Dr. Asrat Habtegiorgis

25/09/2020

በኮቪድ 19 ዙሪያ እና አዲስ አመት ጋር የተለያዩ ጉዳዮችን ከ EBC ጋር ያደረኩትን ቃለመጠይቅ ይመልከቱ። ስለማንኛዉም የአዕምሮ ህመም ጉዳይም ለማማከር በመልዕክት መላኪያዉ ወይም በ ርቀት የአዕምሮ ህክምና መስጫ ድረ ገጼ www.drasrat.com/ ያግኙኝ።

07/08/2020

ዛሬ አንድ ትልቅ የህብረተሰብ ጤና ተመራማሪ በኮቪድ-19 አጥተናል።
ነፍስ ይማር!
___________________________________________

በአክሱም ዩኒቨርሲቲ የህብረተሰብ ጤና ትምህርት ቤት በኢፒዲምዮሎጂ ትምህርት ክፍል ባልደረባ የነበሩት ዶክተር ፍሰሃየ አለምሰገድ ተስፋሚካኤል (ተባባሪ ፕሮፌሰር) የኮሮና ቫይረስ ወረርሺኝ ለመከላከልና ለመቆጣጠር በሞያቸው ሕብረተሰባቸውን በማገልገል ላይ እያሉ በኮሮና ቫይረስ በሽታ ታመው የሕክምና እርዳታ ሲደረግላቸው ከቆዩ በሃላ በቀን 01/12/2012 ዓ/ም አርፈዋል፡፡
ዶክተር ፍሰሃየ አለምሰገድ የኮሮና ቫይረስ ወረርሺኝ ለመከላከልና ለመቆጣጠር በአክሱም ዩኒቨርሲቲ የኮሮና ቫይረስ ፈጣን ግብረ መልስ ቡድን መሪ በመሆን ህዝባቸውን ከቫይረሱ ለመታደግ ሌተቀን ሲሰሩ ቆይተው የትግራይ ብሄራዊ ክልላዊ መንግስት ጤና ቢሮ ባደረገላቸው ጥሪ በኮሮና ቫይረስ መረጃ ትንተና እና ትንበያ ክፍል በመስራት ላይ እያሉ በኮሮና ቫይረስ ተይዘው ህክምና ሲደረግላቸው ቆይቶ ከዚህ አለም በሞት ተለይተዋል።

07/08/2020

የአእምሮ ህመም ምክንያቶች የተለያዩ ናቸው፤ ሆኖም ግን አብዛኛዎች የስነህይወታዊ፣ የስነልቦናዊ እና የማህበራዊ ችግሮች ስብጥር የሆነ መነሻ አላቸው፡፡ ጥያቄ ለመጠየቅ፣ ለማማከር ወይም፣ ሙሉዉን ለማንበብ ምስሉን ይጫኑ። ለሌሎችም ያጋሩ። አመሰግናለሁ።

የአእምሮ ህመም ምክንያቶች የተለያዩ ናቸው፤ ሆኖም ግን አብዛኛዎች የስነህይወታዊ፣ የስነልቦናዊ እና የማህበራዊ ችግሮች ስብጥር የሆነ መነሻ አላቸው፡፡ የአእምሮ ጤና ባለሞያዎች የአ....

05/08/2020

የአዕምሮ ህመም ማንኛዉንም የህብረተሰብ ክፍል ሊያጠቃ የሚችል ህመም ነዉ። የአዕመሮ ህመም የአንድን ሰዉ ባህሪ፣ ስሜት ወይም አስተሳሰብ በማዛባት የእለት እለት መስተጋብር ላይ አሉታዊ ተጽእኖ ያሳድራል። ምስሉን በመጫን ሙሉዉን ያንብቡ። ለሌሎችም ያጋሩ።

የአዕምሮ ህመም ማንኛዉንም የህብረተሰብ ክፍል ሊያጠቃ የሚችል ህመም ነዉ። የአዕመሮ ህመም የአንድን ሰዉ ባህሪ፣ ስሜት ወይም አስተሳሰብ በማዛባት የእለት እለት መስተጋብር ላይ አሉታ.....

13/01/2020

1. የአዕምሮ ጤና ምንድነዉ?
************************
ስለ አዕምሮ ጤና ከማዉራታችን በፊት ጤና ምንድነዉ የሚለዉን ማየቱ መልካም ነዉ። ጤና (Health) ለሚለዉ ቃል ሁሉንም ሊያስማማ የሚችል መልስ እስካሁን አልተገኘም። ነገር ግን እንደ አለም ጤና ድርጅት አተረጓጎም ፡- ጤናን “የበሽታ አለመኖር ሳይሆን የተሟላ አካላዊ፣ አዕምሯዊና ማህበራዊ ደህንነት ነዉ” በማለት የሶስቱ ፈርጆች ጤናማነት ሲሟላ የሚመጣ ሁኔታ አድርጎ ይወስደዋል።

