Bwrdd Iechyd Prifysgol Caerdydd a'r Fro

Bwrdd Iechyd Prifysgol Caerdydd a'r Fro Croeso i dudalen Facebook swyddogol ar gyfer BIPCAF. English: fb.com/cardiffandvaleuhb Rydym yn ei fonitro yn ystod oriau swyddfa yn unig (8.30yb – 4.30yp).

Croeso i dudalen Facebook swyddogol ar gyfer Bwrdd Iechyd Prifysgol Caerdydd a’r Fro. Os oes gennych ymholiad brys y tu allan i’r amser hwn, cysylltwch â ni trwy 023 20 747747.

11/08/2026

Mae pedwar Ffisiotherapydd a Therapydd Lleferydd ac Iaith o Dîm Adnoddau Cymunedol Caerdydd wedi cyfnewid eu ceir am feiciau trydan fel rhan o astudiaeth beilot, gan brofi a allai beicio fod yn ddewis arall ymarferol yn lle gyrru.

Wedi'i leoli ar hen safle Ysbyty’r Eglwys Newydd, prydlesodd y tîm bum beic trydan, gan ddefnyddio cyllid gan Dîm Iechyd y Cyhoedd Caerdydd a'r Fro.

“Dros ddau fis cyntaf y cynllun peilot, fel tîm o bump ohonom, rydym wedi beicio dros 300 milltir gyda’n gilydd. Ar gyfartaledd, mae ein teithiau at gleifion ychydig dros 2 filltir ac nid yw'r amser teithio cyfartalog wedi bod mor wahanol â gyrru. Ar feic, gallwn ddefnyddio llwybrau sy'n golygu nad ydym yn eistedd mewn tagfeydd traffig yn teimlo'n rhwystredig, ac nad ydym yn cael trafferth parcio ar y pen arall.”

“Dechreuodd fel prosiect cynaliadwyedd,” meddai Andrew, “ond mewn gwirionedd rydym wedi canfod bod llawer o fanteision eraill i feicio hefyd, o ran llesiant staff a hyrwyddo ffyrdd iach o fyw i gleifion.”

Ewch i'r wefan i ddarllen mwy.

Yn chwilio am apwyntiad deintyddol gyda’r GIG?Y Porth Mynediad Deintyddol yw'r ffordd o gyflwyno eich manylion ar gyfer ...
10/08/2026

Yn chwilio am apwyntiad deintyddol gyda’r GIG?

Y Porth Mynediad Deintyddol yw'r ffordd o gyflwyno eich manylion ar gyfer gofal deintyddol rheolaidd y GIG.

Mae lleoedd deintyddol y GIG yn cael eu dyrannu yn seiliedig ar argaeledd yn eich ardal leol. Unwaith y bydd lle ar gael, bydd practis deintyddol yn cysylltu â chi'n uniongyrchol i drefnu apwyntiad.

Yn unol â rheoliadau newydd, os nad ydych wedi cael archwiliad deintyddol gan y GIG ers mwy na thair blynedd, nid yw eich practis yn gallu eich gweld mwyach o dan drefniadau'r GIG. I gael mynediad at ofal deintyddol rheolaidd y GIG, dylech gyflwyno eich manylion drwy'r Porth Mynediad Deintyddol. Os oes angen cymorth arnoch i ddefnyddio'r Porth Mynediad Deintyddol, mae cymorth ychwanegol ar gael.

Gall aros am ganlyniadau arholiadau deimlo’n llethol. Os hoffech chi gael sgwrs am sut rydych chi’n teimlo, galwch heibi...
09/08/2026

Gall aros am ganlyniadau arholiadau deimlo’n llethol. Os hoffech chi gael sgwrs am sut rydych chi’n teimlo, galwch heibio i The Hangout.

Dyma Beth, Rheolwr Gwasanaeth yn The Hangout.

“Gall unrhyw berson ifanc alw heibio i'r Hangout pryd bynnag y bydd ein hangen, does dim angen atgyfeiriad. Rydym yn lle diogel a chroesawgar i unrhyw un rhwng 11 a 18 oed”.

