Gevorg Gharibian CPsychol

17/06/2026

⚠️ ՀԱՅՏԱՐԱՐՈՒԹՅՈՒՆ
Հարգելի՛ քաղաքացիներ,
Տեղեկացնում եմ, որ անհայտ անձ(ինք) WhatsApp հարթակում ստեղծել են կեղծ օգտահաշիվ՝ օգտագործելով իմ անունը և տարբեր բովանդակությամբ հաղորդագրություններ են ուղարկում քաղաքացիներին և այլ անձանց։
Հայտնում ենք, որ նշված օգտահաշիվը որևէ առնչություն չունի վարչության պետի կամ Երևանի քաղաքապետարանի աշխատակազմի հետ։
Խնդրում ենք՝
• չտրամադրել անձնական տվյալներ,
• չկատարել դրամական փոխանցումներ,
• չբացել կասկածելի հղումներ,
• կասկածելի հաղորդագրություններ ստանալու դեպքում անմիջապես արգելափակել տվյալ համարը և տեղեկացնել իրավապահ մարմիններին։
Տեղի ունեցածի վերաբերյալ արդեն իսկ ձեռնարկվում են համապատասխան միջոցառումներ։
Խնդրում ենք լինել զգոն և տեղեկությունը տարածել հնարավորինս լայն շրջանակում։

11/06/2026

Երեխաների պաշտպանության միջազգային օրվա առիթով և դրա շրջանակում իրականացվող միջոցառումների ամսվա ընթացքում Երևանի քաղաքապետարանի աշխատակազմի երեխաների և սոցիալական պաշտպանության վարչության կողմից, տարբեր կազմակերպությունների հետ համագործակցությամբ, նախատեսվել և իրականացվում են ճանաչողական, կրթական և ժամանցային մի շարք նախաձեռնություններ երեխաների համար։

Հատուկ կարևորություն է տրվում ծրագրերում կյանքի դժվարին իրավիճակում հայտնված երեխաների ակտիվ ընդգրկմանը՝ նրանց համար հավասար հնարավորությունների ապահովման և համայնքային կյանքում լիարժեք մասնակցության խթանման նպատակով։

05/06/2026

Երևանը պետք է լինի բազմազան, ներառական և անվտանգ միջավայր՝ յուրաքանչյուր քաղաքացու համար: 🫶

Բազմազանության ամսվա շրջանակում
Առաջին ալիքի եթերում խոսել եմ այն կարևորագույն նախաձեռնությունների մասին, որոնք իրականացնում ենք Երևանի քաղաքապետարանում երևանցիների կյանքի որակը բարելավելու և հասարակության մեջ ներառականության մշակույթն ամրապնդելու ուղղությամբ:

Nyd de videoer og den musik, du holder af, upload originalt indhold, og del det hele med venner, familie og verden på YouTube.

01/06/2026

Երեխաների պաշտպանության միջազգային օրվա առթիվ Երևանի քաղաքապետարանում անցկացվեց «Դպրոցական ավագանու» նիստ: Նիստին մասնակցել է 9-րդ դասարանի 64 աշակերտ, որոնք մեկ օրով ստանձնել էին Երևան քաղաքի ավագանու անդամների դերը։

Նիստը վարել է Երևանի քաղաքապետի առաջին տեղակալ, Երևանի քաղաքապետի պարտականությունները կատարող Արմեն Փամբուխչյանը: Նախապես ներկայացված 78 զեկույցից Երևանի քաղաքապետարանի աշխատակազմի երեխաների և սոցիալական պաշտպանության, հանրակրթության վարչությունների, ինչպես նաև Երևան քաղաքի ավագանու խմբակցությունների ներկայացուցիչների կողմից ընտրվել էին լավագույն հինգը։

Ավագանու հաստատմանը ներկայացված բոլոր զեկույցները, որոնք վերաբերում էին թմրամիջոցների օգտագործման և տարածման կանխարգելմանը, երեխաների ձայնը լսելի դարձնելուն, աղբահանության, թափառող շների, ինչպես նաև շենքերի աղտոտվածության խնդիրներին, արժանացան հավանության և հաստատվեցին։

01/06/2026

Այսօր Երեխաների պաշտպանության միջազգային օրն է: 🫶

Սա ևս մեկ կարևոր առիթ է հիշեցնելու, որ յուրաքանչյուր երեխա ունի պաշտպանված, անվտանգ, երջանիկ ու արժանապատիվ մանկություն ունենալու իրավունք, ինչպես նաև հնարավորություն՝ լսված լինելու և հասարակական կյանքին մասնակցելու։

