ბათუმის დამოუკიდებელი ცხოვრების ცენტრი • Batumi Independent Living Center

27/08/2026

🎬 24 აგვისტოს ,,ბათუმის დამოუკიდებელი ცხოვრების ცენტრისა'' და ,,შშმ ქალთა ალიანსი /Alliance of women with disabilities"-ის თანამშრომლობით, გაიმართა მოკლემეტრაჟიანი უკრაინული ფილმების კინოჩვენება.

⬇️⬇️⬇️

24/07/2026

✨ საინტერესო ვაკანსია დაინტერესებული პირებისთვის, რომელთაც შეუძლიათ შეუერთდნენ ორგანიზაცია „ციცინათელების ქვეყანა“-ს გუნდს!

💼 ვაკანსიის დასახელება: რეგიონული შინ ზრუნვის მომვლელი/მზრუნველი (ნახევარი განაკვეთი)

📍 ადგილმდებარეობა: ბათუმი, ქუთაისი, ზუგდიდი, ოზურგეთი, თელავი, ლაგოდეხი (1 ვაკანსია თითოეულ ქალაქში)

🏢 დამსაქმებელი ორგანიზაცია: „ციცინათელების ქვეყანა“ / ბავშვთა ჰოსპისი

თუ გსურს ჩაერთო ბავშვთა შინ ზრუნვის პროგრამაში და გახდე რეგიონული მხარდამჭერი გუნდის წევრი — ეს ვაკანსია შენთვისაა!

📌 რას გთავაზობთ:

• ანაზღაურება: 1000 ლარი (ხელზე ასაღები)
• ჯანმრთელობის დაზღვევა
• ტრანსპორტირების მხარდაჭერა და კომუნიკაციის ხარჯების ანაზღაურება
• საწყისი მოსამზადებელი და უწყვეტი ტრენინგები/ზედამხედველობა

🔗 დეტალური ინფორმაცია იხილეთ ბმულზე: https://canva.link/ev3l16uvwrg5new

📩 დაინტერესებულმა პირებმა გამოაგზავნეთ CV (და გავლილი ტრენინგების სერტიფიკატები, ასეთის არსებობის შემთხვევაში) შემდეგ ელ. ფოსტაზე:

[email protected]

📅 განაცხადების მიღების ვადა: 15 აგვისტო, 2026 წელი

ბავშვთა ჰოსპისი ციცინათელების ქვეყანა/Firefly World
MAC Georgia

20/07/2026

📣 19 ივლისს „ბათუმის დამოუკიდებელი ცხოვრების ცენტრმა“ ზუგდიდელ შშმ პირთა მშობლებს უმასპინძლა.

💬 შეხვედრაზე ცენტრის თანამშრომლებმა სტუმრებს გააცნეს ცენტრის სხვადასხვა სერვისები (ინფორმირება და მხარდაჭერილი რეფერალი; ურთიერთდახმარება და საჭიროებების კვლევა; ადვოკატირება და უფლებების დაცვა; ცნობიერების ამაღლება) და მიღწევები (,,მშობელთა კლუბი’’ და ,,ბათუმის ინკლუზიური თეატრალური დასი’’).

➡️ სტუმრების განსაკუთრებული ინტერესი გამოიწვია „მშობელთა კლუბისა“ და ,,ბათუმის ინკლუზიური თეატრალური დასის’’ მიერ განხორციელებულმა აქტივობებმა, რომლებიც მოიცავდა ცნობიერების ამაღლების კამპანიებს, ფსიქოლოგიური მხარდაჭერის შეხვედრებს, ინკლუზიური სპექტაკლების დადგმას შშმ პირთა და მშობელთა მონაწილეობით, სხვადასხვა თემატიკაზე პოდკასტებისა და ვიდეოკლიპების მომზადებას.

💡 აღსანიშნავია, რომ შეხვედრაზე მოხდა ზუგდიდელი მშობლების მიერ მათი ღირებული და მნიშვნელოვანი გამოცდილების გაზიარება, რაც ნაყოფიერ ნიადაგს ქმნის სამომავლო თანამშრომლობისთვის.

