Dr/ lamees ghareeb د/لميس غريب

22/08/2026

ليه لازم نسمع كلام الجميله نرمين الفقي وننام واحنا جعانين🤔
كتير مننا بيفتكر إوجبة العشاء الثقيلة هي اللي هتخليه ينام زي الأطفال، بس الحقيقة عكس كده تماماً! النوم بمعدة خفيفة أو "فاضية" شوية هو السر الحقيقي لصحة جسمك وفوقانك الصبح
جسمك بيكسب إيه لما تنام من غير عشاء تقيل؟
1️⃣ نوم عميق من غير كوابيس: جهازك الهضمي بيرتاح، فالمخ بيتفرغ تماماً إنه يريحك ويدخلك في نوم عميق ومستقر
2️⃣ وداعاً للحموضة والارتجاع: هتحمي نفسك من حرقان الصدر و"الغمامان" اللي بيصحيك مخنوق في نص الليل.
3️⃣ جسمك بيتحول لماكينة حرق: هرمون الأنسولين بيقل في الدم، وده بيدي إشارة للجسم إنه يبدأ يحرق من الدهون المتخزنة.
4️⃣ باور ونشاط الصبح: بدل ما جسمك يضيع طاقته طول الليل في هضم الأكل، هتصحى الصبح فايق ومش حاسس بوخم أو كسل.5️⃣ تجهيز ديتوكس طبيعي: الصيام كام ساعة قبل النوم بيساعد الجسم ينظف نفسه من السموم والخلايا التالفة.
بس خد بالك من النقطه دي دي!فيه فرق كبير بين إنك تنام ومعدتك "مرتاحة وخفيفة"، وإنك تنام وجعان جداً ومعدتك "بتـقـرصك". الجوع الشديد بيرفع هرمون التوتر وبيعمل أرق ويقلقك في النوم
ايه هو التصرف الصحيح :اقفل بقك عن الأكل قبل النوم بـ 3 ساعات . ولو جوعت جوع خفيف ومش قادر، خليك ذكي واختار حاجة خفيفة: علبة زبادي، أو كام حبة مكسرات، ثمرة فاكهه صغيره
👇 #صحة #تغذية #دايت #رشاقة

22/08/2026

مش هاتخسي غير لما تنامي جعانه زي نرمين الفقي بكلمك بأمانه😉

16/08/2026

🛑 معلومة طبية قديمة كانت بتضر مريض الكبد.. و"العلم الحديث" غيرها تماماً! 🩺👇زمان، كان أول نصائح بتتقدم لمريض الكبد (خصوصاً في حالات التليف): "اقطع البروتين فوراً وقلل اللحمة والفراخ علشان اليوريا والأمونيا ماتعلاش وماتدخلوش في غيبوبة كبدية!" ❌
الحقيقة الصادمة؟ الدراسات والأبحاث الحديثة أثبتت إن المنع ده كان بيضر المريض جداً وبيضعف جسمه!🔬 ليه الطب غيّر رأيه؟1️⃣ ضمور العضلات : مريض الكبد جسمه بيكون في حالة هدم مستمر. لما بنمنع عنه البروتين، الجسم بيبدأ "يأكل في عضلاته" علشان يعوض النقص، فالمريض بيخس وينحف ويضعف جداً.2️⃣ العضلات بتحمي المخ: اكتشف العلماء إن العضلات السليمة بتساعد الكبد في التخلص من سموم "الأمونيا". يعني كل ما عضلات المريض ضعفت، كل ما كان عرضة أكتر للغيبوبة الكبدية!3️⃣ المناعة والاستسقاء: نقص البروتين بيسبب تورم القدمين، تجميع مياه في البطن (الاستسقاء)، وبطء شديد في التئام الجروح.
إيه التوصيات الطبية الجديدة حالياً؟مريض الكبد محتاج بروتين أعلى من الشخص الطبيعي (حوالي 1.2 إلى 1.5 جرام لكل كيلو من وزنه يومياً)، بس الفكرة في "نوعية" البروتين:التركيز الأكبر لازم يكون على:جـبنة قريش وألبان.بيض مسلوق.بروتينات نباتية (فول، عدس، حمص) لأنها غنية بالألياف اللي بتمنع امتصاص السموم من الأمعاء الكلام ده هايزعل بتوع الطيبات بس مالناش دعوه🙈.(وتقليل الاعتماد على اللحوم الحمراء).
نصيحة ذهبية لمريض الكبد لازم يقسم أكله على 4 لـ 6 وجبات صغيرة في اليوم. والأهم: وجبة خفيفة قبل النوم مباشرة (زي حتة جبنة قريش مع ربع رغيف)؛ علشان نمنع الجسم إنه يكسر عضلاته طول فترة النوم بالليل.
#الطيبات

