Hin sanna þú

20/08/2026

12/04/2022

✨Alveg frá því ég var lítil hef ég haft áhyggjur af því að fólk muni gleyma mér. ✨

Ég hef reynt að stjórna milljón aðstæðum til að komast hjá því að finnast ég vera gleymd. Meira að segja núna, þegar ég er að ferðast, voru fyrstu dagarnir ólgusjór og tilfinningarússibani af gömlu krumpi innra með mér að það myndu allir bara gleyma mér af því að ég er ekki beint fyrir framan þau. Í menntaskóla aðlagaði mér að öllum hópum, ég hef eytt endalausum peningum í að vera samþykkt og meira að segja hrakið vini í burtu með þessum ótta.

Með þessari ranghugsun hef ég oftar en ekki gleymt sjálfri mér. Gleymt að hlusta á mig og hvað ég vil gera, hvað ég er að hugsa og hvert ég vil stefna. Ég dett í það að hlusta á aðra framyfir mig, virða þarfir þeirra í stað minna og missa tenginguna mína við mig.

- Mundu elsku gull að þú ert með öll svörin innra með þér. Þú ert þinn besti vinur og mesti gagnrýnandi. Það mikilvægasta sem þú getur gert er að muna eftir þér og hlúa að þér með öllu þvi frábæra og magnaða sem þú hefur! ❤️

✌️Og ef einhver gleymir mér, þá er það algjörlega þeirra missir. ✌️

29/01/2021

Eigið góða helgi elsku snillingar og munið að gera eitthvað dásamlegt fyrir ykkur sjálf.

Það er mikilvægt að slökkva á tölvupósti og síma, sinna áhugamálum, hreyfa sig á einhvern hátt, njóta náttúrunnar, leggja sig, heyra í fólkinu sinu og slaka á, þið eigið það öll skilið 💜

12/01/2021

Fyrir elsku þig sem þarft að heyra þetta:
Það er enginn sem ber ábyrgð á þinni hamingju nema þú. Þú hefur svörin, þú tekur ákvarðanirnar og þú velur það að vera hamingjusöm alveg eins og þú velur að vera fórnarlamb. Ef þú setur þá ábyrgð á einhvern annan aðila muntu alltaf verða fyrir vonbrigðum. ❤️

Á sama tíma berð þú ekki ábyrgð á hamingju annarra. Slepptu þeirri hugsun af því það er mjög þung byrgði sem enginn ræður við.

Eigðu stórkostlegan dag fullan að hamingju ✌️💜

08/01/2021

Klikkað föstudagskvöld!

Ertu búin að skrifa niður litlu og stóru sigrana þína á síðasta ári? Það er ekkert betra en að staldra við og virkilega hrósa sér fyrir að hafa komist í gegnum árið og þá skýrist vegurinn framundan líka.

Takk 2020, þú varst rosalegt!! ✌️💕

03/01/2021

Þú þarft ekki að vera með öll svörin.
Þú þarft ekki að hafa stjórn á öllu.
Slepptu tökunum á því að hafa allt fullkomið og andaðu.
Teldu upp það sem þú getur verið þakklát/ur fyrir akkúrat núna.
Það er nóg og þú ert nóg akkúrat núna.
Eigðu stórkostlegan dag! 🌄 @ Borgarfjörður Eystri

28/12/2020

Í dag settist ég niður og skrifaði hverjar fyrirmyndir mínar eru, hvaða einstaklingar veita mér innblástur í öllum mínum störfum og hvernig get ég lært af þeim. Ég fann út að það sem ég sá sameiginlegt í þessu dásamlega fólki var að þau standa með sjálfu sér, fylgja sínum reglum og gefast aldrei upp heldur finna sína leið og það veitir mér innblástur að gera það sama og tileinka mér það sem ég sé í þeim. Þetta er góð blanda af nánum vinum, fólki sem ég fylgist með og stjörnum út í heimi.

Hverjar eru þínar fyrirmyndir og af hverju veita þau þér innblástur? 💕

18/12/2020

Stoppaðu augnablik.
Hvað sérðu fallegt í kringum þig?
Lokaðu augunum.
Hlustaðu á allt sem er í kringum þig.
Hvernig líður þér núna?
Hvað geturðu verið þakklát fyrir?
Segðu það upphátt eða hugsaðu það með mikilli hlýju.
Andaðu djúpt niður í maga og slepptu síðan tökum. Dæstu þrisvar.

Eigðu dásamlegan dag með sjálfum þér og brostu eins mikið og þú getur. 🎄❤️