06/07/2026
🔴 𝐒𝐈𝐋𝐕𝐈𝐀 𝐆𝐀𝐆𝐎 𝐄 𝐀𝐒 𝐒Ú𝐀𝐒 𝐂𝐎𝐌𝐏𝐀Ñ𝐄𝐈𝐑𝐀𝐒 𝐂𝐎𝐋𝐆𝐀𝐍𝐒𝐄 𝐎 𝐁𝐑𝐎𝐍𝐂𝐄 𝐌𝐔𝐍𝐃𝐈𝐀𝐋 𝐍𝐀 𝐅𝐈𝐍𝐀𝐋 𝐃𝐎 𝐂𝟒 𝐗𝐔𝐕𝐄𝐍𝐈𝐋 𝐅𝐄𝐌𝐈𝐍𝐈𝐍𝐎 🥉🇪🇸
🔴 A isleña 𝐒𝐢𝐥𝐯𝐢𝐚 𝐆𝐚𝐠𝐨, deportista do Náutico O Muíño de Ribadumia, proclamouse este domingo medallista de bronce no Campionato do Mundo Xuvenil de Piragüismo formando parte da embarcación española do C4 feminino de 500 metros, que asinou unha extraordinaria terceira posición na gran final.
🔴 Xunto a 𝐒𝐢𝐥𝐯𝐢𝐚 𝐆𝐚𝐠𝐨 competiron 𝐀𝐥𝐛𝐚 𝐋𝐚𝐠𝐨 (Cidade de Pontevedra), 𝐈𝐫𝐞𝐧𝐞 𝐋𝐚𝐡𝐨𝐳 (Monkayak Iberus Zaragoza) e 𝐋𝐮𝐜í𝐚 𝐏𝐢𝐳𝐚𝐫𝐫𝐨 (Aranjuez), formando un cuarteto que realizou unha magnífica regata para deter o crono en 1:53.63, un tempo que lles valeu a medalla de bronce mundial.
🔴 O ouro foi para Canadá, que venceu cun tempo de 1:50.68, mentres que China conquistou a prata con 1:52.66. A embarcación española mantívose entre as mellores durante toda a proba e certificou un meritorio terceiro posto fronte ás grandes potencias internacionais.
🔴 O éxito ten tamén un marcado acento arousán e galego grazas á actuación de 𝐒𝐢𝐥𝐯𝐢𝐚 𝐆𝐚𝐠𝐨, natural da Illa de Arousa e integrante do Náutico O Muíño de Ribadumia, que continúa sumando éxitos internacionais. Ademais, a presenza de dúas deportistas vinculadas ao piragüismo galego no barco español volve poñer de manifesto o excelente momento que vive esta disciplina en Galicia.
🔴 A tripulación estivo dirixida polo adestrador 𝐀𝐧𝐭𝐨ñí𝐧 𝐌𝐨𝐥𝐢𝐧𝐚, culminando un campionato cun resultado que confirma o enorme potencial da xeración xuvenil do piragüismo español.
