01/09/2026
Guyyaa: 26/12/18
Kabajamoo:
- Waajjira Pirezidaantii Mootummaa Naannoo Oromiyaa
- Biiroo Barnootaa Oromiyaa
- Waajjira Bulchiinsa Magaalaa Maayaa
- Waajjira Barnootaa Bulchiinsa Magaalaa Maayaa
Dhimma: Mana Barnootaa Sadarkaa Lammaffaa Dhangaggoo Ijaaruu Ilaallata
Kabajamoo Qaamolee Dhimmi Ilaallatu,
Manni Barnootaa Sadarkaa 1ffaa Dhangaggoo waggaa waggaadhaan barattoota baay’ee gara sadarkaa lammaffaatti dabarsaa jira. Barattoonni kunneen baay’ina isaanii qofaan osoo hin taane, dandeettii fi fedhii barnootaa olaanaa qabaachuu isaanii ragaan qabatamaan ni mul’isa. Haa ta’u malee, manneen barnootaa sadarkaa lammaffaa naannoo kana jiran Dhangaggoo irraa fagoo waan ta’aniif, barattoonni rakkoo geejjibaa fi nageenyaa hedduuf saaxilamu. Fakkeenyaaf, bara 2020tti, hanqina geejjibaa irraa kan ka’e, barattoonni Dhangaggoo 80 ol konkolaataa tokkoon osoo imalaa jiranii balaa konkolaataa mudateen, hedduu isaanii miidhaan qaamaa fi sammuu irra ga’eera. Rakkoolee kana irraa kan ka’e, barattoonni hedduun barnoota isaanii addaan kutanii hafaa jiru.
Dhangaggoon hawaasa bal’aa barnootaaf fedhii guddaa qabuudha. Hawaasni Dhangaggoo yeroo dheeraaf mana barnootaa sadarkaa lammaffaa akka ijaaramuuf gaaffii dhiyeessaa tureera.Yeroo ammaa rakkoon kun furmaata argachuu dhabuun, caalaatti hammaachaa dhufeera. Kanaaf, rakkoo kanaaf furmaata waaraa argachuuf gama keessaniin iyyannoon keenya akka nuuf ilaalamu kabajaan gaafanna. Mana Barnootaa Sadarkaa Lammaffaa Dhangaggoo keessatti ijaaruun fedhii qofa osoo hin taane, mirga barachuu fi nageenya lubbuu barattota eeguuf dhimma ariifachiisaa fi murteessaa waan ta’eef, Mootummaan iyyannoo keenyaaf xiyyeeffannoo kennuun tarkaanfii hatattamaa akka fudhatu kabajaan gaafanna.
Naga wajjiin,
Hawaasaa dhangaggoo irraa
Via Dr.Jafer Mohammed
Link kanaan page isaanii follow godhaa.
https://www.facebook.com/61594128893138/posts/122095021005470963/?app=fbl