عيادة الدكتورة أماني عبدالبديع الأنور

05/07/2026

05/07/2026

💥الحر والعرق والشمس = 3 أسباب بيبهدلوا بشرتنا في الصيف

💫أشهر مشاكل بنشوفها في العيادة:

1. حبوب الحر والعرق: بتظهر في الضهر والصدر بسبب انسداد المسام
2. التهابات الفطرية: التينيا الملونة وبين الفخذين بسبب الرطوبة
3. التصبغات والكلف: الشمس بتزودها 10 أضعاف لو مفيش واقي شمس
4. حروق الشمس: احمرار وألم وتقشير بعد التعرض للشمس

💫هو ليه البشرةبتبوظ في الصيف؟

💥عشان 3 حاجات بتحصل سوا:

1. العرق بيسد المسام = حبوب
2. الشمس بتعمل تصبغات وحروق
3. الرطوبة بتزود الفطريات والالتهابات

💥💥طيب أعمل ايه؟ الروتين السريع:

👈الصبح: غسول خفيف + مرطب جل + واقي شمس
👈بعد البحر/التمرين: دش فوراً ونشف كويس
👈بالليل: غسول + مرطب
👈ممنوع: مقشرات قوية في الحر + الزيوت التقيلة + الخروج من غير صن بلوك

04/07/2026

التقرّن الدهني (Seborrheic Keratosis)

✨ التقرّن الدهني هو أحد أكثر الأورام الجلدية الحميدة شيوعًا، ويظهر غالبًا بعد سن الأربعين، ويزداد مع التقدم في العمر ليس سرطانًا ولا يتحول إلى سرطان في معظم الحالات.

✨ يبدأ كبقعة صغيرة ثم يزداد حجمها تدريجيًا.لونه بني فاتح او بني غامق او أسود.
سطحه خشن وسميك يبان كأنه ملتصق على الجلد وهي العلامة المميزة له.

✨ أكثر الأماكن شيوعًا: الوجه و فروة الرأس و الصدر والظهر.
وقد يصاحبه:حكة بسيطة.تهيج بسبب الاحتكاك نزف عند الحك أو الإصابة.

✨ يعتمد التشخيص غالبًا على الفحص الإكلينيكي.
وقد يستخدم ا الديرموسكوب ليظهر علامات مميزه له

💫💫 العلاج
لأن التقرّن الدهني حميد، فلا يحتاج إلى علاج إلا إذا كان يسبب إزعاجًااو يتعرض للاحتكاك المستمر اويمثل مشكلة تجميلية للمريض.

💫💫تشمل وسائل العلاج:
الكي بالتبريد او الكي الكهربائي او الكحت اوالليزر .

♦️♦️♦️-إذا لاحظت أن أي بقعة جلدية:
تغيرت بسرعة في الحجم أصبح لونها غير متجانس وبدأت تنزف أو تتقرح فيجب فحصها لاستبعاد الأورام الجلدية الأخرى

21/06/2026

💫لو بتاخد دوا وتلاقي جسمك طلع حبوب فجأة؟ ممكن تكون حساسية دواء مش "الدوا مش نافع"

💫حساسية الأدوية مش هزار. ممكن تبدأ بحكة بسيطة وتقلب لطفح جلدي، تورم في الوش، أو لا قدر الله صعوبة تنفس.

💫إيه هي حساسية الدواء؟
رد فعل مناعي مبالغ فيه من جسمك ضد دوا معين. جسمك بيتعامل معاه كأنه "عدو" فبيطلع أجسام مضادة تهاجمه.

💥أشهر 5 أدوية بتعمل حساسية:
1. البنسلين ومشتقاته
2. المسكنات زي الأسبرين والبروفين والكتافلام
3. مضادات التشنجات زي التيجريتول
4. أدوية السلفا
5. الصبغات بتاعة الأشعة

💥أعراض حساسية الدواء - خلي بالك منها:
- خفيفة: حكة، طفح جلدي أحمر، أرتيكاريا، احمرار في الجلد
- متوسطة: تورم في الشفايف أو جفن العين أو اللسان
- خطيرة - طوارئ فوراً 🚨: صعوبة تنفس، دوخة وهبوط ضغط، تورم في الزور، إغماء. دي اسمها "صدمة تحسسية" ولازم مستشفى حالاً.