Wedi'i ddatblygu mewn partneriaeth â'r elusen iechyd meddwl Platfform, mae The Hangout yn ganolfan lles gyda lleoliadau yng Nghaerdydd a'r Barri. Mae'n cynnig:
•Cymorth galw heibio
•Sesiynau wedi'u trefnu gyda'n tîm lles
•Grwpiau sy'n canolbwyntio ar les
•Gweithgareddau grŵp

Ewch i'r wefan i gael gwybod mwy.

Dyma Farbod, meddyg ymgynghorol sy’n gweithio yn yr Uned Achosion Brys yn Ysbyty Athrofaol Cymru. 🏥 Mae Farbod yn arbeni...
08/08/2026

Dyma Farbod, meddyg ymgynghorol sy’n gweithio yn yr Uned Achosion Brys yn Ysbyty Athrofaol Cymru. 🏥

Mae Farbod yn arbenigwr mewn meddygaeth frys a ni ddylid dewis mynd i’r uned yn lle eich Meddyg Teulu os nad yw eich cyflwr yn ddifrifol neu’n bygwth bywyd.

Os nad ydych chi’n siŵr a yw eich cyflwr yn argyfwng, ewch i wefan GIG 111 Cymru neu ffoniwch 111.

Trwy ffonio 111 yng Nghaerdydd a'r Fro, mae gennych fynediad at:
• Y Gwasanaeth Tu Allan i Oriau
• Cyngor gofal iechyd brys ac asesiad brysbennu
• Pwyswch 2 am gymorth iechyd meddwl brys

Ym mis Gorffennaf 2025, gosodwyd y Bwrdd Iechyd ar Lefel 4, neu ymyrraeth wedi’i thargedu, o fewn trefniadau uwchgyfeiri...
07/08/2026

Ym mis Gorffennaf 2025, gosodwyd y Bwrdd Iechyd ar Lefel 4, neu ymyrraeth wedi’i thargedu, o fewn trefniadau uwchgyfeirio ac ymyrraeth Llywodraeth Cymru. Fel rhan o'r broses hon, comisiynwyd Perfformiad a Gwella GIG Cymru i gynnal asesiad annibynnol i helpu i ddeall y ffactorau sy'n cyfrannu at sefyllfa bresennol y Bwrdd Iechyd a nodi'r newidiadau sydd eu hangen i gefnogi gwelliant ac isgyfeirio yn y dyfodol.

Fel rhan o'r asesiad, siaradodd cynghorwyr annibynnol â thua 200 o gydweithwyr o bob cwr o'r sefydliad i ddeall eu profiadau a'u safbwyntiau.

Archwiliodd yr adroddiad arweinyddiaeth, diwylliant, ymddygiadau a llywodraethu, gan nodi meysydd lle mae angen gwelliant sylweddol tra hefyd yn cydnabod cryfderau o fewn y sefydliad ac ymrwymiad ei weithlu.

Dywedodd Chris Bown, Prif Weithredwr Dros Dro Bwrdd Iechyd Prifysgol Caerdydd a'r Fro:

"Rydym yn cymryd canfyddiadau'r adroddiad o ddifrif ac yn cydnabod bod nifer o feysydd sydd angen eu gwella - rhaid mynd i'r afael â'r rhain ar frys."

"Er bod gwaith eisoes ar y gweill mewn nifer o'r meysydd a nodwyd, rydym yn cydnabod bod angen gwneud mwy. Mae'r adroddiad yn rhoi cipolwg gwerthfawr ar yr hyn y mae angen i ni ei wella a bydd yn helpu i lunio ein cynlluniau gwella parhaus, gan sicrhau eu bod yn parhau i ganolbwyntio ar gryfhau gwasanaethau a gwella profiadau a chanlyniadau i'r bobl rydyn ni'n eu gwasanaethu.

