Lunes 09:00 - 22:00 Martes 09:00 - 22:00 Miércoles 09:00 - 22:00 Jueves 09:00 - 22:00 Viernes 09:00 - 22:00

Clinica Queitano

Casa
España
Chantada
Clinica Queitano

Trabajamos de manera interdisciplinar ya que apostamos por la salud y el bienestar de nuestros pacientes.

13/04/2026

👀 Cóstache manter a liña cando les? Cánsaste rápido coa vista ou tes dores de cabeza frecuentes?

👉Moitas veces, detrás destes síntomas pode ser que que veña dun fallo na visión binocular, é dicir, na forma en que ambos ollos traballan xuntos.

En Clínica Queitano tratamos casos como:

🔹 Insuficiencia de converxencia
🔹 Problemas acomodativos
🔹 Estrabismos leves ou descompensados
🔹 Ambliopía en adultos
🔹 Alteracións visuais tras traumatismos ou problemas neurolóxicos

A través da terapia visual, traballamos movementos:
👁 Sacádicos (cambios rápidos da mirada)
👁 Seguimento visual (clave na lectura)
👁 Coordinación ocular

Porque ver ben non é só ver nítido, é que todo funcione en equilibrio ❤

25/03/2026

A relación entre ollos e pescozo é máis estreita do que pensamos 👁️💆‍♀️

O sistema visual guía constantemente a posición da cabeza.
Cando existe unha dificultade visual (problemas de enfoque, coordinación binocular, fatiga visual…), o corpo compensa modificando a postura cervical.

Co tempo poden aparecer:
– Contracturas repetitivas
– Dor cervical persistente
– Cefaleas
– Sensación de inestabilidade

Moitas veces tratamos só a consecuencia… e non a causa.

En Clínica Queitano realizamos valoracións integradas de sistema visual e cervical para entender a orixe real do problema.

20/03/2026

Nos deportes de pelota o sistema visual traballa constantemente:

🔹 Seguimento de obxectos en movemento
🔹 Cálculo de distancias
🔹 Coordinación ollo-man
🔹 Reacción rápida

Cando hai dificultades nestes procesos, o rendemento pode verse afectado e a veces confúndese con que non hai habilidade para os deportes, torpeza, lentitude... cando non é así.

En Clínica Queitano avaliamos non só canto se ve, senón como funciona o sistema visual en situacións dinámicas.

11/03/2026

A visión non é igual aos 6, aos 25 ou aos 60 anos 👁️

Cada etapa da vida require unha revisión específica e adaptada ás necesidades reais de cada persoa.

Moitas veces pensamos que unha revisión ocular é só “mirar se ves ben”… pero vai moito máis alá:
✔ Avaliamos como traballan os teus ollos
✔ Como coordinan entre eles
✔ Como responden ás esixencias do teu día a día

Na Clínica Queitano realizamos valoracións personalizadas segundo a idade e a sintomatoloxía de cada paciente.

Previr hoxe é ver mellor mañá.

03/03/2026

Traballas moitas horas diante do ordenador? 👩‍💻👁️

👉Dor de cabeza ao final do día.
👉Ollos secos.
👉Visión borrosa intermitente.
👉Sensación de presión ocular.

Pode ser síndrome do estrés informático 🖥

O noso sistema visual non está preparado para pasar tantas horas enfocando a distancias curtas sen descanso.

👀 Parpadeamos menos, forzamos máis e acumulamos tensión.

A boa noticia?
Ten solución.

👉Unha valoración visual completa permite detectar se hai problemas de enfoque, coordinación binocular ou graduación que están a empeorar os síntomas.

Se os teus ollos acaban o día máis cansos ca ti… é momento de revisalos.

26/02/2026

O sistema visual e o sistema vestibular traballan xuntos constantemente para manter o equilibrio.