🙏 ორგანიზაციის გუნდი დიდ მადლობას უხდის სტუმრებსა და ადგილობრივ მშობლებს შეხვედრაში აქტიური მონაწილეობისთვის. ვიმედოვნებთ, რომ ეს პარტნიორობა სამომავლოდაც აქტიურად გაგრძელდება!

18/07/2026

📣 ,,ბათუმის დამოუკიდებელი ცხოვრების ცენტრი'', ,,აჭარის ახალგაზრდული ლაბორატორია • Youth Lab - Adjara''-თან და ,,შშმ ქალთა ალიანსი /Alliance of women with disabilities''-თან თანამშრომლობით, გიწვევთ მენტალური ჯანმრთელობის ვორქშოპზე:

,,სტრესის მენეჯმენტი და პრაქტიკული სავარჯიშოები'' 🌿

⬇️⬇️⬇️

როგორ გავუმკლავდეთ ყოველდღიურ სტრესს ჯანსაღი მიდგომებით? 🌿

ალბათ, ყველას გვქონია დღეები, როცა ვგრძნობთ, რომ ყოველდღიური რუტინა, პასუხისმგებლობები და გამოწვევები ენერგიას გვაცლის. სტრესი ჩვენი ცხოვრების განუყოფელი ნაწილია, თუმცა მისი დროულად ამოცნობა, მართვა და შინაგანი ბალანსის აღდგენა სრულიად შესაძლებელია.

⭐️ სწორედ ამიტომ, StarLeaders კლუბის ფარგლებში, აჭარის ახალგაზრდული ლაბორატორია გიწვევთ მენტალური ჯანმრთელობის ვორქშოპზე, რომელიც სტრესის მართვასა და ემოციური კეთილდღეობის გაძლიერებას ეძღვნება.

ინტერაქტიულ ვორქშოპზე, რომელსაც ფსიქოკონსულტანტი/ფსიქოთერაპვეტი დავით ქათამაძე გაუძვება, ერთად გამოვავლენთ ყოველდღიური სტრესის რეალურ გამომწვევ ფაქტორებს და პრაქტიკული სავარჯიშოებით გავეცნობით ემოციების რეგულირების ეფექტიან სტრატეგიებსა და ტექნიკებს.

📍 შეხვედრის დეტალები:
🗓 24 ივლისი, 2026 | 14:00 საათი
მისამართი: ბათუმი, გიორგი ბრწყინვალეს ქუჩა №49 (,,ბათუმის დამოუკიდებელი ცხოვრების ცენტრისა’’ და ,,შშმ ქალთა ალიანსის’’ ოფისი)

📌 დაიკავე შენი ადგილი ახლავე! რეგისტრაციისთვის
გადადი ბმულზე:

შემოგვიერთდი და ერთად დავძლიოთ ყოველდღიური გამოწვევები მეტი თავდაჯერებულობით!


#ერთადშესაძლებელია
#ერთადმარტივია

07/07/2026

🎭 5 ივლისს ,,ბათუმის დამოუკიდებელი ცხოვრების ცენტრში’’ მოეწყო სპექტაკლ - ,,ლისისტრატეს’’ ვიდეოჩვენება, რომელიც ,,ბათუმის ინკლუზიური თეატრალური დასის" წევრი შეზღუდული შესაძლებლობის მქონე პირთა მშობლების მონაწილეობით დაიდგა 5 ივნისს, თოჯინებისა და მოზარდ მაყურებელთა პროფესიულ თეატრში.

👥 ჩვენებას ესწრებოდა სპექტაკლის დამდგმელი რეჟისორი - ნატალია გალოგრე. ასევე, შშმ პირთა თემის წევრები, შშმ პირთა მშობლები და სხვა დაინტერესებული პირები.

🤝 სპექტაკლის დადგმა შესაძლებელი გახდა რამდენიმე ორგანიზაციის ფინანსური მხარდაჭერით, მათ შორის - ,,ბათუმის დამოუკიდებელი ცხოვრების ცენტრისა’’ და ,,ცვლილებები თანაბარი უფლებებისათვის / Changes For Equal Rights’’-ის ჩართულობით.