"Bob dydd, mae cydweithwyr yn gwneud gwahaniaeth drwy ddarparu gofal, cefnogaeth a sicrwydd yn ystod rhai o'r adegau pwysicaf a mwyaf heriol ym mywydau pobl. Mae'r ymroddiad hwnnw'n cael ei gydnabod yn yr adroddiad, ac mae'n darparu sylfaen gref i adeiladu'r gwelliannau sydd eu hangen ar gyfer y dyfodol arni.

"Rydym yn ymrwymedig i wrando, dysgu a chymryd camau gweithredu. Drwy gadw pobl wrth wraidd popeth a wnawn, gallwn wneud gwelliannau parhaol i'n cleifion, ein cymunedau a'n staff."

Darllenwch ymateb llawn y Bwrdd Iechyd yma: https://orlo.uk/mILSr

Mae gofal deintyddol rheolaidd yn hanfodol ar gyfer iechyd y geg plant a’u llesiant hirdymor. Gyda'r Porth Mynediad Dein...
06/08/2026

Mae gofal deintyddol rheolaidd yn hanfodol ar gyfer iechyd y geg plant a’u llesiant hirdymor.

Gyda'r Porth Mynediad Deintyddol, ein blaenoriaeth yw sicrhau bod gan bob plentyn fynediad at y gofal deintyddol sydd ei angen arno.

Mae dros 5000 o leoedd eisoes wedi'u dyrannu i blant yng Nghaerdydd a'r Fro, gan helpu i gefnogi iechyd deintyddol y genhedlaeth nesaf.

Caiff deintyddion y GIG eu dyrannu yn seiliedig ar argaeledd yn eich ardal leol. Gallwch gofrestru eich diddordeb ar-lein nawr ar ran eich plentyn, a byddwn yn eich cysylltu â deintydd cyn gynted ag y bydd lle addas ar gael.

06/08/2026

Nid yw llawer o heintiau a drosglwyddir yn rhywiol (STIs) yn achosi symptomau, felly mae’n hanfodol eich bod chi’n cael eich profi’n rheolaidd.

Archebwch becyn profi a phostio am ddim, gan Iechyd Cyhoeddus Cymru.

Caiff ei anfod yn syth i’ch drws mewn pecyn sydd ddim yn amlwg, ac fe’i hanfonir i’r labordy mewn amlen ragdaledig.

Os oes gennych chi amheuaeth, mae bob amser yn well bod yn ddiogel. Archebwch eich pecyn profi heddiw o www.shwales.online.

Os byddai’n well gennych weld rhywun wyneb yn wyneb, cysylltwch a’r Adran Iechyd Rhywiol (DOSH) i drefnu apwntiad gyda chlinigwr.

I gael rhagor o wybodaeth, cliciwch ar y ddolen yn ein bio i ewch i’r wefan.

Os byddwch chi'n rhedeg allan o'ch meddyginiaeth a bod eich meddygfa ar gau, efallai y byddwch chi'n gallu cael presgrip...
05/08/2026

Os byddwch chi'n rhedeg allan o'ch meddyginiaeth a bod eich meddygfa ar gau, efallai y byddwch chi'n gallu cael presgripsiwn mewn fferyllfa gymunedol o dan y Gwasanaeth Cyflenwadau Meddyginiaeth Brys. 💊

Os na allwch gael presgripsiwn heb oedi a bod angen eich meddyginiaeth arnoch ar frys, efallai y bydd fferyllydd cymunedol yn gallu rhoi eich meddyginiaethau presgripsiwn yn unig arferol i chi.

Mae'r gwasanaeth hwn ar gael mewn sefyllfaoedd brys. Byddem bob amser yn argymell eich bod yn cyflwyno cais am feddyginiaeth i'ch meddygfa 7 diwrnod ymlaen llaw er mwyn sicrhau eich bod yn cael y feddyginiaeth sydd ei hangen arnoch, pryd bynnag y bydd ei hangen arnoch.