💫تتصرف إزاي لو شكيت إن عندك حساسية؟
1. وقفي الدوا فوراً وماتكمليش الكورس
2. متاخديش نفس الدوا تاني أبداً ولا أي دوا من نفس العيلة
3. روحي لدكتور عشان يكتبلك بديل آمن ويسجل الحساسية في ملفك
4. لو الأعراض شديدة: طوارئ على طول، متستنيش

💫3 قواعد ذهبية تحميك:
- اكتبي اسم الدوا اللي عملك حساسية في الموبايل وفي كارت في محفظتك
- قولي للدكتور قبل ما يكتبلك أي روشتة "عندي حساسية من..."
- متجربيش دوا جديد من نفسك خصوصاً المضاد الحيوي والمسكنات

💢ملحوظة مهمة: مش أي أعراض جانبية تبقى حساسية. الترجيع أو الإسهال من المضاد الحيوي ده عرض جانبي مش حساسية. الحساسية لازم يكون فيها طفح جلدي أو تورم أو ضيق نفس.

02/06/2026

💫شعرك بيقع وخف من قدام؟ الميزوثيرابي هو الحل اللي بيدور عليه شعرك 👩🏻‍⚕️💉

💫يعني إيه ميزوثيرابي للشعر؟

👈حقن دقيقة جداً في فروة الرأس بفيتامينات + معادن + أحماض أمينية + مواد محفزة للبصيلة. بنوصل الغذاء مباشرة لجذر الشعرة بدل ما نستنى الكبسولات تشتغل من المعدة.

💫الميزوثيرابي بيشتغل على إيه؟

1. وقف التساقط النشط: بيقلل التساقط من أول جلستين تلاتة
2. تنشيط البصيلات النايمة: البصيلة الضعيفة بتصحى وتطلع شعر جديد
3. تقوية الشعرة نفسها: الشعر بيطلع أتخن وأقوى ومش بيتكسر
4. تحسين الدورة الدموية: فروة الرأس بتتغذى صح والأكسجين بيوصل

💫مين أنسب حد للجلسات؟

👈- تساقط شعر تفاعلي بعد دايت أو ولادة أو عملية
👈- صلع وراثي في البداية - المرحلة الأولى والتانية
👈- شعر خفيف وضعيف من الصبغة والحرارة
👈- فراغات في مقدمة الرأس أو الجوانب
👈- تساقط بسبب التوتر والضغط النفسي

👈الجلسة بتم إزاي؟

1. بنحط بنج موضعي قبلها عشان متحسيش بشكة
2. بنحقن الميكس العلاجي بجهاز الميزو أو سرنجة رفيعة جداً
3. الجلسة كلها 15-20 دقيقة ومفيش ألم
4. بتروحي شغلك عادي بعدها

💫النتيجة بتبان إمتى؟

👈- بعد جلستين: التساقط بيقف بنسبة 70%
👈- بعد شهر: بتلاحظي بيبي هير صغير طالع
👈- بعد 3 شهور: فرق واضح في الكثافة والملمس
💫الكورس الكامل 4-8 جلسات، جلسة كل أسبوع أو أسبوعين حسب الحالة

💫مهم تعرفيه:

الميزوثيرابي مش سحر، لازم نشخص سبب التساقط الأول. لو عندك أنيميا أو نقص فيتامين د أو لغبطة هرمونات لازم نعالجها مع الجلسات عشان النتيجة تثبت.

19/05/2026

بشرتك بهتانة وتعبانة حتى لو بتنامي كويس؟ النضارة ليها سر 👩🏻‍⚕️✨*

النضارة مش معناها تفتيح، معناها بشرة صحية، رطبة، فيها لمعة طبيعية، والمسام مقفولة واللون موحد.

