從PhD到NPQ：倫敦老師手記

從PhD到NPQ：倫敦老師手記 英國主流中學SEND及電腦數學老師，移英前曾任職大學特殊學習需要研究主任及四大審計諮詢經理。

PhD in Psychology | SEND, Computing and Maths Teacher | ex-CISA/CISSP

18/08/2026

等緊火車，有班火車delay，我後面有個人好勞氣咁同朋友猛loop delay delay delay delay WTF...

我開頭仲以為佢講緊廣東話粗口...

#英國生活

大家睇A-Level放榜，好多焦點都落喺邊個地區、邊類學校表現較好，所以我就唔寫嘞。另一樣我關注係Gender Gap（性別差距）變化，一來我之前教電腦男女比例本身係重災區，二來依家教女校，所以對男女學習分別都係我比較有興趣睇既。根據The...
15/08/2026

大家睇A-Level放榜，好多焦點都落喺邊個地區、邊類學校表現較好，所以我就唔寫嘞。另一樣我關注係Gender Gap（性別差距）變化，一來我之前教電腦男女比例本身係重災區，二來依家教女校，所以對男女學習分別都係我比較有興趣睇既。

根據The Guardian，考A*同A嘅比例上，男生近年逐漸反超前女，而且差距喺今年拉開到整整一個百分點。（新聞連結在留言）

數據顯示今年Maths同Further Maths等數理科目整體表現提升，直接拉高咗男學生拎取A/A*嘅比例。加上男學生本身喺數理同經濟科既報考基數較大，科目表現自然直接反映喺整體比例上。

另一個有趣（但一啲都唔出奇既）既現象，係睇返過去十幾年嘅統計，傳統筆試（Summative Examination）同疫情期間嘅「教師評估」（TAGs/CAGs）有相反既結果：喺2020–21年用教師評估嗰陣，女生嘅A/A*比例一度爆升仲領先男生；但當公開試回歸，男生嘅表現就好過女生。

我估呢個現象背後可能反映咗唔同評估工具同非認知特質（Non-cognitive traits）嘅互相影響。例如喺評估模式同持續性方面，教師評估係依賴平時作業同課堂表現，女生喺自律性、持續性作業管理同組織能力上通常都比男生穩定；而傳統筆試係一試定生死，男生短期衝刺或者會有更高嘅承受同爆發力。另外，喺心理壓力同自信心，男生喺面對標準化筆試時可能普遍擁有較高嘅自信，而女生因為通常有更高既考試焦慮，喺咁高壓既筆試表現好多時都有影響。敝校就有好多女生明明好叻但考試會panic attack要去厠所嘔或者要去冷靜，我哋有人手提供好多支援但我估唔夠資源既女生就會因為咁無咗啲考試時間。

不過，另一樣值得留意既係，雖然男生同女生喺A*同A嘅「百分比」差距擴大。但因為考A-Level嘅女生人數多啲，實際上攞到A*同A既女仔『絕對人數』依然係高啲。

所以，如果淨係睇人頭，攞A*同A嘅女生人數依然多過男仔。

所以，每次見到Gender Gap討論，都提醒老師要諗下評估制度嘅本質。數據可以幫我哋睇見趨勢，但教育嘅核心，始終係點樣透過多元嘅評估方式，讓每一個學生都可以喺適合佢哋嘅賽道上發揮所長。

