Dr.Jiregna, Nekemte, Nek'emte (2026)

24/06/2026

Hirqinfuu da’imman reefu dhalatan(hiccup in newborns)
************
Hirqinfuun yommuu maashan diafiraamii(maashaa garaa fi qoma/chest/ gidduutti argamu) fedhii sammuun ala kottoonfatu kan uumamudha,si’a kana sanduqni sagalee (vocal cord ) tasa cufachuun sagale ‘hiiqq’jedhu dhageessiisa.
Sababaa hirqinfuu da’imman refuu dhalatanii
Sababni hirqinfuu daa’mman refuu dhalatan jala muramee kana jedhamee yooma hin beekamu ta’eyyuu,kanneen akka sababaatti ka’aman isaan armaan gadiiti.
1. Sirni bula’insa nyaataa kichuu ta’uu
*da’imman ref dhalatan qaamotni sirna bul’insa nyaata kichuu waan ta’anif salphaatti amala dheekkamu(irritation) ni qabaatu,kun immoo nervii diafiramii sochoosu (phrenic nerv fi kan garaachaa(vagus nerv)akka inni si’uu gochuun diafiramiin akka kottonfatu godha,kun hirqinfuu uuma
*amma isaan barbaachisuu ol ykn daddafanii yoo sooratan(annan arma haadha),kun garaachi akka bokokee dhiibbaa diafiramii irraan ga’uun hiqinfuun akka uumamu godha.
*yommuu arma hodhan qilleensi gara garaachaa isaanii yoo seene .
2.waanti isaan sooratan (aannan arma haadha) gara qoonqootti achi ol yommu deebi’u acidii garaacha walin dhufuun diaphramin akka rifatu(irritate ) ta’u gochuun hrqinfuu uumu danda’a.
3.Jijjiirama ho’ina qaama isaanii(temrature change) fkn ho’aa irraa gara qorraatti
4.irra caalaan sababaa hirqinfu da’imman kichuu hin beekamu(idiopathic)
Yoo maal ta’e xiyyeeffannoo/hakiimma ilaalachisuu gafata?
-itti deddeebi’a ykn yeroo dheeraaf irra tura yoo t’e
-irriba ykn soorachuu isaanii irratti dhiibbaa fidaa jira yoo ta’e
-mallttoolee kanneen akka dhaqna ho’isaa,hargansuun isaanii dabaluu,gar malee bo’uu fi kk f waliin kan mul’atu yoo ta’eykn dhibee beekamaa yoo qabaatan.
Akkamitti hirqinfuu da’imman kichuu ittifna?
Hirqinfuu balleessuunillee hin danda’amu garuu,ittisuuf waantota kana gochuu dandeennya.
Akkata sorata (aannan arma haadha haa ta’u kan bira) itti kenninuf mala sirri ta’uu qaba(proper feeding techniques)
Yommu arma hoosifnu xiqqo qaamni isaani ol jechuu qaba(semi-upright position) qilleensi akka hin lqifamne ittisuuf
harma yommuu hoosifnee jennu qaaama isaani ol qabnnee turuun erga isaan deeffatanii raffisuu qabna
amma barbaachisuu ol akka sooratan gochuu hin qabnu,xixiqqeessinee dafnee dafne akka sooratan gochuutu filatama
daa’imni keessan hootu/xuuxxoo kan fayyadamu yoo ta’e suuta akka hodhu gochuu,huraa /qaawwa hootu sanaa dhiphisuu takkatti akka itti hin baayyaneef
erga hodhee daqiiqaa 20-30 daa’imni ol jedhee akka turu gochuu ,kun inni isaan hodhan akka ol hin deebune ykn akka hin bulgafanne gargaara
yommuu baatnuu jabeessinee qabuu dhiisuu(Gentle handling)
erga sooratanii battalumatti da’imman kichuu akka malee taphachiisuuf yaluu dhiisuu
dhaqni isaanii akka hin qorrine uffata seeran itti uffisuu
yommuu isaan hirqinfatan suuta jeennee dugda isaanii rurrukuttuu, kallattii cisicha isaani jijijjiruu kun akka diafiramin dirrirfatu taasiisuun hirqinfuu dhaabuu danda’a.
Galatooma
Dr Jiregna Gemechu

14/03/2026

Nyaata cooma(fat) daa'immaniif
***********
Daa'immanan umurii gad anaaa nyaata cooma annaan arma haadhaa keessaa argatu.Kanneen gurguddoo ta'an immoo soorata beeladootaa irraa argamu,muduraawwan zayitawwa,margarinii,loozii fi sooratawwan sanyiin isaanii nyaatamu irraa argatu

Daa'immanan umuriin isaanii waggaa 1-3 ta'an soorata isaan guyyaatti argatan keessaa 30-40% nyaata cooma(fat food) ta'uu qaba.Umuriin isaanii waggaa 4-18 soorata isaan guyyaatti argatan keessaa 25-35% soorata cooma(fat food) ta'uu qaba.
Amma barbaachisuu ol yoo fudhatame garuu dhiibbaan inni qabu,furdina gar malee,dhibee coomni ujummoo dhiigaa keessatti kuufamun rakkoo onnee,dhiibbaan dhiigaa fi kkf fiduu geessisuu danda'a.

