Dr Kassahun Medium Clinic

03/08/2026

https://vt.tiktok.com/ZS4fkgJGD/
አዲስ የቲክ ቶክ ገጻችን ነው ይቀላቀሉን

24/03/2026

🚨መጋቢት የትልቁ አንጀት ካንሰር ግንዛቤ ማስጨበጫ ወር !!

🎗የትልቁ አንጀት ካንሰር ከትልቁ አንጀት ወይም ከፊንጢጣ የሚጀምር ካንሰር ሲሆን መነሻውም 'ፖሊፕስ' (polyps) የሚባሉ ትናንሽ እብጠቶች ናቸው። እነዚህ በአንጀት ውስጥ ከሚከሰቱ እብጠቶች መካከል አንዳንዶቹ በጊዜ ሂደት ወደ ካንሰርነት ሊቀየሩ ይችላሉ።

🎗ይህ ካንሰር የመጀመሪያ ደረጃዎቹ ላይ ምንም ዓይነት ምልክት ላያሳይ ይችላል። በመጨረሻዎቹ ደረጃዎች ላይ ግን እንደ የሆድ ህመም ፣ በሰገራ ላይ ለውጥ መኖር፣ በሰገራ ላይ ደም መታየት እና ያለ ምንም ምክንያት የሰውነት ክብደት መቀነስ ያሉ ምልክቶች ሊስተዋሉ ይችላሉ። እነዚህ ምልክቶች ከታዩ ሁልጊዜም ምርመራ ማድረግ ያስፈልጋል።

🎗እንደ 'ኮሎኖስኮፒ' (colonoscopy) ያሉ ምርመራዎች የፖሊፕ እብጠቶችን አስቀድሞ በመለየትና በማስወገድ የአንጀት ካንሰርን ለመከላከል ያስችላሉ። አብዛኛው ሰው በ45 ዓመቱ የኮሎኖስኮፒ ምርመራ ማድረግ መጀመር ያለበት ሲሆን፣ የምርመራ ውጤቱ ጤናማ ከሆነም በየ10 ዓመቱ ምርመራውን መድገም ይኖርበታል።

🎗የአንጀት ካንሰር ቀድሞ ከተገኘ በሚገባ ሊታከም የሚችል በመሆኑ መደበኛ ቅድመ ምርመራ ማድረግ እጅግ አስፈላጊ ነው።

30/12/2025