#英國生活
#英國老師
#英國中學

我重溫緊X files Mulder Scully逃走中，個電話忽然響警報，勁大聲，嚇死我。大家係咪都收到？ #英國生活
14/08/2026

我重溫緊X files Mulder Scully逃走中，個電話忽然響警報，勁大聲，嚇死我。大家係咪都收到？

#英國生活

Facebook feed 既廣告，我以為係口水肩....仲諗點解搵大人model... 有冇人真係會咁著出街😅 #英國生活
13/08/2026

Facebook feed 既廣告，我以為係口水肩....仲諗點解搵大人model... 有冇人真係會咁著出街😅

#英國生活

06/08/2026

我兩個月前喺醫院做咗個檢查，一個星期後佢哋email我話個檢查結果正常，想用另外一個儀器再做深入少少既檢查，不過要等兩個月後，於是我上星期五再去補做。

今日睇醫生，醫生話：「你個檢查結果正常，我要幫你約時間用另外一個儀器再做。」

我：「我好似上星期五做咗嘞喎？」

醫生㩒電腦：「係喎……但係未有報告，唔好意思，咁我要再同你約個時間睇報告……」

我仲以為佢哋咁efficient唔駛一個星期就有報告……

結果今日山長水遠走去醫院得個吉。不過個醫生都好好人，同我好詳細咁解嗰個深入既檢查可能既結果同會點處理。

其實我so far對NHS即印象都好好，除咗好多時都要等好耐。所以都唔係投訴，只係有少少無奈。

#英國生活

上個post好多人suggest考個B1，話好易。其實我知考B1無難度，完全唔駛準備。唔想考既原因純粹係錢，我都好想好似大家咁豁達直接攞£160去考個B1，但係£160仲多過我一個月既買餸錢啊……同差唔多夠我買之前提過既X file Leg...
04/08/2026

上個post好多人suggest考個B1，話好易。其實我知考B1無難度，完全唔駛準備。唔想考既原因純粹係錢，我都好想好似大家咁豁達直接攞£160去考個B1，但係£160仲多過我一個月既買餸錢啊……同差唔多夠我買之前提過既X file Lego（係，我仲糾結緊買唔買……）

#英國生活

Home Office既平行時空：ILR 所謂嘅「簡化途徑」只係令成件事更混亂其實之前胡先生差啲入唔到境，大家都知Home Office有幾亂。從零開始。英國法律界新丁，佢用英國大學嘅 GDL 申請永居，明明官方內部指引寫明可以豁免英文試，...
04/08/2026

Home Office既平行時空：ILR 所謂嘅「簡化途徑」只係令成件事更混亂

其實之前胡先生差啲入唔到境，大家都知Home Office有幾亂。

從零開始。英國法律界新丁，佢用英國大學嘅 GDL 申請永居，明明官方內部指引寫明可以豁免英文試，但竟然收到 Caseworker 電話話「唔得」，理由係「條文只寫 Degree，Diploma 唔算」，於是佢去考B1。我上網搵到兩份官方文件，再一次明Home Office有幾混亂。

睇返Immigration Rules Appendix English Language EL 5.2（圖 2），字面上寫住學術資歷必須係Degree or degree-level qualification。Caseworker如果只係按本子辦事，隻眼一見到 "Diploma" 兩個字，就會直接判定你唔合格。條例寫明 BNO 簽證係跟呢個框架（圖 1 同圖 4），但最離譜嘅係喺唔簡化嘅《Knowledge of language and life in the UK》指引入面，黑字白紙寫明英國大學頒發嘅 Postgraduate Diploma 符合永居所需嘅英文水平。

於是，呢個所謂嘅 Simplified Route，似乎直接KO咗我喺英國讀得超辛苦嘅 PGDE…… 但跟UK Framework for Higher Education Qualifications (FHEQ)，其實PGDE算係 degree-level qualification，跟EL 5.2C應該係夠既。

我依家都諗緊，到底應該先發制人去考個B1，定係賭大細等佢打嚟先算？反正我又唔係趕住要ILR……

如果你係我，你會選擇用錢同時間買個安心，定用PGDE睇下遇到咩 Caseworker？

我已經Email MP叫佢問Home Office...睇下佢會唔會覆。

#英國生活

X-Files兼LEGO迷，見到LEGO X-Files Set真係好難唔心動。呢Set除咗重現Mulder個辦公室，仲有The Truth is Out There嘅 Tile 同I Want to Believe海報，同8隻Minifi...
01/08/2026