Am ragor o wybodaeth ac i ddod o hyd i'ch Fferyllfa Gymunedol agosaf, ewch i'r wefan.

Mae'r Athro Stephen Jolles, Imiwnolegydd Clinigol Ymgynghorol yn Ysbyty Athrofaol Cymru ac Athro Anrhydeddus ym Mhrifysg...
04/08/2026

Mae'r Athro Stephen Jolles, Imiwnolegydd Clinigol Ymgynghorol yn Ysbyty Athrofaol Cymru ac Athro Anrhydeddus ym Mhrifysgol Caerdydd, wedi derbyn OBE yn Anrhydeddau Pen-blwydd y Brenin eleni, i gydnabod ei wasanaethau i Imiwnoleg a Chlefydau Prin.

Mae'r Athro Jolles, a gafodd ei gydnabod yn flaenorol fel Arwr Iechyd BIP Caerdydd a'r Fro ym mis Mawrth 2025, yn arwain Canolfan Diffyg Imiwnedd Cymru ac mae'n gyd-sylfaenydd y clinig SWAN arloesol. Mae'r clinig "Syndrom Heb Enw" yn cefnogi oedolion a phlant â chyflyrau genetig heb eu diagnosio sy'n aml yn dangos symptomau lluosog, cymhleth. Gyda'r nod o ddod o hyd i ddiagnosis unedig, mae'r clinig yn darparu gofal cyfannol a, lle bo ar gael, cynllun triniaeth wedi'i dargedu.

Wrth fyfyrio ar dderbyn ei OBE, dywedodd yr Athro Jolles:

“Nid i mi yn unig y mae’r wobr hon ond i’r Tîm Imiwnoleg gwych cyfan a’r cleifion niferus sydd wedi helpu gyda’n hymchwil. Yn aml, mae cleifion â diffyg imiwnedd a chlefyd prin yn treulio amser hir ac anodd iawn cyn iddynt gael diagnosis a'r driniaeth gywir. Rydym yn ymrwymedig i fyrhau'r daith honno.

“Mae’n anrhydedd mawr i mi gael y wobr hon a hoffwn ddiolch i’m holl gydweithwyr yng Nghymru ac o gwmpas y byd sydd wedi helpu a chefnogi ein cleifion. Mae’r clefydau hyn, efallai’n fwy nag unrhyw rai eraill, yn gofyn am gydweithio – cydweithio byd-eang yn aml – ar gyfer y diagnosis a’r driniaeth orau posibl.”

Mae'r Uned Mân Anafiadau’r Barri yw’r opsiwn gorau i chi.Mae'r Uned Mân Anafiadau yn Ysbyty'r Barri yn wasanaeth apwynti...
04/08/2026

Mae'r Uned Mân Anafiadau’r Barri yw’r opsiwn gorau i chi.

Mae'r Uned Mân Anafiadau yn Ysbyty'r Barri yn wasanaeth apwyntiad yn unig sydd wedi'i gynllunio i drin amrywiaeth o fân anafiadau neu salwch.

Gall y rhain gynnwys:
• Anafiadau i'r coesau a’r breichiau (esgyrn sydd wedi torri)
• Clwyfau, crafiadau a mân losgiadau
• Anafiadau i'r pen neu'r wyneb ar yr amod nad yw’r claf wedi colli ymwybyddiaeth

Mae'r Uned Mân Anafiadau ar agor o ddydd Llun i ddydd Gwener 9.00am - 4pm, gan gynnwys gwyliau banc. Ffoniwch 111 i drefnu apwyntiad.

Gallwch gael eich trin gan y person iawn, yn y lle iawn, y tro cyntaf. 📞

Address

Ty Coetir, Ffordd Meas-y-Coed
Cardiff
CF144HH

Telephone

+442920747747

Website

Alerts

Be the first to know and let us send you an email when Bwrdd Iechyd Prifysgol Caerdydd a'r Fro posts news and promotions. Your email address will not be used for any other purpose, and you can unsubscribe at any time.

Shortcuts

Share

Category