16/08/2026

حقن الببتيد (Peptides).. سحر حقيقي ولا خطورة بتهدد صحتك؟
الفترة الأخيرة اتسألت عنها بعد ماصبحت ترند في مجتمعات الجيم وعالم "البيوهاكينج" وهاعرفكوا ايه هو البيوهاكينج بعد كده حقن الببتيدات بيتسوق لها عن قدرتها الخارقة على حرق الدهون، بناء العضلات، وعلاج الإصابات في أيام،،،بس قبل ما تفكر تجري ورا التريند، لازم تعرف إن الموضوع فيه "خيط رفيع جداً" بين الأمان التام والمخاطره بصحتك. طالما هتحقن حاجة في جسمك، لازم تفهم انت بتدخل ايه لجسمك . إيه هي الببتيدات؟هي عبارة عن أحماض أمينية (مكونات بروتين مصغرة) بتشتغل كـ "رسائل كيميائية" بتدي أوامر مباشرة لخلايا جسمك عشان تعمل وظيفة معينة.
الببتيدات نوعين.. ولازم تفرق بينهم:1️⃣ ببتيدات معتمدة وطبية (آمنة تماماً) ✅:أمثلتها: الإنسولين، وأدوية التخسيس الشهيرة زي (أوزمبيك، ويجوفي، مونجارو).وضعها: مرخصة من هيئات الدواء العالمية (الـ FDA)، خضعت لتجارب بشرية ضخمة، وبتتصنع في معامل معقمة بنسبة 100%.
2️⃣ ببتيدات تجريبية (السوق السوداء والإنترنت) ❌:أمثلتها: (BPC-157, TB-500, CJC-1295).وضعها: غير مصرح بالاستخدام البشري! معظم الأبحاث عليها اتعملت على "الفئران والحيوانات"، وبتتباع تحت مسمى "لأغراض البحث العلمي فقط". ودي بيتسوقلها انها مضادة للشيخوخه ولشغاء الاصابات وبناء العضلات والعنايه بالبشره
ليه شراء الببتيدات التجريبية من الإنترنت خطر عليك؟🔸 خطر التلوث: لأنها بتتصنع وبدون رقابة، وممكن تلاقي فيها شوائب كيميائية، معادن ثقيلة، أو بكتيريا.🔸 تحفيز الأورام (لا قدر الله): بعض الأنواع (زي BPC-157) بتسرّع نمو الأوعية الدموية والخلايا عشان تعالج الإصابات، بس علمياً ده ممكن يحفز نمو أي خلايا سرطانية مستخبية في الجسم.🔸 صدمة مناعية: جسمك ممكن يتعامل مع الجزيئات دي كعدو، ويحصلك حساسية مفرطة أو التهابات حادة.🔸 أخطاء التحضير: خلط البودرة بمياه معقمة في البيت بيعرضك لأخطاء جرعات كارثية أو تلوث والتهاب مكان الحقن.
الخلاصة ورايي في الموضوع انا مش ضد حقن البيبتايد بس انا ضد استخدامها دلوقتي قبل ما يكون مصرح بيها من الFDAوقبل ما يتعمل عليها ابحاث كافيه تضمن سلامتها وخاصة بعد الكلام عن مخاطرها المتوقعه جسمنا مش حقل تجارب لكل ترند يطلع .

28/07/2026

28/07/2026

اقولكوا علي ١٠خطوات تساعدنا نخس من غير دايت 🍏

1️⃣ نستبدل المشروبات السكرية بالماء أو مشروبات خالية من السكر والمشروبات الغازية والعصائر المُحلاة دول لوحدهم قنبلة سعرات خاصة في الصيف مع الاستهلاك المتكرر علي مدار اليوم

2️⃣ نقلل حجم الحصة بدل ما تحرم نفسك من الصنف بالكامل من اسهل واكتر الطرق عمليه ناكل من اكل البيت بس كميات اقل

3️⃣ نختار طرق طهي أخف زي الشوي أو السلق اوالتشويح بدهون قليله بدل القلي

4️⃣ نبدا الوجبة بسلطة أو شوربة خفيفة — بتقلل الشهيه للطبق الرئيسي

5️⃣ نستبدل منتجات الألبان كاملة الدسم بنسخ قليلة

6️⃣ نقلّل الصوصات والدريسنج الثقيلة سعرات كتير من غير مانحس
ف
7️⃣ ما ناكلش قصاد التليفزيون بيضاعف كمية الاكل اللي بناكله من غير مانحس

8️⃣ قلّل الوجبات الجاهزة والمقليات لصالح أكل منزلي

9️⃣ نستبدل الحلويات الثقيلة بفاكهة طازجة كخيار حلو أخف

🔟 نقلل سناكس نحاول نكتفي بالوجات الاساسيه ولو جوعنا نختار سناكس سعراته خفيفه زي الخضار الطازج او الفشار او البطاطا المشويه او مكسرات بكميات قليله طبعا

مش شرط تطبقهم كلهم مرة واحدة... نجرّب اتنين تلاتة الأول وشوف الفرق. 🌱

#تغذية #صحة

23/07/2026

هل الشعير والشوفان بدائل أكثر صحية عن دقيق القمح؟ 🌾

الفرق مش في "الأفضل مطلقًا"، الفرق في نوع الألياف:

🔹 ألياف القمح غالبًا غير قابلة للذوبان — دورها الأساسي في حركة الأمعاء
🔹 ألياف الشوفان والشعير قابلة للذوبان وموجوده بتركيز عالي، واسمها "بيتا جلوكان" — وده اللي بيديهم ميزة خاصة

السر في القوام الهلامي:
ألياف البيتا جلوكان لما توصل للجهاز الهضمي، بتمتص السوائل وتتحول لمادة هلامية لزجة. القوام ده هو مصدر كل الفوائد اللي جاية.