X-Files兼LEGO迷，見到LEGO X-Files Set真係好難唔心動。

呢Set除咗重現Mulder個辦公室，仲有The Truth is Out There嘅 Tile 同I Want to Believe海報，同8隻Minifigures！10/8前落單仲會送埋限時嘅Scully’s Lab贈品，即係迫人呢幾日要決定。

£179.99真係幾貴，我糾結緊到底入唔入手好……

不過因為要現金買樓，啲投資焗住喺個巿大跌時放，都無咗幾十萬港紙，有少少想豪呢£179.99等自己開心下。

（呢篇當然唔係Sponsored Post啦，有好嘢同大家分享同拉人落坑啫。）

30/07/2026

趁放暑假有些少時間，想問下大家，有冇咩想我寫？大家可以直接Comment低你想睇嘅主題，但請唔好PM我，因為好容易睇漏。如果見到其他人嘅comment有興趣，可以like嗰個comment。

另外我知自己之前講過會寫某啲嘢，但我整理草稿嘅能力極差，個 Drafts入面有堆「胎死腹中」嘅稿。如果你記得我講過會寫但最後冇咗影，非常歡迎催下我啲舊債！

最後Disclaimer，唔保證全部都有能力／時間寫或者答，主要都係睇靈感隨緣寫……

#你問我答

今日同兩個小朋友去咗Somerset House睇《M.C. Escher. The Exhibition》，真心推薦！無論大人定細路都睇得好開心，仲學到嘢。就算你未聽過M.C. Escher（埃舍爾），你都一定見過佢嘅作品。佢係荷蘭出名嘅...
28/07/2026

今日同兩個小朋友去咗Somerset House睇《M.C. Escher. The Exhibition》，真心推薦！無論大人定細路都睇得好開心，仲學到嘢。

就算你未聽過M.C. Escher（埃舍爾），你都一定見過佢嘅作品。佢係荷蘭出名嘅版畫藝術家，最勁就係將數學、幾何與視覺錯覺完美結合，包括Impossible Constructions：最經典嘅作品《Relativity》，入面啲樓梯上下左右顛倒，人可以同時喺唔同重力方向行路；仲有《Ascending and Descending》，個樓梯循環不息，永遠行唔完。

仲有Optical Illusions 同Paradoxes，包括畫一隻手畫另一隻手《Drawing Hands》、水往高流嘅瀑布《Waterfall》等，每一幅都會令人停低睇好耐。

另外我哋細個讀數學學密舖平面都可能會見過佢啲Tessellations作品，夾理Metamorphosis——即係將圖案無縫銜接（例如雀仔漸變成魚）。

展覽除咗有勁多原稿，仲有好多Interactive Displays。小朋友可以親身體驗入咗呢啲optical illusions係點，將抽象嘅數學幾何概念變成視覺遊戲，好啱小朋友去放電。

除了頭暈既視覺遊戲，展覽入面仲有一段關於Escher同佢老師Samuel Jessurun de Mesquita既故事。Escher本來係學建築，De Mesquita發掘咗佢既版畫天分，鼓勵他轉投木刻圖案創作，仲幫佢游說佢父母。因為De Mesquita有猶太血統，二戰時期俾納粹送咗去Auschwitz遇害。Escher趕到恩師被搜掠一空既畫室，冒險救出De Mesquita啲原稿同版畫，然後一直都保存同宣傳老師既作品。今次展覽都有展出De Mesquita嘅作品。

展期去到9月6日，如果暑假喺London諗唔到做乜，真係可以考慮下。留言有買飛連結。

#英國生活

Address

London

Website

Alerts

Be the first to know and let us send you an email when 從PhD到NPQ：倫敦老師手記 posts news and promotions. Your email address will not be used for any other purpose, and you can unsubscribe at any time.

Shortcuts

Featured

Share