتي، و يبقي السؤال الأهم، هل المثلية ليها علاج؟قصة النهاردة في التعافي بتوض...
26/11/2025

المثلية الجنسية مشكله كبيره في العالم كله دلوقتي، و يبقي السؤال الأهم، هل المثلية ليها علاج؟

قصة النهاردة في التعافي بتوضح الاسباب التربوية وراء المثلية و إدمان الاباحية، الإهمال العاطفي مع العنف الأسري ممكن يوصل شاب إنه يختار الطريق ده لإنه ببساطه مش لاقي غيرو يشبع بيه احتياج انساني طبيعي و هو التواصل و الحميمية (المودة في العلاقات).

المثلية و الاباحية زي ما ممكن تكون اختيار واعي لبعض الأشخاص و لكن في أغلب الأحيان بتكون سلوك قهري لشخص فقد الهوية و ضل الطريق.

المشكلة في مجتمعاتنا إنه الشخص ده أصبح منبوذ، مش عارف يرجع بسبب نظرة المجتمع و الناس، اول طريق في علاج شخص إنه يحس بالقبول، لايمكن تعالج شخص و انت رافض وجوده.
قد لا أقبل الفعل بسبب قناعاتي أو معتقداتي و لكن مطلوب مني إنسانيةً اني اقبل مرض الشخص الي بيطلب مساعدة عشان أعرف أساعده.

حق نفسك عليك إنك متسيبهاش في الوجع ده، توكل و أنوي و ابدا، في الجلسات إنت مقبول و مسموع و متشاف كما أنت بلا أحكام، تقدر تتكلم بحرية و تعبر عن االي جوا قلبك و تتحرر من سجن أفكارك و تبدأ من جديد.

#احمدحيدر

دروس الحياة..بتستغرب قوي لما نلاقي أشخاص او مواقف بتتكرر في حياتنا هي هي، مع الأشخاص تلاقي نفس الوعي أو الظروف أو الاسلو...
23/11/2025

دروس الحياة..
بتستغرب قوي لما نلاقي أشخاص او مواقف بتتكرر في حياتنا هي هي، مع الأشخاص تلاقي نفس الوعي أو الظروف أو الاسلوب، تحس و كأنها علقة و بتتكرر و تبتدي تسأل نفسك هو في إيه؟
هو أنا هفضل أقابل ده لحد أمتي؟

هي كده دروس الحياة، فيديو جيم زي اللي بتلعبها علي الموبايل ولا البلايستيشن بالظبط، تفضل تقع في نفس الليفل و تبدأ من الأول لحد ما تعدي الليفل.

الفرق بين الحياة و الفيديو جيم هو الوضوح و الإدراك، في الفيديو جيم الهدف من اللعبه واضح عارف انك رايح تعمل حاجه معينه و ماشي في الطريق ده، لكن في الحياة إنت معتمد علي وعيك و ادراكك للدرس و مدي وضوحك إنت مع نفسك، كل ما كنت واضح في مشاعرك و فهمك للي حصل و أسبابه كل ما هتعرف توصل للدرس أسرع و اول ما تفهم الدرس تقول "لأ" أنا ما استاهلش كذا أو استاهل كذا خلاص كده مبروك عليك هيبطل يتعاد في حياتك، عديت الليفل استعد بقي للي بعده، إنت افتكرت خلصت ولا إيه؟ دروس الحياة شغاله علي طول سخن و انزل 😂😂

و قولناها قبل في بوست عن "الماضي" من نفس السلسلة هتلاقيه بنفس اللون. ساعات الماضى بيرجع و ساعات الدرس بيتكرر عشان بس ربنا يوريك انت اتطورت أو اتغيرت اد ايه.

بعد التعافي هتوصل لمرحلة إنك بتشوف الدرس من بعيد لبعيد مش محتاج تقع فيه من الأول بتبقي شايف و عارف و مش بتدخل، أهم حاجه في االي بقوله ده إنك متعافي يعني مش موجوع من الدرس، لأنه ببساطة الوجع مش بيئة خصية للتعلم، التعلم بيحصل في السلام و السكينة.

#احمدحيدر #قناعاتي

عزيزي الرجل، تحية طيبة وبعد،سؤال محتاج تسأله لنفسك "إنت حاسس إيه دلوقتي؟"في اليوم العالمي للرجال و في شهر التوعية بالصحة...
19/11/2025

عزيزي الرجل، تحية طيبة وبعد،

سؤال محتاج تسأله لنفسك "إنت حاسس إيه دلوقتي؟"

في اليوم العالمي للرجال و في شهر التوعية بالصحة النفسية للرجال حبيت افكرك إن في حاجه اسمها "مشاعر"

اتربينا في مجتمعات تنكر حق المشاعر علي الرجال، يتصور القوة علي إنها بلا مشاعر، و هنا يجي دور "الرحمة".

ربنا بيتكلم عن سيدنا محمد ﷺ في القرآن الكريم في سورة الأنبياء "وَمَا أَرْسَلْنَاكَ إِلَّا رَحْمَةً لِّلْعَالَمِينَ" الرحمة هي أساس كل شيء و أحق من ترحمه هو نفسك.

رسالة تراحم مني ليك إنك تعرف مشاعرك و تفهمها وتهتم بيها، متسيبش جواك صندوق اسود مقفول محدش يعرف عنه غيرك، و يبقي الصمت هو صديقك الوحيد.

مشاعرك هي الطريق لنفسك و لله، دعوة لرحمة الذات و تزكية النفس في الرحلة، انا بس بفكرك إن نفسك و مشاعرك ليهم حق عليك،.
نوفمبر شهر التوعية بصحة الرجال.

#احمدحيدر

المشاعر، الباب المقفول في حياتنا و حياة ولادنا، و يبقي السؤال الأهم، بتعرف تتعامل مع ولادك لما تلاقيه مطفي أو تعبان او ق...
14/11/2025

المشاعر، الباب المقفول في حياتنا و حياة ولادنا، و يبقي السؤال الأهم، بتعرف تتعامل مع ولادك لما تلاقيه مطفي أو تعبان او قافل علي نفسه؟

إن شاء الله بكره لايف مهم هنتكلم عن أهمية المشاعر و ازاي نتعامل مع ولادنا في الاوقات الصعبة.

الايف الساعة 8 بليل علي فيسبوك و انستجرام و هرد علي أسئلتكم إللي هتبقي موجودة علي البوست ده،اشوفكم علي خير.

#احمدحيدر

Address

Cairo

Opening Hours

Monday 10am - 6pm
Tuesday 10am - 6pm
Wednesday 10am - 6pm
Sunday 10am - 6pm

Telephone

+201069642085

Website

Alerts

Be the first to know and let us send you an email when Ahmed Haider posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Ahmed Haider:

Shortcuts

Share

Category