مركز السلام للتخاطب وتنمية المهارات و ذوى الاحتياجات الخاصة

16/07/2026

فى ٣ حاجات حابه اقولهم عن التوحد
اولا التوحد كشاف نور بيضرب فى كل الاتجاهات بيكشف حقيقة كل حاجه
بيكشف حقيقة معدن ماما
وحقيقة شخصيتها
وحقيقة قوتها
وحقيقة يقينها
وحقيقة ايمانها
وبيكشف كمان حقيقة بابا
وحقيقة فهمه لمعنى الابوه والشراكه
وحقيقة ادراكه لاهميته واهمية دوره
وحقيقة فهمه لمعنى الذريه
ودورها
واهميتها
وسؤالنا عنها امام الله
وحقيقة الترابط الاسرى
وحقيقة فهم الاقارب لمعنى صلة الرحم
زى ما الزمهم بيها ربنا سبحانه وتعالى
حقيقة المجتمع
هل هو مجتمع مريض
ولا مجتمع ايجابى بناء
هل مجتمع فيه الضعيف له مكان
ولا بينداس بخطوات الاقويا
هل المجتمع لما بيختبر بمرض او ضعف او احتياج بعض افراده
بينجح فى الامتحان
ويثبت انه مجتمع متحضر انسانى متدين على حق
ولا هايفشل فى الامتحان ويتضح انه مجتمع
جماعات الحيوان افضل منه
لان عندها انظمة تكافل بتشمل الكل
بعد ما بيكشف التوحد حقيقة كل حد وكل شئ
نيجى لثانيا
الام والاب اذا ما اتغيرتوش على مدار الرحله
وانتم بتحاولوا تغيروا ابنكم او بنتكم من أصحاب طيف التوحد
يبقى ماتنتظروش منهم تطور
وانتم بتعلموهم لازم تتعلموا معاهم
وانتم منتظرين تطورهم اتطوروا انتم كمان
وانتم عاوزينهم يتغيروا للافضل
اتغيروا انتم كمان للافضل
لازم هما يبقوا الاولويه
مش الاصحاب ولا الشاشات ولا الفسح والزيارات
لازم نعمل كل حاجه بالطريقه اللى هاتساعدهم
واللى نتاكد انه هاياذيهم يتشطب من حياتنا فورا
بعد مانورلنا التوحد الحقيقه
يبقى سهل علينا نعرف ازاى نتغيير وليه نتغيير
ثالثا المستقبل
لازم نعرف ان لو كان عندنا خطه للمستقبل
فهى هاتتغيير
هاتتغيير للافضل
لان القيمة الحقيقية لكل شئ فى الدنيا
بنعرفها واحنا بين ايادى الله
لما نكتشف ان رحلتنا مع اولادنا أصحاب طيف التوحد
خلتنا سبقنا غيرنا كتير
ورفعت قدرنا كتير
خطة ربنا لكل حد فينا
هى الخطه الناجحه بشكل مؤكد
اما خطتنا احنا فكان ممكن تنجح وممكن تفشل
كل المطلوب اقبل المنحه الربانيه
واشتغل عليها بقلبك وعقلك وكل جوارحك
وانتظر المكافآت التى لا حد لها
#التوحد

04/07/2026

الف مليون مبروك لمصر

26/05/2026

كل سنه وانتم طيبين عيد أضحي سعيد عليكم

12/05/2026

🛑 ابني بياكل "الطين، المناديل، أو حتى دهان الحيطة"! .. إيه الحكاية؟ 🛑
يا ست الكل، لو شفتي طفلك بياكل حاجات غريبة مش للأكل، زي الصابون، الورق، الخشب، أو حتى القش.. متتخضيش وتقولي "ده دلع" أو "بيستهبل".. الموضوع ده علمياً اسمه "اضطراب بيكا - Pica". 🧱🧼🧻

المشكلة دي بتظهر كتير عند أبطالنا من أطفال طيف التوحد، وبتبقى تحدي كبير جداً لكل أم وأب لأنها ببساطة ممكن تسبب مخاطر حقيقية زي التسمم (بالرصاص اللي في الدهانات)، أو انسداد المعوي (لو أكل شعر أو عفش)، أو حتى عدوى بالطفيليات من الطين، ده غير إصابات الأسنان ونقص التغذية لأن الحاجات دي بتملى البطن على الفاضي! ⚠️