💥أسباب بتخلي بشرتك مطفية:

👈قلة الترطيب: الجلد الجاف بيعكس الضوء غلط فبيبان بهتان
👈تراكم الجلد الميت: لو مش بتعملي تقشير، الخلايا الميتة بتغطي الوش
👈قلة النوم والتوتر: الكورتيزول بيكسر الكولاجين ويبهت الوش
👈أكل سكريات ودهون كتير: بيزود الالتهاب وبيطلع حبوب وبقع
👈شمس من غير صن بلوك: أشعة الشمس بتكسر النضارة وتعمل تصبغات

💥روتين النضارة في البيت:

👈- غسول لطيف مرتين يومياً، ممنوع الصابون القاسي
👈- سيرم فيتامين Cبيفتح ويوحد اللون ويدي لمعة
👈- مرطب خفيف + صن بلوك كل يوم، حتى لو قاعدة في البيت
👈- تقشير خفيف مرة لـ مرتين في الأسبوعحسب نوع بشرتك
👈- اشربي ماية كتيرونامي 7-8 ساعات

💥جلسات العيادة اللي بتفرق

👈- ديرمابن مع ميزوثيرابي: كوكتيل فيتامينات وهيالورونيك بيدخل عمق الجلد ويرجع النضارة فوراً
👈تقشير كيميائي خفيف بيشيل الطبقة الميتة ويجدد البشرة

💥النضارة نتيجة تراكمية. روتين البيت 70% من النتيجة، وجلسات العيادة بتدي الـ 30% اللي بتخلي وشك "glow" باين.

16/05/2026

💫شعرك بيخف من قدام؟ وبتشوفي فراغات في النص؟ ده ممكن يكون صلع وراثي 👩🏻‍⚕️

💫الصلع الوراثي Androgenetic Alopecia هو أكتر سبب لتساقط الشعر عند البنات والولاد، وبيحصل بسبب الجينات + الهرمونات.

💫تعرفيه إزاي؟

💥عند البنات:
👈- الشعر بيخف منتصف الرأس وبيوسع الفرق
👈- خط الشعر من قدام غالباً بيفضل زي ما هو
👈- مش بيحصل صلع كامل زي الرجالة

💥عند الرجالة:
👈- انحسار خط الشعر من الجبهة
👈 فراغات في مقدمة الرأس وتاج الرأس
👈- ومع الوقت ممكن يوصل لصلع كامل

💫بيحصل ليه؟
👈جيناتك بتخلي بصيلات الشعر حساسة لهرمون DHT. الهرمون ده بيصغر البصيلة مع الوقت، فالشعرة بتطلع أرفع وأقصر لحد ما تقف خالص.

💫الخبر الحلو:
لو اتلحق بدري، نقدر نبطئه جداً ونرجع كثافة كويسة. لكن لو اتساب سنين من غير علاج، البصيلة بتموت ومش بترجع.

💫💥العلاج بيبقى إزاي؟
1. *مينوكسيديل*: لوشن موضعي بيوقف التساقط وبيحفز النمو
2. *جلسات ميزوثيرابي وبلازما PRP*: بتغذي البصيلة وتحفزها
3. *أدوية عن طريق الفم في حالات معينة وتحت إشراف دكتور

💥*أهم حاجة*: التشخيص الصح. مش كل تساقط يبقى صلع وراثي. ممكن يبقى نقص حديد، ضغط نفسي، مشاكل غدة، أو بعد الولادة. ولازم نعمل تحاليل قبل ما نبدأ علاج.

12/05/2026

*زَهقتي من حب الشباب؟ 😤 تعالي نفهمه صح عشان نعالجه صح 👩🏻‍⚕️*

حب الشباب مش "قلة نضافة" ولا "هيروح لوحده". ده مرض جلدي ليه أسباب وعلاج.

💫أسباب أساسية لحب الشباب:
1. دهون زيادة: الغدد الدهنية بتنتج سِيبَم كتير
2. انسداد المسام: خلايا الجلد الميت بتقفل المسام
3. بكتيريا P.acne: بتعمل التهاب جوه الحباية
4. هرموناتوكمان بيزيد مع الضغط النفسي

💫أنواعه ببساطة:
👈- رؤوس سودا وبيضا: مسام مسدودة بس
👈- حبوب حمرا ملتهبة: فيها بكتيريا والتهاب
👈- حبوب تحت الجلد: مؤلمة وعميقة ودي أخطر نوع بيسيب أثر

💫 أخطاء بتزود حب الشباب:*
1. بتفرقعي الحباية: بتسيبي أثر وحفرة هتقعد سنين
2. غسول قوي بيحرق: بينشف وشك فالغدد تطلع دهون أكتر
3. بتجربي 10 منتجات مع بعض: بشرتك بتتهيج ومش هتتحسن