ወደ አዕምሯዊ ጤና ስንመጣ የአንድን ሰዉ አስተሳሰብ፣ ስሜትና ድርጊት ይገልጻል። አዕምሯዊ ጤና ስሜታዊና አዕምሯዊ ደህንነት ሲሆን እያንዳንዱ ግለሰብ የማገናዘብ አቅሙንና ስሜታዊ ችሎታዉን ተጠቅሞ በማህበረተሰቡ ዉስጥ ግዴታዉን በመወጣት የዕለት ተለት የኑሮ ፍላጎቱን መሟላት መቻል ነዉ።

አዕምሯዊ ጤና ሰዎች አቅማቸዉ እና መክሊታቸዉን የመጠቀም እና ከችሎታቸዉ ከፍታ የመድረስ ብቃት ነዉ። በስራ ዉጤታማ መሆንና ለማህበረተሰቡ አስፈላጊዉን አስተዋጽኦ ማበርከት መቻል አዕምሯዊ ጤናቸዉ የተስተካከለ ሰዎች መገለጫ ጠባይ ነዉ።
አዕምሯዊ ጤና ባጠቃላይ ከአሉታዊም ሆነ አዎንታዊ ስሜቶቻችን ጋር የጠበቀ ቁርኝነት አለዉ። የአዕምሯዊ ጤና ባለቤት ልንሆን የምንችለዉ ከራሳችንም ሆነ ከሌሎች ጋር ስንታረቅና ፍሬያማ ግኑኝነት መፍጠር ስንችል ነዉ። ከራስ ጋር ለመታረቅ አስቀድሞ ራስን በማወቅ ከአሉታዊ ስሜቶች (መናደድ፣ ማዘን፣ መፍራት፣ ጥላቻ፣ ተንኮል፣ ምቀኝነት፣ ቅናት፣ ቂም እና ተጠራጣሪነት) በመራቅ ወደ ሳቢ ስሜቶች (ፍቅር፣ ደስታ፣ አድናቆት፣ ሩህሩህነት፣ ጉጉነት፣ ፈጠራና የማወቅ ፍላጎት) መሳብ መቻል ከሌሎች ጋር ለምንመሰርተዉ የሰመረ ግኑኝነት ጠንካራ መሰረት ይጥላል።

አዕምሯዊ ጤና የሰመረ መሆኑ መገለጫዎች መካከል፡-
👉በራስ መተማመን
👉በመጥፎ ልማዶች ያለመዉደቅ እናም ራስን በማየት መታረም
👉ያለመሰላቸት
👉በየጊዜዉ አዲስን ነገር ለመማር ዝግጁ መሆን
👉ስለ ህይወት ትርጉም ያለዉ እንደሆነና፣ የተስተካከለ እና ቀና አመለካከት መኖር
👉አሉታዊ ስሜቶችን እና ዉጥረትን መቆጣጠር መቻል
👉መረጃዎችን አቀናብሮ መጠቀም መቻል
👉ለራስ እንደሚያስቡ ለሌሎችም ግድ ማለት መቻል
👉ችግርን መፍታት መሞከር ካልሆነም ለሌሎች ማካፈል እና አስፈላጊ ሲሆን ትብብር መጠየቅ መቻል
👉ራስን በበጎ አኳኋን መመዘን፣ ማሻሻል እና ማሳደግ መቻል
👉ራስን መምራት መቻል
👉በራስ መወሰን መቻል
እነዚህን ባህርያት መላበስ ከህይወታችን አሰራር ጋር የጠበቀ ዝምድና አላቸዉ። በመሆኑም በህመም ላለመጠቃት ብርታትም ጭምር ናቸዉ።
ባጠቃላይ፤ ዉጤታማነትና ስኬት የአዕምሮ ጤንነት ዋና ማሳያዎች ናቸዉ። ዘና ማለት፣ እችላለሁ ባይነት፣ የተወዳዳሪነት ስሜት፣ ጭንቀትን መቆጣጠር መቻልና ከመጥፎ ሁኔታ በቶሎ ማገገም መቻል አዕምሮ ጤንነት ትሩፋቶች ናቸዉ።
በሚቀጥለዉ ጽሁፍ የአዕምሮ ህመም ምንነት እስክንገናኝ መልካም ጊዜ።

ምንጭ፡-
የአለም ጤና ድርጅት፣ ሙሉ ጤናን ፍለጋ (በዶ.ር ይሁኔ አየለ)
ስለአዕምሮ ህመም ማማከር ከፈለጉ በ send message ሊያገኙኝ ይችላሉ።
ለሌሎችም እንዲደርስ ሼር ያድርጉ።

🙏አመሰግናለሁ።
ዶ.ር አስራት ሀ/ጊዮርጊስ
የአዕምሮ ህክምና ስፔሺያሊስት