23/11/2025
ፓነሲያ ሆስፒታል - ሀዋሳ
ከ20 በላይ ስፔሻሊስቶች እና ሰብ-ስፔሻሊስቶች መገኛ ማዕከል
በፓነሲያ ሆስፒታል - ሀዋሳ በቀን 13/03/2018 ዓ/ም በምስሉ የተገለፀውን የሀሞት ከረጢት ጠጠር በቀዶ ህክምና ከአንዲት ሴት ታካሚያችን በሆስፒታሉ ቀዶ ህክምና ስፔሻሊስት በዶ/ር ፀጋዬ ቸቦ እና በዕለቱ ቀዶ ህክምና ቡድን አማካኝነት በተሳካ ሁኔታ ተከናውኗል።
የታካሚያችንን ቀዶ ህክምና ከባድና ውስብስብ ያደረገው ጉዳይ ፦ ታካሚያችን አጣዳፊ የሆነ የሀሞት ጠጠር ህመም ወይም ቁስለት (Acute cholecystitis) እና የሀሞት ከረጢት ከመጠን በላይ በፈሳሽ መወጠርና ማበጥ ( Gallbladder Hydrops) የነበረባቸው በመሆኑ ነው።
Cholecystectomy - የሃሞት ከረጢት ጠጠር ኦፕሬሽን
ቀላል ነው ወይስ ከባድ?
👉 ብዙውን ጊዜ "የተለመደ ህክምና" ነው፣ ሂደቱም ቀላል ነው ተብሎ ይታመናል። ይሁን እንጅ - የተለመደ ነው ማለት በኦፕራሲዮን ጊዜ ከአደጋ ነፃ ነው ማለት አይደለም።
👉 Cholecystectomy / የሀሞት ከረጢት ጠጠር ቀዶ ህክምና ቀላል የሚሆነው መቼ ነው?
✔ታካሚው ያለው የሰውነት አወቃቀር (Anatomy) ግልጽ እና ቀጥተኛ ሲሆን የቀዶ ህክምና ሂደት ውስብስብነት ይቀንሳል።
✔የሃሞት ከረጢቱ ተደጋጋሚ ጉዳት (chronic cholecystitis) የሌለው ሲሆን እና አጣዳፊ የሆነ የሀሞት ጠጠር ሕመም ወይም ቁስለት (Acute cholecystitis) ከሌለ።
✔ህክምናው ልምድ ባካበቱ ባለሙያዎች ሲሰጥ የቀዶ ህክምናውን ጊዜ እና ውስብስብነትን ይቀንሳ።
👉 Cholecystectomy/የሀሞት ከረጢት ጠጠር ቀዶ ህክምና አስቸጋሪ የሚያደርገው ምንድን ነው?
✔ከባድ እና ተደጋጋሚ ቁስለት (Chronic cholecystitis with contracted gallbladder)፡ በተለይም ሥር በሰደደ የሀሞት ከረጢት ኢንፌክሽን ወይም ቀደም ባሉት የሀሞት ኢንፌክሽኖች ሲከሰት የቀዶ ህክምናው ውስብስብነት ይጨምራል።
✔ከተለመደው የተለየ አፈጣጠር (Anatomic Variation) ፡ በሀሞት ቱቦ ወይም ደም ወሳጅ ቧንቧዎች ላይ ያለው አቀማመጥ ልዩነት ሊኖር ይችላል፣ ብዙ ጊዜም የሚገጥም ነገር ነው። የዚህ ችግር ያለባቸው ሰዎችንም ቀላል በሆኑ እና በተለመዱት የምርመራ ዘደዎች መለየት አስቸጋሪ ነው። ስለዚህ በኦፕራሲዮን ጊዜ ሊገጥም እንደሚችል መገመት እና ሲገጥምም ተገቢውን ህክምና ማድረግ ያስፈልጋል። ካልሆነ ግን የኦፕራሲዮኑን ሂደት እና የማገገም ሂደቱን ውስብስብ ያደርጉዋል።
✔ከመጠን ያለፈ ውፍረት (Morbid Obesity) ፡ ከመጠን ያለፈ ውፍረት በኦፕራሲዮን ጊዜ እይታን ይጋርዳል። ይህ መሆኑ ደግሞ ይሂደቱን ውስብስብነት እና በኦፕራሲዮን ጊዜ የሚደርስን አደጋ ይጨምራል። በዚህኛውም አጋጣሚ ኦፕራሲዮኑን በቀነሰ የአደጋ ተጋላጭነት ለመከወን ልምድ ይፈልጋል።
👉ሂደቱን ቀላል ለማድረግ፣
✔ በኦፕራሲዮን ጊዜ አስፈላጊ የሆኑ የደህንነት መርሆችን (Safety principles) መተግበር ያስፈልጋል።
✔እርዳታ መጠየቅ፡ በኦፕራሲዮን ጊዜ ሁለተኛ አስተያየት ከሌላ ባለሙያ መጠየቅ ውጤቱን ያማረ ሊያደርገው ይችላል።
✔በአጠቃላይ ከታካሚ ምርጫ ጅምሮ በጥንቃቄ ነገሮችን ማየት በሃሞት ከረጢት ጠጠር ኦፕራሲዪን (Cholecystectomy) ወቅት ሊገጥም የሚችልን ውስብስብነት እና አደጋ ይቀንሳል።
በመጨረሻም፦
✔ የሀሞት ጠጠር ምልክቶች ምንድን ናቸው??
አብዛኞቹ የሀሞት ጠጠሮች በጊዜ ምልክት የማያሳዩ ሲሆን በአብዛኛው ጊዜ ቅባታማ ምግቦችን ከተመገቡ በሗላ የምከሰት እና የሚታዩት ምልክቶች የሚከተሉት ናቸዉ ፦
※ ለረጅም ሰዓት የሚቆይ በሆድ የላይኛው ቀኝ ክፍል ድንገተኛ የመውጋትና የማቃጠል ህመም
※ በቀኝ ትከሻ ላይና በትከሻ መሳቢያዎች መካከል የጀርባ ህመም
※ ማቅለሽለሽ
※ ማስመለስ
※ ምግብ ያለመፈጨት ችግሮች
※ የሆድ መነፋት፣ ቃር፣ ማቃጠል እና ጋዝ የመሳሰሉትን ናቸው።
ስለዚህ ከላይ የተዘረዘሩ ምልክቶች ካለዎት ይህ የሀሞት ከረጢት ጠጠር ህመም ( Symptomatic Cholelithiasis) ምልክት ሊሆን ስለምችል ባፋጣኝ ወደ ፓነሲያ ሆስፒታል - ሀዋሳ ይምጡ ፤ በሆስፒታላችን መፍትሄ ያገኛሉ፡፡
✍️ በዶ/ር ፀጋዬ ቸቦ: የጠቅላላ ቀዶ ህክምና ስፔሻሊስት
Dr. Tsegaye Chebo, MD, General Surgeon
ፓነሲያ ሆስፒታል - ሀዋሳ
ከ20 በላይ ስፔሻሊስቶች እና ሰብ-ስፔሻሊስቶች መገኛ ማዕከል
ለበለጠ መረጃ በስልክ ቁጥር፦ +251994191919 / 0462124243 ላይ ይደውሉልን!
አድራሻ ፦ ሀዋሳ ወደ ሪፈራል ሆስፒታል በሚወስደው መንገድ ላይ ከፖሊ ቴክኒክ ኮሌጅ ፊት ለፊት ያገኙናል።
