Waa'ee Fayyaa

11/04/2026

03/04/2026

💥Hojjetaan mootummaa iddoo Hojii isaa irraa jijjiirame lafa Mana jireenyaa iddoo dhaqe irraa argachuu dandahaa? Fageenya hangam takka irraa? Ragaa akkam dhiyeeffachuu Isa barbaachisa? Waliin haa Ilaalluu.👇
⚖️Dambii Misoomaa, Bulchiinsa Fi Dabarsa Manneen Naannoo Oromiyaa Lakkoofsa 246/2016 Kewt 21

💥Haala Hojjetaan Mootummaa Sababa Hojii Mootummaatiif Bakka Biraatti Jijjirame Lafa Mana Jireenyaa Itti Argatu
👉1. Hojjetaan mootummaa sababa hojii mootummaatif fagaatee bakka biraatti jijiiranne bakka itti jijiirametti gurmaa'ee lafa mana jireenyaa argachuu ni danda'a.

👉2. Hojjetaan mootummaa sababa hojii mootummaatiif bakka duraan ture irraa lafa mana jireenyaa yookiin mana kan qabu ta'us bakka duraan itti hojechaa ture irraa kiiloo meetira 100 (dhibba tokko) fi isaa ol fagaatee kan jijjirame yoo ta'e bakka itti jijjiirameti waldaan gurmaa'ee lafa mana jireenyaa argachuu ni danda'a.

👉3. Keewwata kana Keewwata Xiqgaa 2 jalatti kan tumanme jiraatus hojjetaan mootummaa sababa hojii mootummaatiif jijiirame gurmaa'ee lafa mana jireenyaa kan argatu yeroo 1 (tokko) qofaafiidha.

👉4. Hojjetaan mootummaa akkaataa Keewwata kana Keewwata Xiqqaa 2 tiin gurmaa'ee lafa ijaarsa mana jireenyaa argachuuf:
✍️a. Ragaa dhimma hojiitif jjiiramuufi iddoo itti jjiirametti hojechaa jiraachuu isaa ibsu dhiyeessuu;
✍️b. Iddoo itti jijiirametti maqaa isaatin yookiin maqaa haadha warraa yookiin abbaa warraa isaatiin mana jireenyaa yookin lafa mana jireenyaa kan hin qabne ta'uu ragaa agarsiisu qaama dhimmi ilaalu irraa dhiyeeffachuu qaba.
Haqaan Haqaaf Haa Hoojjannuu ❗

Waajjira Abbaa Alangaa Aanaa Gurawaa

17/03/2026

Addis Ababa City Administration Health Bureau Vacancy

07/03/2026

Tarsiimoo Oromia Health Bureau

'' Kaffaltii xiqqoon hojii guguddaa hojjechuu''

Warri biiroo oromiyaa kaffaltii xiqqaan hojii guddaa hojjechuun badhaafamaa jiru. Silaa kun gaariidha garuu isaan karaa qajeelfama mootummaan ala ta'en humna ogeessaatti taphachaa ofii itti badhaafamu.

Ogessi ji'a 6 waan itti dafqe osoo hin argatin beela'aa jira.
Isaan kana akka milkaa'aanaatti itti badhaafamu.
Ogeessi hagabuu isaa hojjeta ❗️❗️❗️

kanaan walqabatee
1. Qulqullinni kenna tajaajila fayyaa Oromiyaa baay'ee gadi bu'eera
2. Hospitaalonni duwwaatti hafaniiru- Qorichi fi laabiratoriin hin jiru
3. Report godhamu harki caalan kan sobaati

Fakkeenyaf evaluation hospitalotaa torbee kana tureen Oromiyaa keessaa hospitaala tokko qofatu top 10 gale.