Cando esta coordinación falla poden aparecer:
▫️ Mareos
▫️ Visión borrosa ao mover a cabeza
▫️ Sensación de balanceo
▫️ Inseguridade ao camiñar
▫️ Fatiga visual

Moitas veces trátase como un problema cervical ou exclusivamente vestibular…
pero a visión tamén pode estar implicada.

Unha valoración funcional permite analizar como están a traballar os teus sistemas sensoriais.

23/02/2026

A través da rehabilitación visual traballamos a coordinación dos ollos e a estabilidade binocular para mellorar a túa calidade de vida.

Cada caso é diferente.
Por iso é fundamental unha valoración individualizada.

📍 En Clínica Queitano podemos axudarche.

03/02/2026

Aínda que leva un tempo con nós, non queriamos deixar pasar máis a ocasión de presentalo oficialmente polas redes 😊

Pablo é fisioterapeuta graduado e conta cunha sólida formación, sempre enfocada en ofrecer o mellor tratamento a cada persoa:
▫️ Máster en Fisioterapia Manual do Aparello Locomotor
▫️ Pilates terapéutico, hipopresivos e exercicio funcional
▫️ Punción seca e electropunción

Pero máis alá da súa formación (que é moita 😉), se algo o define é a súa actitude: sempre cun sorriso, cercano, simpático e capaz de alegrar os días tanto aos pacientes como ao equipo.

Estamos encantados de telo na clínica e seguros de que xa moitos de vós o estades tamén 🤗

Benvido, Pablo!

29/01/2026

O sistema visual vai moito máis aló de ver ben. 👀

Problemas de enfoque, coordinación ou percepción poden afectar a aprendizaxe.

A avaliación visual infantil axuda a detectar estas dificultades a tempo e mellorar o rendemento escolar.

20/01/2026

Pensas que os teus fillos non deberían usar lentillas? É normal ter dúbidas, pero hoxe queremos contarche a verdade.

As lentillas adaptadas por un especialista son seguras, cómodas e, en moitos casos, a mellor opción para que os nenos gocen dunha visión clara e sen límites. 👀

👉 Especialmente en casos de control da miopía, as lentillas (como a ortoqueratoloxía) non só fan que o paciente vexa ben, tamén axudan a frear a progresión da miopia. En moitos casos de "ollo vago" tamen son a mellor opción para gañar calidade de imaxe e conguir que os 2 ollos traballen de maneira conxunta e conseguir así unha boa binocularidade.

Axúdalles a descubrir o mundo sen barreiras visuais. 🌟

30/12/2025

Sabías que hai xogos que, ademais de divertir, axudan a desenvolver habilidades visuais clave na infancia? 👀🧠

En optometría utilizamos xogos que traballan a atención, a percepción visual, a coordinación ollo-man, a memoria e a lóxica, sempre adaptados a cada idade. Son unha forma divertida e eficaz de estimular a visión mentres xogan.

🎁 Se estás a pensar en ideas para a carta aos Reis, estes xogos poden ser un gran agasallo: aprenden, divírtense e coidan a súa saúde visual ao mesmo tempo.

📩 Se queres recomendacións personalizadas segundo a idade ou as necesidades visuais do teu peque, consúltanos na clínica.

22/12/2025

Os arcos plantares son unha estrutura clave no equilibrio, a marcha e mesmo na postura global.
Cando non funcionan ben, todo o corpo compensa.

👉 Unha avaliación de fisioterapia pode detectar a causa real das molestias e axudarche a camiñar con máis comodidade e seguridade.

Dirección

Rua Taboada N1 Bajo
Chantada
27500

Horario de Apertura

Lunes	09:00 - 22:00
Martes	09:00 - 22:00
Miércoles	09:00 - 22:00
Jueves	09:00 - 22:00
Viernes	09:00 - 22:00

Teléfono

+34982441673

Página web

http://www.clinicaqueitano.com/

Notificaciones

Sé el primero en enterarse y déjanos enviarle un correo electrónico cuando Clinica Queitano publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.