إزاي بتشتغل جوه الجسم؟
✅ بتبطّئ حركة الطعام في الأمعاء → شبع لفترة أطول
✅ بتتصرف كـ"بريبايوتك" → بتغذي البكتيريا النافعة في القولون

الفوائد المثبتة علميًا:

1️⃣ خفض الكوليسترول الضار (LDL)
البيتا جلوكان بتلتصق بالأحماض الصفراوية وتطردها، فالكبد يضطر يسحب كوليسترول زيادة من الدم لتعويضها

2️⃣ ضبط سكر الدم
بتؤخر تفريغ المعدة وامتصاص الكربوهيدرات، فيقل الارتفاع المفاجئ في الجلوكوز والإنسولين بعد الأكل — مفيد جدًا لمرضى السكري النوع التاني

3️⃣ إدارة الشهية والوزن
التمدد في المعدة + تأخير الهضم = هرمونات شبع أكتر ورغبة أقل في الأكل طول اليوم

4️⃣ صحة القولون
بتسهّل حركة الأمعاء وتزيد ليونة الفضلات، وبتقلل مشاكل الإمساك

⚠️ مهم:
"البديل الأكثر صحية" مش معناها الإفراط — كتر الألياف ممكن يعمل مشاكل هضم وقولون
ومش معناها الاستغناء عن الخبز العادي، خصوصًا الحبة الكاملة

التنوع بدون إفراط... هو المطلوب. 🌱

#تغذية #الياف #صحة

21/07/2026

علاقتك بالاكل هي اللي بتحدد طريق العلاج او النظام العذائي اللي هاتمشي عليه

مثلا هل انت علاقتك صحيه بالاكل بتاكل لما تجوع بس مشكلتك في النوعيه والكميه وده اللي مسبب زيادة الوزن! ولا انت بتاكل علشان الاكل في حد ذاته متعه بتتفرج علي التليفزيون وبتسلي نفسك وتعمل مود حلو بالاكل او الخروجه واللمه مرتبطه بالاكل

مثلا الصيام المتقطع ممكن يكون نظام مثالي مع حد علاقته بالاكل مستقره بس نفس النظام ممكن يزود المشكله عند حد بياكل عاطفيا وعنده مشاكل في الشهيه مش الجوع لان الحرمان بيحفز الرغبه اللي هو اصلا بيحاول يتحكم فيها

طيب قادر تفرق بين الجوع والشهيه هل مشاكل الشهيه زي مشاكل الجوع اكيد لا واكيد كل واحد منهم ليه نظامه، افهم مشكلتك الاول علشان تلاقي الحل الصح
#تغذية #صحة

21/07/2026

Thanks for being a top engager 🎉

Ola Ghareeb, Nawaf Alnaurs, HUma Hamoda, Radwa Mohamed, ابو جنا, Abo Fuad, Sama Amged, Soraya Farouk, Ola Garad, Enas Gehad

21/07/2026

عايزه اتكلم معاكوا في موضوع وممكن يكون نصيحه
النصائح العامه في التعذيه دايما بتكون للشخص السليم وماينفعش تعمم علي الكل بالعكس ممكن تجيب نتايج عكسيه 😔اديكوا مثال
انا اتكلمت عن الالياف واهميتها لصحة الامعاء بس هل تعلم ان الالياف ممكن تتعب وتضر مريض القولون سواء عصبي او تقرحي او اسباب اخري وساعتها بنقول للمريض ياكل اكل معين وبنقلل الالياف
مثل تاني اتكلمت عن الدهون المفيده والجديد في عالم التغذيه واخر الابحاث اننا بننصح الشخص انه يتناول الدهون الصحيه مش مسلوق ومشوي بس زي زمان طيب لو مريض قلب ولا دهونه عاليه ما ينفعش لازم اقلل دهون حتي لو مفيده
مثل ثالث لو سيده بعد ال٤٠ببنصحها باكلات ومشروبات تساعد علي الاحتفاظ بالاستروجين اللي بيقل في جسمها طب لو مريضه عندها تاريخ في عيلتها باورام نسائيه مش هانصحها بالاكلات دي
وعلشان البوست مايطولش الامثله كتير والخلاصه مفيش نظام ينفع لكل الناس حتي النصايح العامه بنستثني منها ناس ليهم ظروف خاصه احنا درسنا تغذية مريض الكبد غير مريض الكلي غير مريض القلب غير الحامل وهكذا ومش كل نظام علي النت نجري نعمله من غير ما نعرف حالتنا كويس لو عندك اي ظرف صحي من فضلك اتبع النظام الخاص بحالتك مع متخصص
وربنا يديم علينا الصحه والعافيه