Faayidaa isaa
✓Guddina qaamaa fi sammuu
✓dhibee garaa garaa irraa ittisuif

23/01/2026

Finnisa(Acne Vulgaris)
************************
Finnisni gogaa namaa fuula,qoma gara olii fi darbe darbee dugda irratti shiftoo xixiqqoo dhangala'aa malaa fakkaatu kuuffatee kan mul'atudha.
Sababotni Isaa
****************
✓Qaawwii xixiqqoo gogaa bakka itti finnisni argamuu rratti argamu yabbachuu(follicular hypertrophy)
✓Qaawwa xixiqqoo nannoo fuula,qomaa fi dugda itti argaman keessà kan maddu dhangala'aan 'Sebum' jedhamu baay'achuu
✓Infekshinii baakteriyaa 'Cutibacterium acne' jedhamuun dhufu
✓ kulkula baakteriyaa kanan dhufu
Sababotni kunnen keessumaa yabbachuun folikilii, umurii dargaggummaa itti seenu fi jijjiiramu hormonii qaama keessan wal qabata
©Dr Jiregna official # # # #
Finnisaaf kana nama saaxilu maal fa'i?
*****************************
✓umamuman namootni sanyiin isaani waan kanaaf kan saaxilaman ni jiru
✓Dibata fuula baayisanii amma ammaa dibachun qaawwa xixiqqoo sana duucha
✓Qorichoota akka 'steroids,testestiron,f k kf yeroo dheeraf fayyadamuu
✓Congenital adrenal hyperplasia
✓polycystic ovarian syndrome
✓jeequmsa sirna hormoonotaa
✓Haguuggii fuulatti yeroo hundaa godhachuu
©Dr Jiregna official # #

Yaala qorichaa mana yaalatii nuuf kennamuu alattii ofii keenyaa maal gochuu qabna?
*****************************************
1.Gogaa keenya kunuunsuu
√Finnisa dhoosuu/malaasuu dhiisuu
°Miidhaa isaa:-
-baakteriyan ulaa ittiin gadi fagaate seenu argata
-Godaannisa hin banne uumuun fuula keenya gurraachessa
√Fuula amma amma dhiqachuu dhiisuu, Yommuu dhiqannu immoo gar malee sukkuumu dhiisuu
2.Fuula haguuguu hir'isuu
3.Sorata sukkarri itti baay'atu fi bu'aa loonii ta'an hir'isuu
4.Qulqullinaa
✓Waanta nannoo fuula keenyatti haguuggannu ' headphones' dabalatee qulqul'ina isaa eeguu
✓Boraatii torbanitti al lama jijjiiirrachuu
✓Rifeensi mataa kan fuula qaqqabu Yoo ta'e,dibatni isaa fuula akka hin tuqne gochuu
5.Finnisa aduu itti karkarsuu dhiisuu
6.Yaala isaa osoo hin nuffiin yaalamuu
✓sababni isaa finnisni yaalamee fayyuuf ji'a 1-2 fudhata waan ta'eef
Galatooma
Dr Jiregna Gemechu

22/01/2026

Boo'icha garmalee Daa'imaa hir'isuunf
***********************************
Boo'icha garmalee Daa'imaa(infantile colic) jechuuf daa'imni umurin isaa ji'a 3 gad ta'e fayyaa qabeessa ta'e dhibee isa boossisu kan biroo kan hin qabne, sa'aa 3 olif guyyatti,torbanitti guyyaa sadii olif yoo ni boo'a ta'e boo'icha gar malee da'imman reefu dhalatanii (infantile Colic) jechuu dandeenya.

Akkamitti hir'isuu dandeenya?
1.yeroo ulfaa
✓haati nyaata madaalawwaa fi fayyaa qabeessa argachuu qabdi
✓Alcholii dhuguu fii timboo haarsuu dhiisuu
✓Waantoota dhiphinaan fi sodaa itti fidan irraa fagaachuu qabdi
✓walumaa galatti haati ulfaa tokko kunuunfamuu qabdi