🤔 هل ده له علاقة بطيف التوحد؟
أيوه ممكن يظهر عند بعض أطفال التوحد،
لكن مهم جدًا نفهم:
❌ مش كل طفل توحد عنده بيكا
❌ ومش البيكا جزء أساسي من التوحد
لكن اللي بيزود احتمالية ظهوره:

طيب ليه ابني بيعمل كده؟ (الأسباب بكل صراحة) 🤔
عشان نعالج صح، لازم نفهم السبب الأول، والأسباب ممكن تكون:

مشاكل حسية (السبب الأقوى): الطفل هنا بيبقى عنده "عتبة حسية منخفضة" في حاسة التذوق أو اللمس. التذوقي بيحتاج ياكل علشان يشبع حاسة التذوق اللمسى يعني هو محتاج يحس بضغط جامد على فكّه أو ملمس معين في بوقه عشان "يشبع" حسياً، فبيبدأ يدور على حاجات حادة أو خشنة (زي البلاستيك أو الخشب) عشان يحس بيهم.

أسباب صحية (نقص معادن): أحياناً الجسم بيبقى ذكي وبيدور على اللي ناقصه بطريقة غلط؛ نقص الحديد، الزنك، أو فيتامين B ممكن يخلي الطفل يميل لأكل حاجات غريبة. وده بنعرفه بالفحوصات الطبية.

جذب الانتباه: الطفل ساعات بيحس إنه محتاج اهتمام أو لعب ومشاركة، ولما بيعمل السلوك ده بيلاقي الدنيا اتقلبت حواليه، فبالنسبة له "الاهتمام السلبي" (حتى لو زعيق) أحسن من مفيش.

الهروب من الضغوط (سبب نفسي): لو فيه خوف أو قلق، الطفل بيهرب للسلوك ده بشكل غير إرادي عشان يداري شعوره بالضغط.

نقص الإدراك والوعي: طفل التوحد أحياناً مبيكونش عنده الخبرات الكافية اللي تخليه يميز بين اللي "يتاكل" واللي "ميتاكلش".

استكشاف البيئة: لو الطفل لسه صغير جداً، ممكن يكون الموضوع مجرد فضول طبيعي كأستكشاف بيجرب فيه كل حاجة ببوقه.

هنتصرف إزاي؟ (خطة العمل العملي)
الموضوع محتاج "صبر" و "حكمة" مش زعيق وعصبية:

✅ أول خطوة: التحاليل الطبية فوراً عشان نتأكد إن مفيش نقص في المعادن أو الفيتامينات.
✅ توفير بيئة آمنة: لازم نبعد الحاجات الخطر عن إيده ونوفر جو هادي بعيد عن الصريخ عشان ميستخدمش السلوك ده كأداة لزيادة التوتر.
✅ شغل التكامل الحسي بلأضافه (دورك يا ماما في المطبخ):
وبتوجية أخصائى التكامل الحسى

دخلي طفلك معاكي المطبخ، خليه يشم ريحة الفواكه والأكل، ويدوق طعمات مختلفة (حلو، حادق،) عشان يشبع حاسة التذوق عنده.

قدمي له أكل "ناشف" أو "جامد" صحي (زي الجزر أو الخيار الناشف) عشان يشبع حاجة الفكين للضغط ويشبع حاسة اللمس،
✅ التدخل وقت السلوك:
لتعامل هنا لازم يكون دقيق:

لو شوفتيه بياكل حاجة غلط، اتعاملي بـ "حزم بدون عصبية".
❌ بدون صراخ
❌ بدون ضرب
❌ بدون تجاهل كامل

✔️ تدخل هادي
✔️ جملة قصيرة: “ده مش أكل”
✔️ تكرار نفس الرسالة
✔️ تعبير وجه جاد وثابت

استخدمي كلمات بسيطة ومركزة: "غلط.. ده مش صح" مع تعبيرات وجه حازمة (ممنوع الضحك نهائي).

استخدمي الصور: صورة طفل بيعمل غلط وعليها علامة (X)، وصورة تانية للبديل الصح وعليها علامة صح (✔️).

قدمي "البديل الصحي" فوراً أول ما يسييب الحاجة الغلط وشجعيه عليه.

