30/09/2026
Bəzən psixoterapiyaya müraciət edən şəxslərdə belə bir sual yarana bilir: "Mən pul ödəməsəydim, bu insan məni dinləyərdimi?"
Bir klinik psixoloq olaraq deyə bilərəm ki, seans ödənişi terapevtik çərçivənin ən vacib sütunudur.
Hətta uşaq psixoanalizində də uşağın məsuliyyəti hiss etməsi üçün ondan seansa konfet gətirməsi istənilirdi. Çünki:
- Ödəniş şəxsi azad edir: Psixoterapevtə emosional borcu qalmır. İstədiyi an narazılığını bildirə, hisslərini açıq deyə bilir.
- Məsuliyyəti artırır: Kənardan kömək gözləmək əvəzinə öz dəyişikliyinə şəxsi investisiya qoymaq.
- Sərhəd qoyur: Terapiya otağındakı münasibəti dostluqdan fərqləndirən və hər iki tərəfi peşəkar rolda saxlayan ən aydın xəttdir.
Psixoloji dəstək almaq hər bir fərdin haqqıdır. Maddi imkanı məhdud olan şəxslər bu xidməti dövlət müəssisələrindən pulsuz ala bilərlər.
Şəxsi təcrübəmə gəldikdə isə işlədiyim 8 il boyunca hər zaman azı 1 pasiyentlə ödənişsiz terapiya prosesimiz olub və davam edir. Bu bir mütəxəssis olaraq mənim cəmiyyətə mənəvi borcum və peşəkar sosial məsuliyyətimdir.
Paixoterapevt ödənişi pasiyentə duyduğu empatiyaya görə yox, emosional məkanı təhlükəsiz, peşəkar və etik saxlamaq üçün alır.