26/02/2026

Urgent!
Dhimma hidhamuu ogeessota Hospitaala Tulluboollootiin walqabatee Ibsa Ejjannoo OHPV irraa kenname.
Egaa akkuma beekamu Ogeessi fayyaa Oromiyaa gaafii mirgaa karaa seera qabeessa ta'een fi obsa guddaadhan gaafataa turuun isaa ni yaadatama. Haa ta'u malee hanga ammaa deebin deebi'e tokkollee hin jiru. Kun ammoo ogeessa keenya rakkoo hamaa hedduuf saaxilee akka jiru Barruu keenya dheengadda baafnerratti ibsinee jirra. Egaa kuni kanaan otoo jiruu Ogeessonni keenya sababuma gaafii mirgaa gaafatan qofaaf hidhaa fi doorsisa adda addaatiin shororkeeffamaa jiru.Kanaaf ammoo Wanti Ogeessota keenya Hospitaala Tulluboolloo muudate isa ijoodha. Guyyaa kaleessaa halkan keessaa sa'aa 3:30 tti ogeessota 4 butanii deemaniin. Kan hundarra nama gaddisiisu ammoo Ogeessota butaman arfan keessaa inni tokko Gaaddisaa Raggaasaa dabareerra otoo jiruu Kutaa Emergency keessaa fuudhanii deeman.Namni kun garaa duwwaa isaa kanfaltii baatii shanii dhabee hojjataa otoo jiruuti kan balaa dabalataa kanaaf saaxilamaa jiru.kanumaan walqabatee Koreen OHPV walgahii Ariifachiisaa karaa Zoom meeting taasiseen murtee armaan gadii dabarsee jira.
1.Guyyaa boruu ganama sa'aa 2:30 -4:00 jidduutti Ogeessi fayyaa guutuu Oromiyaa jiru akkuma gaafa demonstration sana Ogeessota kanaaf bakka hojii isaanitti yeroo gabaabaaf sagalee ta'uu akka qaban waliif gallee jirra.sababni isaas gaafii hunda keenyaa gaafataniit hidhaman waan ta'eef.
2.Ogeessonni fayyaa Hospitaala Tulluboolloo tarkaanfii yeroo darbe Istaafin Hospitaala Baalee Gasgaar fudhatan fudhadhaa. Innis Ganama akkuma hojii seentaniin hundi keessan harcaatii tokko malee bakka Atteendaansiin mallattaa'utti wal eegdanii ijoollee hidhamte dhaqxanii akka gaafattan waamicha isiniif taasifna. Dabalataanis Achii baatanii Biiroo Walitti qabaa Boordii Hospitaala Tulluboolloo dhaqxu. Odeeffannoo nuti qabnuun hidhamuu ijoollee kanaa kaleessumtii isaa Boordin Hospitaalaa mariirra akka turan dhageenye. Kallattii hidhamuu Ogeessotaas kan kaa'e walitti qabaa boorditi jedhamaa jira...waan ta'eef.
3.Ogeessonni Fayyaa Guutuu Oromiyaatti argamtan ammas strike marsaa 2ffaa gaafa guyyaa Roobii Guraandhala 25,2018 taasifamuuf bifa kana caalaa qindaa'aa ta'ee fi Harcaatii hin qabaannen Ogeessi hundi akka hirmaatu waamicha taasifna.Laagannaan inni marsaa lammaffaa kun isa akka kan jalqabaa harcaatii horachuu hin qabu.
Hoogantoonni Hospitaala Tulluboolloo ammoo ijoollee kana mana hidhaarraa baasuf maal akka gootan qulqulleeffachaa jirra.Isintu hiisise ta'uu fi dhiisuu isaas adda baafachaa jirra.(CEO fi Medical Director)Yeroo darbe Medical Director Hospitaalichaa Namni baay'een nama Ogeessaf Naatoo gaarii qabu jedhee nuuf katabaa ture. Naatoo isaanis amma kan mirkaneessinu ta'a.
Unity is power
OHPV

Waa'ee Fayyaa
Oromia Health Professionals Voice-OHP

26/02/2026

Guyyaa kaleessaa Hojjattoonni Koollejjii Fayyaa Hospitaala Adaamaa gaaffii lafa mana jireenyaa osoo hin kennamin lafarra harkifachaa jiruuf gaafii gaafachuuf waajjira kaantiibaa deemnee turre! Ganama sa'aatii 2:00tti deemnee tuffii guddaa booda sa'aatii 6 bakka nuti dadhabnee abdii kutannee bahuuf taanetti,itti aanaan kaantiibaa obbo Nigaatuu Mootummaa,I/G waajjira Fayyaa Magaalaa Adaamaa aadde Saamiraa kan jedhamtu,I/G bulchiinsaafi nageenyaa kan ta'e Taarraqany kan jedhaman dhufanii arrabaan haasawwa banuu jalqaban🙏Ogeessi kallattii BMNO kaa'e lafti mana jireenyaa ogeessota ulaagaalee gurmaa'iinsaa guutaniif bakka hojii isaanitti hanga waxabajjii 30 tti akka kennamuuf jedhamullee, lafarra harkifannaa isaa sababeeffachuun gaafa dhaqee gaafatu,Arrabaan fi sodaachisaa guddaadhaan nu dararuu jalqaban? Lafti isiniif yeroo barbaaddanitti isiniif kennamu hin jiru,yeroo filannoon dhufaa jiru kanaan mootummaa irratti hiriira bahuun seeran isin gaafachiisa,yoo kennines waldaa tokkoo lamaaf kenninee callisuuf mirga guutuu qabna,dhukkubsataa dhiistanii dhufuun keessan yakka guddaadha jedhanii heedduu nu arrabsaa turan🙏 Sagalee nu waraabu jedhanii humna nageenyaan galma keessaa nu yaasanii mobile hunduma keenyarraa guuranii lafa naqan! As magaalaa Adaamatti ogeessi Fayyaa Rakkoo hamaa keessa jira! Kaabineen sodaachisaa fi cunqursaa hamaadhaan management hospitaalaa waliin ta'uun dararaa guddaa nurraan gahaa jiru!

26/02/2026

Shiftummaa daangaa darbe guyyaa kaleessaa halkan keessaa sa'aa 3:30 Ogeessota fayyaa Hospitaala Tulluboolloo kan ta'an nama 4 qamni nageenyaa mana jireenyaa isaanitii fi Bakka hojiitii fudhatanii deemanii jiru. Ogeessonni hidhaman kunneenis
1:Dr Lamma Carraaqsaa
2:Dheressaa Cimdeessaa
3 Guddisaa
4 Getahun Dammasaa
Kun roorroo daangaa darbeedha. Ogeessota keenya battalatti gadi lakkisaa.
Ogeessi bakka biraa jirtan hunduu fincila hamaa as deemuf of qopheessaa. Kan beelan nu fixan xinnaatee hidhaatti darban. Get ready for the coming revolution!

Waa'ee Fayyaa
Oromia Health Professionals Voice-OHP