✨ განსაკუთრებით აღსანიშნავია ის, რომ საქართველოში შშმ პირთა მშობლების თანამონაწილეობით პროფესიულ სცენაზე სპექტაკლის ჩვენების ფაქტი აქამდე არ დაფიქსირებულა და ეს შემთხვევა პირველი პრეცენდენტია ამ მხრივ, რაც ქმნის ნაყოფიერ ნიადაგს სამომავლოდ შშმ პირებისა და მათი მშობლების სახელოვნებო და კულტურულ სფეროში სათანადო ინკლუზიისთვის.

🟢 ,,ბათუმის დამოუკიდებელი ცხოვრების ცენტრი’’ მოხარულია, რომ მსგავსი სასარგებლო ცვლილებების თანამონაწილეა და თანამოაზრეებთან ერთად ქმნის შშმ პირებისა და მათი ოჯახების საზოგადოებრივ ცხოვრებაში ჩართულობის პრეცენდენტებს.

27/06/2026

🧠 27 ივნისი – პოსტტრავმული სტრესული აშლილობის (PTSD) შესახებ ცნობიერების ამაღლების საერთაშორისო დღეა.

ტრავმული გამოცდილება ღრმა კვალს ტოვებს არა მხოლოდ ფიზიკურად, არამედ ადამიანის ფსიქიკაზეც. პოსტტრავმული სტრესული აშლილობა (PTSD) არის ორგანიზმის ბუნებრივი რეაქცია არაბუნებრივ, შოკისმომგვრელ ან/და სიცოცხლისთვის სახიფათო გარემოებებზე.

• მიუხედავად იმისა, რომ ,,პტსა’’ ხშირად სამხედრო მოქმედებებთან ასოცირდება, ის შეიძლება განუვითარდეს ნებისმიერ ადამიანს, ვინც გადაიტანა ან შეესწრო ძალადობას, ავტოავარიას, ბუნებრივ კატასტროფას, მძიმე დანაკარგს, ბავშვობისდროინდელ ტრავმას და ა.შ.
• ტრავმული სტრესი არ შემოიფარგლება უბრალო „მოწყენილობით“. მას ახასიათებს ,,ფლეშბექები’’ (მოვლენის ხელახლა, რეალისტურად განცდა), კოშმარები, ქრონიკული შფოთვა, ზესიფხიზლე (მუდმივი საფრთხის მოლოდინი და დაძაბულობა) და იმ ადგილებისა თუ თემატიკის აქტიურად თავიდან არიდება, რომლებიც ტრავმას უკავშირდება.
• ნეირობიოლოგიური კვლევები ადასტურებს, რომ მძიმე სტრესი ცვლის თავის ტვინის მიერ საფრთხის აღქმისა და გადამუშავების მექანიზმებს. ,,პტსა’’-ის მქონე ადამიანს არ შეუძლია უბრალოდ საკუთარი ნებით ,,გადალახოს“ ეს მდგომარეობა – მას სჭირდება სისტემური და პროფესიული მხარდაჭერა.
• მართალია, ტრავმა ადამიანის გამოცდილების ნაწილად რჩება, მაგრამ სპეციფიკური ფსიქოთერაპიული მიდგომებით (მაგ. კოგნიტურ-ქცევითი თერაპია, EMDR) და უსაფრთხო სოციალური გარემოს არსებობით, ადამიანები წარმატებით ახერხებენ ძველი კოგნიტური კავშირების აღდგენასა და სრულფასოვანი ცხოვრების გაგრძელებას.

🤝 ცნობიერების ამაღლება არის პირველი ნაბიჯი იმისათვის, რომ ფსიქოლოგიური ტრავმის მქონე პირებმა თავი იზოლირებულად არ იგრძნონ. მხარდაჭერა დადებითი ცვლილებების საფუძველია!

23/06/2026

🧬 23 ივნისს მსოფლიოს მასშტაბით იგეგმება ცნობიერების ასამაღლებელი კამპანიები დრავეს სინდრომის შესახებ.

