Sheikh Ibrahim Abdalla Gode General Hospital

03/11/2026

03/11/2026

Wasiirka Xafiiska Caafimaadka DDS oo Furay Kulanka Qiimaynta Waxqabadka Cusbitaallada Deegaanka Soomaalida oo ka Furmay Jigjiga.

Kulankan oo uu soo agaasimay Xafiiska Caafimaadka DDS ayaa ujeeddadiisu ahayd in dib-u-eegis iyo qiimayn lagu sameeyo hawlaha shaqo iyo adeeg-bixineed ee cusbitaallada deegaanka, si loo ogaado heerka waxqabadkooda, caqabadaha ka jira iyo meelaha u baahan xoojinta, loona dejiyo qorshayaal lagu sii horumarinayo tayada adeegyada caafimaadka.

Kulanka ayaa si gaar ah diiradda loogu saaray dardargelinta iyo hirgelinta nidaamka casriga ah ee maaraynta xogta bukaannada ee loo yaqaan Electronic Medical Records (EMR), kaas oo door muhiim ah ka qaadanaya casriyeynta adeeg-bixinta caafimaadka, kaydinta iyo maaraynta xogta bukaannada, fududaynta helitaanka macluumaadka caafimaadka iyo kor u qaadista hufnaanta shaqo ee cusbitaallada.

Sidoo kale, kulanka ayaa lagu soo bandhigay waxqabadyo iyo waayo-aragnimo wanaagsan oo ay qaar ka mid ah cusbitaallada deegaanku ka sameeyeen hirgelinta iyo ku shaqaynta nidaamka EMR, iyadoo si qoto dheer la iskula lafa-guray sidii looga faa’iidaysan lahaa waayo-aragnimadaas, loona dardargelin lahaa hirgelinta nidaamkan si uu uga wada shaqeeyo dhammaan cusbitaallada deegaanka.

Kulanka waxaa si rasmi ah u furay Wasiirka Xafiiska Caafimaadka DDS, Dr. Musse Axmed Ibraahim, waxaana ka soo qaybgalay Wasiir-ku-xigeenka Xafiiska Caafimaadka DDS, Mudane Maxamed Ayaanle Xasan, maareeyayaasha cusbitaallada deegaanka iyo masuuliyiin ka socday Shabelle Bank, oo Xafiiska Caafimaadku kala dhexeeyo wada-shaqayn la xidhiidha horumarinta iyo taageerada qaybta caafimaadka.

Intii uu kulanku socday ayaa masuuliyiinta Xafiiska Caafimaadka DDS iyo maareeyayaasha cusbitaallada deegaanku waxay isla qaateen muhiimadda ay leedahay in la xoojiyo isla-xisaabtanka, dardargelinta hawlaha shaqo, kor u qaadista tayada adeeg-bixinta iyo hirgelinta nidaamyada casriga ah ee maamulka iyo maaraynta xogta caafimaadka.

Ugu dambayn, masuuliyiinta sare ee Xafiiska Caafimaadka DDS iyo maareeyayaasha cusbitaallada deegaanka ayaa kala saxeexday heshiis ku saabsan dardargelinta iyo sii xoojinta hawlaha shaqo iyo adeegyada caafimaad ee cusbitaalladu u hayaan bulshada. Heshiiskan ayaa saldhig u noqonaya xoojinta wada-shaqaynta, masuuliyadda iyo hirgelinta qorshayaasha lagu horumarinayo adeeg-bixinta cusbitaallada.

Kulankani wuxuu qayb ka yahay dadaallada Xafiiska Caafimaadka DDS ugu jiro horumarinta tayada adeegyada caafimaadka, casriyeynta nidaamyada shaqo iyo xaqiijinta adeeg-bixin caafimaad oo ku dhisan xog sugan, tiknoolajiyad iyo hufnaan shaqo.

Xafiiska Caafimaadka DDS.
November 2.2026

28/10/2026

21/10/2026

ADEEG CAAFIMAAD OO SII HORMARAYA
Waxaan idinla wadaagi doonnaa haddu alle idmo warbixin Documentary ah oo ka warramaysa adeegyada caafimaad ee uu bixiyo Sheikh Ibrahim Abdalla Gode General Hospital, horumarka laga sameeyey, guulaha la gaadhay iyo dadaallada joogtada ah ee lagu horumarinayo tayada adeegyada caafimaadka.
hadafkeennu waa in bulshadeennu hesho adeeg caafimaad oo tayo leh, la heli karo, isla markaana daboolaya baahiyahooda.

10/10/2026

Waxaa gebogebo ku dhow Wajiga Koowaad ee Barnaamijka Cagaarinta iyo Qurxinta Wajahada H**e (Main Gate) Cusbitaalka Guud ee Sheikh Ibrahim Abdalla Godey.

Mashruucan wajigiisa kowaad waxaa qayb ka ah
🔹 Dhismaha iyo habaynta Marinka H**e (Main Gate)
🔹 Samaynta Parkinka Gaadiidka.
🔹 Nidaamka Iftiminta Habeenkii ee hareeraha iyo Gudaha Cusbitaalka.

Waxaa sidoo kale si rasmi ah u bilaabanaya Wajiga Labaad oo lagu cagaarin doono Wajahada dhismaha wayn Ee Shaybaadhka deeganka (Regional Lab) maal maha nagu soo aadan.

08/10/2026

Waxaa madasha kulamada ee Cusbitaalka Guud ee Sheekh Ibraahim Cabdalla ee magaalada Godey ka qabsoomay tababar ku saabsan shuruucda shaqada ee cusbitaalka.

Tababarkan waxaa loo qabtay xubnihii ku guulaystay imtixaankii xulashada xirfadlayaasha, waxaana soo agaasimay Waaxda Kobcinta iyo Cududda Shaqaalaha ee cusbitaalka(Hospital HRM Department).

05/10/2026

Waxaan la socod siinynaynaa xubnaha ku guulaystay imtixaam kala reebida fursada shaqo ee xirfadlayaasha cafimaadka ee dhawaan uu baahiyay cusbitaalka Guud Ee Sheikh ibrahim Abdalla Godey in maalinta talaadada oo ku beegan 26/1/2019 ay tagaan Waaxda Cududa shaqalaaha Cusbitaalka Godey.

04/10/2026

Waxaa maanta soo gaba gaboobay imtixaamkii kala reebida xubnihii usoo gudbay wareega labaad ee Practical session.

kasoo kadhacay Goobta tababarka Kuliyada Caafimaadka Godey Iyo shaybaadhka Cusbitaal godey gaar ahaan waaxda Pathology ga.

Nasiib wacan dhalin yaro

03/10/2026

Xubnaha ugudbay Imtixaamka Wareega labaad ee Practicalka waxaan idinku wargalinaynaa in bari 2:00 saac oo subaxnimo aad timadaan Cusbitaalka Guud Ee SH.I.A.Godey

Nasiib wacan.

03/10/2026

Waxaa saaka loo fadhiistay imtixaamkii kala reebida xubnihii utartamayay fursadii shaqo ee uu horaan baahiyay cusbitaalku guud ee sheikh ibraahim abdalla Godey.
Ee waaxaha Nursing iyo Medical laboratory.