2.haala soorataa daa'imaa

✓amma barbaachisuu ol Akka sooratan gochuu dhiisu(avoiding over feeding)
✓Amma barbaachisuu fi yeroo isaan barbaachisuu kennuufiin gaariidha
✓Daa'imni suuta akka sooratan gochuu,hanga xiqqaa dafee dafee akka argatu gochuu takkaatti itti baay'isuu dhiisuu,Hootu/xuuxxoo kan fayyadaman yoo ta'e huraa isaa dhiphisuun suuta akka darbuuf gochuu
✓Daa'imman yommuu sooratan ykn erga sooratanii qilleensi tarii sorata waliin liqifame ba'uu akka danda'utti deeffachiisuu qabna.
✓yommuu sooratan xiqqoo akka ol jedhan gochuu, guutummaatti osoo hin taane xiqqoo akka ol qabuu gochuu
✓Harmi haadha aannan armaa baay'ee kan qabuu fi humnaan kan darbatamu yoo ta'e osoo hin hoosisin xiqqooshe irra erga elminee hoosisuu

3.Daa'ima keenyatti Akka itti tolu gochuu
✓Bishaan xiqqoo ho'isnee qaama dhiquu
✓uffata lallafaa,itti ho'uu danda'u sirriitti itti uwwisuu
✓Haati yommuu da'ma ishee baattu ykn yommu raffiftu qaamni ishee(googan ishee) fi mucaa wal tuquu qaba,kun fayidaa baay'ee qaba
✓sagalee lallafaa,muuziqeessuun taphachiisuu,sagalee keenya gadi qabnee ishuruuruu...jechaaa akka isaanitti tolu gochuu
✓Yommuu isaan boo'an maalif akka boo'aan beekuun dafnee deebii laachuu
✓Yeroo dhaabbataa isaan itti rafan ,yeroo isaan itti sooratan (Aannan arma haadha ykn kan biraa) fi taphatan dhaabbataa gochuufin gaariidha
✓waanta isaan jeequ,kan akka ifa gar malee,iyya sagalee humna olii,fi k k f irraa fageessuu
✓haati daa'imaa,boqonnaa ga'aa fudhachuu,nyaata madaalawwaa argachuu,irribaa ga'aa rafuu qabdi

Boo'ichi garmalee da'iimaa kun daa'ima irratti miidhaa maalii qabaa?
•Daa'ima irratti miidha hagas mara hin qabu,garuu boo'icha dhaabuuf waantoota maatiin godhan daa'ima miidhu danda'a.
•haadha irratti muukuu da'umsa boodaa/Post partum depression fiduu danda'a
Gaaffii yoo qabaattan comment irratti barreessaa ykn keessan gaafachuun ni danda'ama

Galatooma!
Dr Jiregna Gemech

18/01/2026

'Dhibee Garaachaaf dammii bayeessaa ? gaaffii jedhuuf
***************************
Kulkula/madaa'uu garaachaa Dammi qofti fayyisuu hin danda'u,keessumaa dhibee garaachaa sana kan fide baakteriyaa garaachaa(H.pylori) dha Yoo ta'eef.
Garuu dhaabni/ededni keessoo garaachaa madaa'e akka fayyuu fi itti fufee akka hin madoofne ittisuuf yaalii dhibee garaachaaf godhamu bira/cinaa itti baay'ee fayyada.

Dhiibee garaachaaf Dammi akkamitti gargaaru danda'e?

1.Amala farra baakteriyaa waan qabuuf Guddina baakteriyaa(bacterial growth) ni ittisa
2.kemikaala 'anti oxidant' jedhaman waan of keessà qabuuf kulkula ni ittisa.
3.Keessoo garaachaa uwwisuun acidiin garaachaa garaachaa akka hin mine ittisa
4.Tishuun haara akka uumaman gochuun garachi madaa'e akka of suphu godha.

Damma akkamii fayyadamuu qabna?

✓Damma dheedhii(raw honey) kan waarshaa hin seeniin ' process' hin ta'iin fayyadamuu qabna.

Akkamitti fayyadamna?

✓Fallaana tokko garaachaa duwwaatti nyaata osoo hin nyaatiin sa'aa tokko dursine
Fayyadamuu.. Jiregna

hubachiisa!

✓Bishaan ho'aa damma fayyadamnutti buusu hin qabnu,sababni isaa inzayimii damma keessatti argaman fayyaa garaachaa kanaaf nu fayyadan miidha waan ta'eef.
✓daa'imman waggaa tokko gadiif damma keennuu hin qabnu,sababni isaa sodaa baakteriyaan 'summii bootilism' jedhamu omishu damma keessa jiraachuu mala jedhu waan jiruuf
✓laphee gubaa Yoo nutti fidee damma sana fayyadamuu dhaabuu qabna.Kunis Dammi sukkaara bay'inaan waan of keessà qabuuf omisha acidii garaachaa akka dabalu gochuu waan danda'uuf.

Galatooma
Dr Jiregna Gemechu

Address

Nekemte
Nek'emte
0000

Website

http://jireenyagmchu-71-muzu.site/

Alerts

Be the first to know and let us send you an email when Dr.Jiregna posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr.Jiregna:

Dr.Jiregna