დრავეს სინდრომი (Dravet Syndrome) არის თავის ტვინის იშვიათი გენეტიკური დაავადება, რომელიც ჩვილობის ასაკიდან ვლინდება და წარმოადგენს კომპლექსურ ნევროლოგიურ დიაგნოზს, რომელიც მუდმივ მეთვალყურეობას მოითხოვს.

მოკლედ დრავეს სინდრომის შესახებ:
• დრავეს სინდრომს ახასიათებს ხანგრძლივი კრუნჩხვები და თითქმის არ ექვემდებარება სტანდარტულ მედიკამენტებს.
• შემთხვევათა 80%-ში დაავადებას იწვევს გენის (SCN1A) მუტაცია.
• შეტევის პროვოცირება შეუძლია სხეულის ან გარემოს ტემპერატურის მცირე ცვლილებასაც კი (მაგ: ცხელება, თბილი აბაზანა).
• დროთა განმავლობაში ვლინდება მოტორიკის, კოგნიციისა და მეტყველების დარღვევები.

ცნობიერების ამაღლება გვეხმარება სტიგმის მსხვრევასა და მხარდამჭერი, ინკლუზიური გარემოს შექმნაში! 🤝

21/06/2026

🧠 21 ივნისი ალცაიმერის დაავადების შესახებ ცნობიერების ამაღლების საერთაშორისო დღეა.

წლის ყველაზე გრძელი დღე (ზაფხულის მზებუდობა) სიმბოლურად უკავშირდება იმ ხანგრძლივ და კომპლექსურ გამოწვევებს, რომლებსაც ალცაიმერის დიაგნოზის მქონე ადამიანები და მათი ოჯახის წევრები ყოველდღიურად უმკლავდებიან.

• ალცაიმერის დაავადება დემენციის შემთხვევების 60-80%-ს შეადგენს. ის არ წარმოადგენს დაბერების ბუნებრივ ან გარდაუვალ პროცესს, არამედ თავის ტვინის პროგრესირებად ნეიროდეგენერაციულ პათოლოგიას, რომელიც შესაძლოა ადრეულ ასაკშიც (40-50 წელი) განვითარდეს.
• სტატისტიკურად, დაავადება უფრო ხშირად ქალებში გვხვდება. ამასთანავე, პაციენტების მხარდაჭერისა და ყოველდღიური ფუნქციონირების ძირითადი დატვირთვა ხშირად ოჯახის წევრებზე გადადის, რაც სისტემური, თემზე დაფუძნებული მხარდაჭერის მექანიზმების აუცილებლობას აჩენს.
• მიუხედავად იმისა, რომ ალცაიმერი ამ ეტაპზე განუკურნებელია, კვლევები ადასტურებს, რომ მუდმივი ინტელექტუალური დატვირთვა (ახალი უნარების ათვისება, კითხვა და ა.შ.), ფიზიკური აქტივობა და სოციალიზაცია აძლიერებს ტვინის კოგნიტურ რეზერვს და საგრძნობლად აფერხებს სიმპტომების პროგრესირებას.

ალცაიმერის დაავადების მქონე პირთა უფლებების დაცვა, სტიგმის დაძლევა და მათთვის ღირსეული, ინკლუზიური გარემოს შექმნა საზოგადოებისა და სახელმწიფო ინსტიტუტების ერთობლივი პასუხისმგებლობაა.

🟢 ინკლუზიური გარემოს შენება იწყება ცნობიერების ამაღლებით!

14/06/2026

🟣 14 ივნისი შეზღუდული შესაძლებლობის მქონე პირთა უფლებების დაცვის ეროვნული დღეა!

