06/09/2024
يعني ايه بتشتغل اخصائي تخاطب او تربية خاصة..؟🗣♿
- لما يعضك طفل في جلسة والعضة تطلع بالدم
لأنه اسرع منك.
ساعتها هتعرف ان الشغلانة دي مش سهلة.
- لما تقعد ربع او نص ساعة وماسك مسكة كماشة لولد من ذوي الهمم لانه في نوبة غضب.
ساعتها هتعرف ان الشغلانة دي مش سهلة.
- لما تاخد قلم ولا بونية من طفل وعينك توجعك ولا يخربشك او يعورك.
ساعتها هتعرف ان الشغلانة دي مش سهلة.
- لما تقعد على كرسي صغير او على الارض عشان تكون في مستوى الطفل بالساعة والاتنين.
ساعتها هتعرف ان الشغلانة دي مش سهلة.
📌شغلنا مش بس صياغة برامج مفصلة على الطفل.
شغلنا مش بس حاجات اتعلمناها و بنطبقها وبنحاول نبتكر عشان نحقق هدف.
شغلنا مش شوية محاولات وينتج منها استجابات.
#بالمختصر شغلنا مش شغلة اي حد ✋
شغلنا للمبدع الصبور ✔️
•الاخصائى نص وقت فراغه تواصل مع اولياء الامور يواسيهم ويطمنهم علي اولادهم.👥
•ادعموا الاخصائيين بالتشجيع المعنوى بجانب كلمة شكر
التخصص صعب ولازم الكل يفكر مليون مره قبل ما يغامر ويشتغل.
انا فخور جدا بشغلى ♥🤟🏻
و هقول حاجة مع احترامي لجميع الاعمال اين كانت بس حرفيا شغلي من أصعب الاشغال الموجودة في العالم و افتخر بها...♿
#تحية لكل أخصائى بيشتغل بقلبه وضميره....♥️♥️♥️
