Dr. Merna Ouda

26/08/2026

شيفت باطنة عامة في عز أغسطس والقيادة لنائبات أمراض الحساسية والمناعة ❤️ ومن غير نائب/ة باطنة معانا 😅
وبدون حالات Anaphylaxis😂🏥 الحمد لله🙏

24/08/2026

إزاي تتكلم إسباني من الصفر في 5 شهور بساعتين بس في الأسبوع؟ 🇪🇸✨ (تجربة كورس Coursera)

https://coursera.org/specializations/learn-spanish

23/08/2026

صباح الخير يا اصدقائي و صديقاتى 🤗
النهاردة انا فى شيفت أطفال ٢٤ ساعة 🕰️
ان شاءالله لو فيه وقت النهاردة اجاوب على الاسئلة و الاستفسارات او بكرة🙏

دعواتكم

22/08/2026

الأوراق المطلوبة لإجراء المعادلة داخل إسبانيا 🇪🇸

بالنسبة لبكالوريوس كلية الطب:

*إثبات الشخصية: صورة باسبورت سار (أو بطاقة الإقامة الإسبانية NIE لو معاك).

*الشهادة الكرتون (المؤهل): لازم تكون أصلية وموثقة.

*بيان الدرجات (التقديرات): فيه كل المواد، التقديرات، وعدد الساعات الدراسية.

*شهادة الامتياز خاصة بعد تغير نظام الدراسة من ٦+١ ل ٥+٢ علماً بأن دراسة الطب فى إسبانيا ٦ سنين.

*إثبات اللغة: بيطلبوا شهادة لغة إسبانية (DELE B2).

(لازم كلها تتسحب سكانر PDF من الأصول الموثقة)

⚠️ شرط أساسي للأوراق اللي طالعة من مصر. لازم كل الأوراق تتوثق من الخارجية المصرية، وبعدين تتوثق من القنصلية الإسبانية في القاهرة وبعد التوثيق، لازم تترجم لغة إسبانية عن طريق مترجم محلف معتمد في إسبانيا (Traductor Jurado).

***احتياطى المحتوى الدراسي(المنهج): كتيب بيشرح إنت درست إيه في كل مادة بالإنجليزي و من غير ترجمة احتياطى فقط يكون معاكم من غير ترجمة لو لقدر الله طلبوه نبقا نترجم بعدها

# #إذا كنت خريج جديد (أقل من 6 سنوات): بتقدم ورق تخرجك والشهادات الأكاديمية وبتاخد المعادلة عادي بدون ما يطلبوا منك إثبات خبرة عمل.

# #إذا مر على تخرجك أكثر من 6 سنوات: هنا الوزارة الإسبانية بتشترط إثبات أنك طبيب ممارس و"نشط"، وبتطلب ورق رسمي (شهادة خبرة من وزارة الصحة أو نقابة الأطباء في بلدك) يثبت إنك اشتغلت في مهنة الطب كطبيب مستقل لمدة لا تقل عن 3 سنوات خلال آخر 5 سنوات قبل تقديم الطلب.

طبعاً يفضل ان كل دا يكون ملحق بالملف وقت التقديم 🙏🙏

بوست رقم 5️⃣

#معادلة

21/08/2026

بالنسبة لتعلم اللغة الإسبانية 🇪🇸✨ هنزل محتوى كامل وكتب وامتحانات ان شاءالله الفترة الجاية.

لو بتفكر تبدأ رحلة تعلم الإسبانية أو شغال عليها حالياً، التنوع في المصادر هو السر عشان متملش.. دي ترشيحات لقناتين من ألطف وأقوى المصادر كبداية:
1️⃣ للمبتدئين تماماً (مستوى A1):
قناة مغربية ممتازة تعتمد على أسلوب التكرار.. وطبعاً كثرة التكرار بتثبت المعلومة والمصطلحات في الدماغ من غير مجهود كبير 🤗😅
📌 رابط القائمة:
https://youtube.com/playlist?list=PLRx3xAaEX9pyN8suFXKhlboJYRgw75Biv&si=0wd-SycFZ8RUkr0F
2️⃣ للانتقال للمستوى المتوسط (مستوى A2 - B1):
قناة Learn Spanish with Mekkawy.. الشرح بالعامية المصرية اللطيفة، والأسلوب خفيف جداً وبيوصل المعلومة بسلاسة ومن غير أي تعقيد.
📌 رابط القناة:
https://youtube.com/?si=5wmXQrJugcZqqXb8
احفظ البوست عندك مرجع للتعلم، وشيره مع أي حد مهتم بالإسباني! 📚🎉
¡Mucho éxito a todos! 💪🇪🇸

بوست رقم 4️⃣



#معادلة

21/08/2026

🎯 تعلم لغة جديدة مش مجرد حفظ كلمات وقواعد!

في الفيديو ده هنتكلم عن أهم المهارات والعوامل اللي بتفرق فعلًا في رحلة تعلم أي لغة جديدة. لو بتبدأ لغة جديدة أو هتأخذ خطوة جديدة في حياتك، الفيديو ده ليك ❤️

#الاستمرارية

#معادلة

🎯 تعلم لغة جديدة مش مجرد حفظ كلمات وقواعد!في الفيديو ده هنتكلم عن...

21/08/2026

تغيير بسيط في البرنامج 🥲😅🤗🥰
النهاردة هنتكلم عن اللغة و نأجل موضوع التكلفة للأسبوع القادم إن شاءالله

20/08/2026

رحلة البحث عن “الختم الثالث في ورقة مالهاش لازمة”! 📝😂

لو بتعمل أي إجراء حكومي بره أو جوه بلدك، أكيد عديت على اللحظة دي:

الموظف يبص في ورقك بنظرة خبير آثار 🧐 ويقولك بكل هدوء:
“الورقة دي ناقصة خِتم… لازم تروح المبنى التاني عشان تجيب إثبات إنك معاك الإثبات!” 😂

بس الحقيقة إن البيروقراطية مش مجرد طوابير وأوراق وختم ورا ختم…

هي أحيانًا اختبار للصبر، والتنظيم، والإصرار. 💪

والأجمل؟ إن كل مرة بتخلص فيها خطوة، حتى لو كانت صغيرة، بتكون قربت خطوة من هدفك. 🎯

يمكن الطريق يطول، ويمكن تضطر تلف شوية في دوائر…
لكن المهم إنك ما توقفش.

خلي بالك:
كل ختم أخدته، وكل ورقة خلصتها، وكل طابور استنيته… هو جزء من الرحلة. ❤️

وفي الآخر، هتبص ورا وتقول:
“أنا فعلًا خلصت كل ده؟!” 😂🙌

استمر… الهدف يستاهل. 🇪🇬🇪🇸🤗🤗🏥💉✨

20/08/2026

فى استقبال استفسارتكم أصدقائي و صديقاتى ان شاء الله معادنا في فيديو جديد بكرة
#معادلة

18/08/2026

رحلة المعادلة ممكن تكون طويلة ومتعبة، وفيها صبر ومجهود كتير… لكن في الآخر، كل خطوة وكل تعب بيستحق لما توصل لهدفك ❤️🇪🇸 العناء مؤقت… لكن الوصول يستاهل كل التعب.

https://youtube.com/?si=04as_DzNNIoOJZRE