23/08/2026
الفتحات.. ما لها وما عليها 👃
أول ما الحالة بتخرج من العملية، الأنف بتكون تقريبًا كلها متغطية، فطبيعي جدًا إن كل التركيز يروح على الفتحات.
ونبدأ نسمع التعليقات المعتادة:
“دي مش زي دي”
“دي طالعة بالطول”
“ودي واخدة دوران شوية”
طب إيه الموضوع؟
إحنا أثناء العملية بنشتغل على الأنف من فوق، لكن نظرتنا الأساسية دايمًا بتكون على شكل الأنف من الأمام.
وأي تغيير بنعمله في شكل الأنف من الأمام، سواء تصغير المقدمة، أو رفع الأرنبة، أو تعديل اتجاهها وشكلها… كل ده طبيعي جدًا إنه يغيّر شكل واتجاه الفتحات.
وعشان كده الأولوية في البداية إننا نظبط شكل الأنف من الأمام كويس جدًا، لأنها دي النظرة الأولى والأهم للشخص وهو بيبص لنفسه.
بعد ما نوصل للشكل المطلوب من الأمام، بنرجع للفتحات ونبدأ نظبطها ونقربها من بعض في الشكل والاتجاه على قد ما تسمح طبيعة الحالة.
لكن الموضوع مش بيقف عند آخر دقيقة في العملية…
بعد العملية الفتحات نفسها بتفضل تتغير شوية:
تتورم، تتشكل، تصغر، واتجاهها يتغير تدريجيًا مع نزول التورم والتئام الأنسجة، لحد ما توصل لشكلها المستقر وتبقى أقرب ما يمكن لبعض.
وطبعًا النتيجة بتختلف من حالة للتانية حسب شكل الفتحات قبل العملية، ودرجة الاختلاف بينهم من البداية، وحجم ونوع التعديلات اللي اتعملت في الأنف نفسه.
عشان كده الحكم على الفتحات أول ما الجبيرة تتفك أو في الأيام الأولى… بدري جدًا.✨
للتواصل مع الطبيب مباشرة على رسائل الصفحة أو تنورونا في عياداتنا
للاستفسار على عمليات تجميل الانف
التواصل على ٠١٠٣٠٣٦٣٥٥٤
العناوين:
📍 القاهرة
التجمع الخامس – شارع التسعين الجنوبي
EDNC (SODIC Eastown) – Building 6, Floor 1, Office 10
بجوار الجامعة الأمريكية
📞 01036103622
📍 الزقازيق
ش طلبة عويضة بجوار لابوار ومعرض رنين وأعلى محل همسات للعطور
📞 01008150718
📍 ميت غمر
شارع صادق (بجوار مستشفى جلالة) أمام صيدلية غراب
📞 01064075038
