21/07/2026
ازاي اتخلص من الامساك ؟!
اولا الامساك ده شئ مش طبيعي و بيأثر عليك بالسلب فى نواحى كتيرة أبسطها انه ممكن يسبب لك صداع مزمن لو انت معالجتوش بسرعة ..
وممكن يحسسك انك تقيل مش قادر تتحرك لان امعائنا بتقدر تحتوى جواها على كميات كبيرة من الفضلات بتبدأ من 2,5 كيلو وممكن توصل ل 10 كيلو فى الحالات الصعبة .
فتخيل انك مثلا شايل جواك 2,5 كيلو من الفضلات اللي عملالك عبء بدون اي داعي .
طب و ايه الحل ؟!
الحل ببساطة انك تغير عاداتك الغذائية الخاطئة ..
يعنى زى ما تكلمنا فى بوست سابق لازم تاكل الياف نباتية كتير .
https://www.facebook.com/101953919279309/posts/118992820908752/
ولازم تشرب ميه كتير لان المية هتساعد الامعاء انها تتحرك بشكل افضل .
لازم تقلل كافيين ..شاي وقهوة ونسكافية .
لازم تقلل شطة .
واهم حاجة لازم تلعب رياضة .. لان الحركة بشكل عام هتساعد الامعاء فى التحرك ..
طب لو واحد كبير فى السن ومش هيقدر يلعب رياضة يعمل ايه !!
ممكن ينام على السرير ويدلك بطنه عشر دقايق بشكل دائري مرتين فى اليوم ده ممكن يحفز حركة الأمعاء ولو بشكل بسيط على الاقل .
حاجة كمان مهمة عشان نتخلص من الامساك المزمن ..
هو انك تحدد لنفسك دايما معاد لدخول الحمام ..
ويفضل يكون كل يوم الصبح مثلا كمعاد ثابت ده هيساعدك جدا لان احنا جسمنا بيتعود وليه توقيت بيولوجي بيتأثر بيه .
واخر حاجة انك ماتأجلش ابدا دخولك للحمام ..لازم تدخل الحمام على طول عند الحاجة لان امساكك عن دخول الحمام بعض الوقت بيؤدى الى حدوث الامساك .
ودمتم بخير .
الوفاة بسبب الإمساك؟
رغم إن الموضوع نادر جدًا، إلا إن الإمساك المزمن الشديد ممكن في بعض الحالات يوصل لمضاعفات خطيرة قد تؤدي للوفاة.
الصورة دي هي أشعة بعد الوفاة لسيدة عمرها 66 سنة كانت بتعاني من إمساك مزمن. الأطباء اكتشفوا إن القولون كان مليان بحوالي 7.6 كجم من البراز.
الكمية الضخمة دي سببت تمدد شديد جدًا في القولون، لدرجة إنه ضغط على الحجاب الحاجز ورفعه لفوق، وده قلل قدرة الرئتين على التمدد بشكل طبيعي أثناء التنفس.
وفي النهاية، حصل فشل في التنفس بسبب الضغط الشديد، وكان ده سبب الوفاة.
السؤال ليك:
لو عندك إمساك، إمتى هتقرر تروح للدكتور؟