📜 საიდან იწყება 14 ივნისის ისტორია?
2000 წელს საქართველოს პარლამენტმა 14 ივნისი ოფიციალურად გამოაცხადა შშმ პირთა უფლებების დაცვის დღედ.
მთავარი ისტორიული მისია თავიდანვე მკაფიო იყო: შშმ პირების სოციალური იზოლაციის დაძლევა, საზოგადოებაში დამკვიდრებული მავნე სტერეოტიპების მსხვრევა და მათი რეალური, თანაბარი შესაძლებლობების წარმოჩენა.
დღეს, წლების შემდეგ, სახელმწიფოსა და საზოგადოებას კიდევ ერთხელ ვახსენებთ, რომ მათ აქვთ თანასწორი გარემოს შექმნის უალტერნატივო ვალდებულება.

📌 რა რჩება მთავარ გამოწვევად?
• ფიზიკური ინფრასტრუქტურის, ტრანსპორტისა და საინფორმაციო სივრცეების სრული ხელმისაწვდომობის უზრუნველყოფა (უნივერსალური დიზაინი).
• საჭირო სერვისების, მათ შორის - პერსონალური ასისტენტის მომსახურების, განვითარება.
• ხარისხიან ინკლუზიურ განათლებაზე წვდომა და რეალური დასაქმების შესაძლებლობა ღია შრომის ბაზარზე.
• ,,არაფერი ჩვენს შესახებ ჩვენს გარეშე" — შშმ პირების უშუალო მონაწილეობა ყველა იმ პროექტისა თუ კანონის შემუშავებაში, რაც მათ ცხოვრებაზე ახდენს ზეგავლენას.

✅ თანასწორი პირობების შექმნა უზრუნველყოფს თანაბარ უფლებებსა და რეალურ ინკლუზიას!

30/05/2026

🎗️🟠 30 მაისი გაფანტული სკლეროზის (MS) შესახებ ცნობიერების ამაღლების საერთაშორისო დღეა

გაფანტული სკლეროზი ცენტრალური ნერვული სისტემის ქრონიკული, აუტოიმუნური დაავადებაა, რომელიც ძირითადად 20-დან 40 წლამდე ვლინდება. საზოგადოებაში გავრცელებული მითისგან განსხვავებით, მას კავშირი არ აქვს მეხსიერების დაქვეითებასთან.

დაავადება ხშირად მიმდინარეობს გარეშე თვალისთვის უხილავი სიმპტომებით, როგორებიცაა: ქრონიკული დაღლილობა, მხედველობისა და კოორდინაციის დარღვევა, კიდურების დაბუჟება და გადაადგილების სირთულეები.

🧡 🦋 საერთაშორისო სიმბოლიკა - ნარინჯისფერი და პეპელა

• ნარინჯისფერი გაფანტული სკლეროზის წინააღმდეგ ბრძოლის ოფიციალური საერთაშორისო ფერია. თავისი მკვეთრი, კონტრასტული ბუნებიდან გამომდინარე, ნარინჯისფერი მარტივად იქცევს ყურადღებას. ამ ფერის გამოყენებაში კი საზოგადოებრივი და ინსტიტუციური ყურადღების მნიშვნელობაა ჩადებული გაფანტული სკლეროზის მქონე ადამიანებისადმი.
• პეპელა კი სოლიდარობის სიმბოლოა, რომელსაც ანატომიური საფუძველიც აქვს: ზურგის ტვინის განივკვეთს პეპლისებრი ფორმა გააჩნია, ხოლო თავის ტვინის მაგნიტურ-რეზონანსული ტომოგრაფიის (MRI) კვლევისას, დაზიანების კერები ხშირად პეპლის ფრთების ასოციაციას აჩენს.

თანამედროვე მედიცინისა და ადეკვატური, დროულად დაწყებული მკურნალობის პირობებში, დაავადების მართვა ეფექტურად არის შესაძლებელი. პაციენტების უმრავლესობა ინარჩუნებს ფუნქციურ დამოუკიდებლობას, შრომისუნარიანობას და აგრძელებს აქტიურ სოციალურ ცხოვრებას.

მსოფლიო დღის კამპანიის მიზანია საზოგადოებრივი ცნობიერების ამაღლება, სამედიცინო სერვისების ხელმისაწვდომობის მხარდაჭერა და არსებული სტიგმების მსხვრევა.

🟢 ინკლუზიური გარემოს შენება იწყება ცნობიერების ამაღლებით!