💫الحل بيبدأ من عندك:
👈- غسول مناسب لبشرتك الدهنية مرة الصبح ومرة بالليل
👈- مرطب خفيف خالي من الزيوت، أيوه حتى لو بشرتك دهنية
👈- صن بلوك جل عشان الحبوب متسيبش بقع غامقة
👈- ممنوع لمس وشك أو سند الخد على الإيد

💫بس خلي بالك: الروتين لوحده مش كفاية في الحالات المتوسطة والشديدة. محتاجة خطة علاج من دكتورة جلدية عشان نمنع الآثار والحفر قبل ما تحصل.

الجلسات اللي بتفرق جداً: تقشير كيميائي، ديرمابن مع ميزوثيرابي .

11/05/2026

*الناس اللى بتسال ايه الفرق بين جلسات البلازما PRP والميزوثيرابي للوجه* 👩🏻‍⚕️✨

الاتنين حقن نضارة بس الآلية مختلفة تماماً:

*1. جلسة البلازما PRP = منك وليكي*
*بتتعمل إزاي؟*
بناخد عينة دم منك، نفصل منها البلازما الغنية بالصفائح الدموية، ونحقنها في وشك بالديرمابن أو إبر رفيعة.

*بتشتغل على إيه؟*
الصفائح الدموية فيها "عوامل نمو" بتصحي الكولاجين والخلايا الجذعية النايمة. فكأنك بتدي وشك أمر يصلح نفسه بنفسه.

*أنسب لمين؟*
- الخطوط الرفيعة والتجاعيد البسيطة
- آثار الحبوب والحفر
- بهتان الوش والإرهاق
- الهالات تحت العين
- اللي عايزة حاجة طبيعية 100% من غير أي مواد خارجية
النتيجة تدريجية بتبان بعد ٣ ل ٤ اسابيع

*2. جلسة الميزوثيرابي = كوكتيل فيتامينات جاهز*
*بتتعمل إزاي؟*
حقن مباشر بخلطة جاهزة من فيتامينات، هيالورونيك أسيد، أحماض أمينية، ومضادات أكسدة.

*بتشتغل على إيه؟*
تغذية فورية للبشرة. زي ما تكوني بتدي زرعة سماد مركز،
النتيجة بتبان أسرع.

*أنسب لمين؟*
- جفاف شديد ووش مطفي
- تصبغات وكلف وبقع
- مسام واسعة وبشرة دهنية
- اللي عايزة نضارة سريعة قبل مناسبة

*طب أنهي أحسن؟*
مفيش أحسن، في أنسب لحالتك. وأوقات كتير بنعمل ميكس بينهم في نفس الجلسة "بلازما + ميزو" عشان ناخد مفعول مضاعف ✨

الأصح إنك تكشف على بشرتك الأول ونحددلك البروتوكول المناسب ليك.

*لو عندك سؤال عن بشرتك؟ اكتبيه وهنرد عليك 💚*

08/05/2026

*✨ جددي بشرتك وشعرك مع جلسات البلازما PRP ✨*

نفسك في بشرة صافية ونضرة؟ شعرك بيقع وبتدوري على حل طبيعي وآمن؟
جلسات *البلازما الغنية بالصفائح الدموية PRP* هي السر 💉

*للـبشرة:*
- *نضارة فورية*: بتحفز إنتاج الكولاجين وتخلي وشك منور
- *توحيد اللون*: بتقلل التصبغات وآثار الحبوب والهالات
- *شد طبيعي*: بتحسن مرونة الجلد وتقلل الخطوط الرفيعة

*للـشعر:*
- *وقف التساقط*: بتغذي البصيلات وتقويها من الجذور
- *إنبات جديد*: بتحفز نمو الشعر في الفراغات
- *تكثيف الشعر*: بتخلي الشعراية نفسها أقوى وأتقل

*ليه البلازما؟*
لأنها من دمك أنتِ، يعني آمنة 100% ومفيش أي مواد كيميائية أو حساسية.

*النتيجة بتبان إمتى؟*
من أول جلسة هتحسي بفرق في النضارة، والنتيجة الكاملة بعد 3-4 جلسات.