Այսօր ինձ համար առանձնահատուկ օր էր, քանի որ հանդիպեցի մեր քաղաքի ապագայով մտահոգ և հանուն դրական փոփոխությունների իրենց ձայնը բարձրացնելու պատրաստակամ երեխաների հետ։

📍Այսօր նաև այցելեցի մեր գործընկերներին՝ ևս մեկ անգամ փաստելով, որ կատարված ոչ մի աշխատանք ու ներդրված ջանք աննկատ չի մնում։ Մեր համատեղ քայլերն ու նվիրումն են այն հիմքը, որով կառուցում ենք ավելի լավ ապագա մեր երեխաների համար 🤍

29/05/2026

Երևանի քաղաքապետարանի աջակցությամբ «Հոգեկան առողջության իրազեկման նախաձեռնություն» ՀԿ-ն և «Հայաստանի խուլերի միավորում» -ը համատեղ մեկնարկել են «Հուզական աջակցության թեժ գիծ» ծառայությունը, որը ժեստերի լեզվով և բացառապես անվճար հասանելի կլինի լսողության խնդիր ունեցող այն շահառուների համար, ովքեր կունենան հուզական աջակցության կարիք:

Mental Health Awareness Initiative

26/05/2026

Սիրելի՛ փոքրիկ երևանցիներ,

Ինչպես տեղեկացրել էինք, Երևանի քաղաքապետարանը, կարևորելով երեխաների մասնակցությունն ու ձայնի լսելիությունը քաղաքային կյանքի զարգացման և որոշումների կայացման գործընթացում, այս տարի ևս կազմակերպում է երեխաների մասնակցությամբ դպրոցական ավագանու նիստը։

Ուրախությամբ տեղեկացնում ենք, որ սահմանված ժամկետում արդեն հավաքագրվել և գնահատվել են Երևանում առկա խնդիրների, մարտահրավերների և դրանց լուծումների վերաբերյալ ձեր գաղափարներն ու առաջարկությունները ներկայացնող զեկույցները։

Շնորհակալ ենք ձեր ակտիվության, պատասխանատու վերաբերմունքի և ստեղծարար մտածողության համար։ Ձեր առաջարկներն ու տեսլականը կարևոր դեր ունեն ավելի հարմարավետ, ներառական և ժամանակակից քաղաք ձևավորելու գործում։

Կհանդիպենք հունիսի 1-ին՝ երեխաների պաշտպանության միջազգային օրը, Երևանի քաղաքապետարանում՝ միասին քննարկելու ձեր գաղափարներն ու նախաձեռնությունները ✨

19/05/2026

Մայիսը համարվում է #հոգեկանառողջությանիրազեկմանամիս, որի շրջանակներում մենք իրականացրեցինք մի շարք կարևոր միջոցառումներ:

Ես շատ հպարտ եմ, որ իմ թիմի և գործընկերների համատեղ ջանքերով կարողացանք կյանքի կոչել շուրջ 4 նախաձեռնություն` ուղղված հոգեկան առողջության իրազեկմանն ու ոլորտային զարգացման խթանմանը:

15/05/2026

Ես խորապես շնորհակալ եմ բոլոր նրանց, ովքեր ներգրավված են հոգեկան առողջության հետ կապված խարանի վերացման գործընթացում:

Չկա առողջություն առանց հոգեկան առողջության 💙

09/05/2026

Մայիսը հոգեկան առողջության իրազեկման ամիս է և այս առիթով Երևանի քաղաքապետարանն անցկացրել է թեմատիկ միջոցառում: Ողջույնի խոսքով հանդես է եկել Երևանի քաղաքապետի տեղակալ Սարգիս Մադաթյանը:

«Հոգեկան առողջության խթանումը որպես միջգերատեսչական գերակայություն» թեմայով պանելային քննարկմանը մասնակցել են ԱԺ պատգամավոր Ռուստամ Բաքոյանը, ԱՍՀ նախարարի տեղակալ Տաթևիկ Ստեփանյանը, Առողջապահության նախարարի տեղակալ Արմեն Գասպարյանը, Բրիտանական հոգեթերապիայի ասոցիացիայի բաժնի ղեկավար Անժելա Շենգհի Միաոն և Երևանի քաղաքապետարանի աշխատակազմի երեխաների և սոցիալական պաշտպանության վարչության պետ Գևորգ Ղարիբյանը:

Բանախոսներն իրենց ելույթներում անդրադարձել են ոլորտի մարտահրավերներին ու դրանց հաղթահարման հնարավորություններին ու կարևորությանը: Տեսաուղերձով հանդես է եկել նաև Բրիտանական հոգեբանական համայնք, միջազգային հարաբերությունների տնօրեն Ամանդա Քլինթոնը: