مدونة المشير محمود عبدالمنعم

07/08/2026

#مريض

11/06/2026

رساله لاخواتنا الاطباء المسؤولين عن المريض وتوجيهه للصح دايما في شق نفسي بيبقى عنده اي مريض انه يتخلص من الالم فرجاءا محتاجين الادويه اللي بتتكتب تكون في محلها يعني لو قدامك خلط المريض محتاج مثلا فيتامين ب 12 كده كده هم الناس بتروح الصيدليه تاخذ الحقنه الحمراء بتاعه الاعصاب ما تروحش حضرتك مجود او عشان تخلص المريض من الالم فتكتب له حقن اقوى او نوع دواء مسكن فقط للاعصاب اي حاجه هتخلصه من الوجع هيتعود عليها عايزين نلاحظ ان الاهم من ايقاف الوجع ان احنا نعرف سبب الوجع لان المريض اي مريض بيبقى عنده شق نفسي يسمح له بالتعلق بالاشياء او الادويه التي تخلصه من الالم ممكن يكون الخلل في نظامه اليومي في طريقة عيشته ما ينفعش من البدايه ان انا اعوده ان الالم هنضغط على زرار نتخلص منه عن طريق دواء وساعتها هو هينكر دوره في تغيير نمط حياته علشان يتعافى فعلا بلاش استسهال استقيموا يرحمكم الله

02/06/2026

في علاج الادمان بنكتشف ان المدمن هو اكثر واحد عاطفي بميل دايما لراحته النفسيه زي ما كان بيتوجه للمخدرات نتيجه لشعوره بالراحه اثناء نشوه التعاطي من الممكن ان يميل لمن يشعر مشاعر امان حتى لو لحظيه مدمن ما بيقدرش يقرر او يميز ايه هيفيده وايه مش هيفيده في البدايه الاعتماديه هي اللي بتتكلم يا ريت واحنا بنعالجه بنغزيش الاعتماديه دي عنده

24/05/2026

24/05/2026

المشكله مش في دكتور ضياء العوضي ومش في العيش الابيض على فكره مشكله ان في توجه لاستخدام العيش السياحي اللي رشين عليه شويه رده والعيش الشامي وللاسف في بعض الفران العيش بدلوا العيش القديم ابو رده اللي احنا كلنا متربيين عليه بالعيش الشامي الكارثه هنا ان مش دكتور ضياء العوضي الوحيد اللي كان عارف المعلومه دي لا ده اكيد كل المنظومه الصحيه ومنظومه التغذيه ومنظومات الغذاء والدواء حول الكوكب كلها كانت عارفه بس هنا بتبان مين كان ليه مصلحه في ده ومين كان بيتكلم بما يرضي الله انا ما بتكلمش على نظام الطيبات ككل لاني لا افهم فيه كما كان يفهم من اقامه و نسقه رحمه الله دكتور ضياء العوضي بما له بما عليه

24/04/2026

في فرق واضح في الوعي او بالاصح فجوه ما بين رؤيه الناس للشخص المتعاطي ما بين المدمن المبهدل اللي سايب شغله وحياته بايظه وبياخد سرنجات او حقن وهي دي الصوره اللي المجتمع بيكرهها وفي حد ثاني بيبقى بيتعاطى طول ما هو منتظم في شغله في حياته ومنعزل مع نفسه بيكفي طلباته والدنيا مستقره الى حد ما للاسف ده ما فيش حد بيبص عليه انا عايز اقول لحضراتكم بس ان المدمن دلوقتي بيخش يتعالج بنكتشف ان حياته كانت شبه مستقره لكن فجاه بسبب التعاطي بدا يظهر مشاكل على المستوى الاجتماعي وعلى المستوى النفسي ادت الى عدم اتزان في مجريات الحياه عموما امتى حضرتك تبدا تتوجه لطبيب نفسي وامتى تحاول ان انت تغير من اسلوب حياتك وقت ما تحس ان بدا يحصل قلق في علاقاتك وتوتر المستوى الاجتماعي والاسري والمستوى الوظيفي لازم تدور وراء المخدرات تعودك على تحقيق رغباتك بشكل ملح وبشكل حتمي بيخليك تفرض على كل اللي حواليك انهم يستجيبوا لاسلوب حياتك انت وبتنسى ان كل واحد حر في اختيار طريقه حياته سواء زوجتك واولادك سواء مديرك في الشغل سواء جيرانك سواء حتى اصدقائك كلهم حقهم ما يبقوش في المنظومه بتاعتك اللي بتحكمها بطريقه تفكيرك الغلط الادمانيه لازم تحاول تحل من جواك واكثر حد هيساعدك هو طبيبك النفسي احنا في وقت دلوقتي كلنا محتاجين مراجعه افكارنا مع طبيب نفسي او اخصائي نفسي ما تترددش في طلب المساعده عشان تقدر تكمل الموضوع ما بقاش رفاهيه الموضوع بقى ضروري سواء للتوقف عن التعاطي او لمتابعه صحتك النفسيه اسف اذا كنت طولت عليكم لكن كان لازم اوضح ان شكل المدمن اختلف عن زمان في مدمنين دلوقتي وسطينا وفي احسن صوره لكن بعيد قوي عن حياتهم الطبيعيه

20/04/2026

دكتور ضياء العوضي اتفق معه من اتفق واختلف معه من اختلف في نظريته العلميه التي دمرت نظريات الخوف التي يزرعها الشركات الكبرى سواء شركات الادويه او الاغذيه التي تصنع جميع المخبوزات شركات عالميه او محليه ايا كانت جميع مصنعات اللحوم لا يمكن كبرى شركات الادويه العالميه لقد بدا ياخذ حيز من الفراغ لكن للاسف مطلوب ان يبقى الفراغ كما هو فراغ وداعا دكتور ضياء العوضي واتمنى ان تؤخذ نظرياته في حيز الاهتمام لان بها ما يستحق الاهتمام @أبرز المعجبين #ضياءـالعوضي

14/04/2026

في بوست النهارده هتكلم عن ظاهره بقى في وعي مجتمعي ضد متعاطي ومروجين المواد المخدره خاصه من تظهر عليه او على سلوكياته تعاطي او استخدام او اتجار المواد المخلقه في جروبات كثير لقيت الناس مركزه على ده مركزه على تنظيف المكان اللي هم عايشين فيه تجار ومروج المخدرات ما بقاش ليهم مكان معين لا في كل بيت هتلاقي جنبه ديلر وانا شايف ان احنا بس ناقصنا نوعي بالعلاج وندي فرصه للي محتاج يتعالج فعلا