يا ست الكل.. السلوك لو رجع تاني بعد فترة، ارجعي استخدمي نفس الفنيات من غير يأس. ابنك بيتعلم بالصبر والتكرار، مش بالسرعة. ❤️

✨ حاولت أبسط لكم الموضوع وأوصله بشكل عملي عشان نفهم يعني إيه اضطراب بيكا، وليه بيحصل، وإزاي نتعامل معاه بدون خوف أو تصعيد

لأن الفهم الصح هو نص الحل 👌

💭 دلوقتي دوركم:
إيه أكتر موقف مرهق بتمروا بيه مع أطفالكم؟
وإيه السلوك اللي مش عارفين تتعاملوا معاه؟

اكتبوا في الكومنت 👇
وهنرد عليكم بحلول واضحة تناسب كل حالة ❤️

📌 يمكن سؤالك يكون سبب في مساعدة غيرك كمان، فمتترددش 🙏
مركز السلام للتخاطب وتنميه المهارات

01/05/2026

لأبنائنا من ذوي الإعاقة

📢 مصر للطيران تفتتح أول غرفة لدعم الأشخاص ذوي الإعاقة بمطار القاهرة الدولي

أعلنت EgyptAir عن افتتاح أول غرفة مخصصة لاستقبال الركاب من ذوي الإعاقات غير الظاهرة ومرافقيهم، بمطار القاهرة الدولي، وذلك لدعم أهداف التنمية المستدامة وفقًا لـ رؤية مصر 2030.

✈️ أبرز ملامح المبادرة:

* تستهدف الأشخاص من ذوي اضطراب طيف التوحد، وصعوبات التعلم، والحالات النفسية المختلفة، بالإضافة إلى من يعانون من حساسية مفرطة تجاه الصوت أو الضوء
* توفير بيئة هادئة وآمنة للحد من التحفيز الحسي الزائد (Overstimulation)
* تقليل التوتر والقلق قبل السفر وتحسين تجربة الركاب

📍 الموقع:
تم افتتاح الغرفة بصالة السفر في مبنى الركاب رقم (3) بمطار القاهرة الدولي، أمام مدخل (4).

🤝 آلية تقديم الخدمة:

* استقبال الركاب من مدخل المطار بواسطة فريق العلاقات العامة
* تقديم الدعم الكامل حتى إنهاء إجراءات السفر
* مرافقة الركاب حتى باب الطائرة

📩 للاستفادة من الخدمة:
يرجى إرسال بيانات الرحلة (التذكرة + رقم الهاتف + موعد الوصول للمطار) عبر البريد الإلكتروني:
[email protected]
وذلك قبل موعد الرحلة بـ 48 ساعة على الأقل.

🌟 خطوة جديدة تعكس توجهًا نحو سفر أكثر شمولًا وإنسانية، يراعي احتياجات جميع الفئات دون استثناء.

12/04/2026

كل سنه وانتم طيبين

19/03/2026

كل سنه وانتم طيبين عيد سعيد

19/03/2026

19/03/2026

دُعاء | ٢٩ | رَمَضَان 🌙

" ‏اللهم ها قد رحل رمضان ، فلا تجعله آخر عهدنا به، وأعده علينا أعوامًا عديدة ونحن في عافيةٍ وطاعة. اللهم تقبّل منا ما قدّمنا، واغفر لنا ما قصّرنا فيه، واجعلنا ممن خرج من هذا الشهر وقد غُفرت ذنوبه، وقُبل عمله، وارتفعت درجته. اللهم لا تخرجنا من رمضان إلا وقد أصلحت قلوبنا، وبدّلت حالنا إلى ما تحب وترضى، وكتبت لنا فيه عتقًا من النار ورضًا منك لا سخط بعده يا رب العالمين ، اللهُمَّ يارب لا تخرجنا من رمضان إلا وقد جعلتنا من المقبولين المشمولين برحمتك وعفوك وغفرانك اللهُمَّ ثقّل بها موازين أعمالنا الصالحة واهدنا سُبل السلام وارزقنا نعيمًا لاينفد وقرّة عينٍ لا تنقطع ، اللهم لا تخرجنا من رمضان إلا وقد رضيت عنا ، وتقبلت أعمالنا ، وأصلحت أحوالنا ، وأسعدت حياتنا ، وحققت لنا مانتمناه.. 🤲