23/08/2026
მე ვიცი, რას ნიშნავს საკუთარი თავის შეყვარება
შესანიშნავი ტექსტი, რომელიც გულს ეხმიანება... გირჩევთ წასაკითხად.
"მე ვიცი, რას ნიშნავს საკუთარი თავის შეყვარება. ეს ნიშნავს, რომ დილით გაიღვიძო და აღარ იფიქრო იმაზე, რომ ამქვეყნად ვიღაც შენზე წარმატებული, ლამაზი, ჭკვიანი, ბრძენი ან უკეთესია.
ეს ნიშნავს, რომ სარკეში იყურებოდე და საკუთარ ანარეკლს არ შორდებოდე. ენდობოდე ამ ანარეკლს. არ აქვს მნიშვნელობა მაკიჟით ხარ თუ უმაკიჟოდ, არანაირი მნიშვნელობა არ აქვს ჩემს განწყობასაც კი...
მე უბრალოდ ვენდობი იმას, რაც გულში ანათებს და გიზგიზებს.
მე ვიცი, რას ნიშნავს საკუთარი თავის შეყვარება. აღარ ელოდო რაიმე ღონისძიებას, შეხვედრას, მოვლენას, დაბადების დღეს, გამოსაშვებ საღამოს, დასვენების დღეებს... აღარ ელოდო სიყვარულსა და ყურადღებას სხვებისგან!
საკუთარ თავს უფლება მისცე, რომ ბედნიერი იყო დღეს, ახლავე. პირდაპირ უყურო თვალებში გამვლელებს და ჭუჭყიან ასფალტს მზერა არ აარიდო... იცოდე, რომ ირგვლივ სამყარო ისეთივე მშვენიერია, როგორიც ყოველთვის იყო.
მე ვიცი, რას ნიშნავს საკუთარი თავის შეყვარება. გიხაროდეს ახლობლების, შორეულების, წასულების, თუნდაც შენთვის მივიწყებული ადამიანების თითოეული წარმატება. გიხაროდეს ის, რომ ისინი ცხოვრობენ, ქმნიან, სუნთქავენ, აღწევენ მიზნებს.
იმიტომ, რომ მათი წარმატება სულაც არ ამცირებს ამ ცეცხლს ჩემში. მე არ ვპატარავდები, არ ვხდგები ნაკლებად მშვენიერი. არ ვხდები ნაკლებად საყვარელი და დაცული. იმიტომ, რომ იმდენად ღრმა ვარ, ძალაც შემწევს მათი წარმატებაც დავიტიო ჩემში.
შემიძლია ვიყო მათი სიხარულის ნაწილი. თითოეული უჯრედით მესმოდეს, რომ მათი წარმატება მთელი სამყაროს წარმატება და სიხარულია, რაც იმას ნიშნავს, რომ, ისევე როგორც მთელი ეს სამყარო, მათი წარმატებაც ჩემი ნაწილია.
მე ვიცი, რას ნიშნავს საკუთარი თავის შეყვარება. აღარ დაიჩივლო ცხოვრებისეულ სიძნელეებზე. შეიყვარო თუნდაც ეს სიძნელეები. ღიმილითა და იუმორის გრძნობით შეხვდე თითოეულ დაბრკოლებას და გესმოდეს, რომ ამ ყველაფრის უკან მზარდი ძალა და მოთმინება დგას.
გიჟდებოდე ქვეყანაზე, ქალაქზე, ქუჩაზე, რომელშიც ცხოვრობ. გაგიჟებდეს ხედი ფანჯრიდან, გაგიჟებდნენ გამვლელები. თუნდაც ასეთები — დათრგუნულები. რადგან ისინი, ზუსტად ისე, როგორც მე, ოდესმე აუცილებლად გაიგებენ, რას ნიშნავს — გიყვარდეს საკუთარი თავი".
გინტარე იოტეიკაიტე
GT Evolution Center
