13/08/2026
ხშირად ის, რასაც ვაკეთებთ, არ არის ის, რასაც სინამდვილეში ვგრძნობთ ანუ თვალსაჩინო რეაქციის ან ემოციის უკან უფრო მნიშვნელოვანი, დაუცველი და ღრმა გრძნობა იმალება.
მაგალითად:
1. ბრაზი - ტკივილი, უსამართლობის განცდა, შიში, უძლურება;
2. გაღიზიანება - გადაღლა, გადატვირთულობა, დაგროვილი წყენა;
3. აგრესია - დაუცველობა, შინაგანი დაძაბულობა, საკუთარი თავის დაცვის საჭიროება;
4. ეჭვიანობა - დაკარგვის შიში, შედარების ტკივილი, საკუთარი მნიშვნელობის ეჭვქვეშ დაყენება.;
5. შური - საკუთარი არასაკმარისობის განცდა, სევდა, დაუკმაყოფილებელი სურვილი;
6. კონტროლის სურვილი - ქაოსისგან თავის დაცვა, გაურკვევლობის აუტანლობა,
7. პერფექციონიზმი - შეცდომის დაშვების შიში, საკუთარი ღირებულების შედეგებთან მიბმა;
8. გულგრილობა - იმედგაცრუება, ემოციური გადაღლა, განცდა - "მეტი აღარ შემიძლია";
9. ცინიზმი - იმედგაცრუების შიში, უნდობლობა, თავდაცვა;
10. ხუმრობა ან სიცილი რთულ მომენტში - უხერხულობა, დაძაბულობის განმუხტვის მცდელობა, მოწყვლადობის დამალვა;
11. დუმილი - უთქმელი წყენა, განცდა - "ჩემი სიტყვები მაინც არაფერს შეცვლის".
12. თავის არიდება - შფოთვა, სირცხვილი, კონფლიქტის შიში;
13. ზედმეტი დათმობა - მიტოვების და უარყოფის შიში, ურთიერთობის შენარჩუნების სურვილი;
14. "კარგი გოგოს ან კარგი ბიჭის" როლი - მიღების საჭიროება, სიყვარულის დაკარგვის შიში, კონფლიქტის თავიდან არიდება;
15. დაცვითი პოზიცია - თავდასხმის ან უარყოფის მოლოდინი, კრიტიკის მიმართ მგრძნობელობა, საკუთარი თავის გამართლების აუცილებლობა.
16. დაბრალება - დანაშაულის განცდის და პასუხისმგებლობის საკუთარ თავზე აღების შიში, შინაგანი სირცხვილისგან თავდაცვა;
17. გადაჭარბებული დამოუკიდებლობა - სხვაზე დამოკიდებულების შიში, დახმარების თხოვნის სირთულე, იმედგაცრუების თავიდან აცილება;
18. ეჭვი და უნდობლობა - ღალატის ან მოტყუების შიში, წარსული გამოცდილება;
19. მუდმივი დაკავებულობა - სიცარიელის, მარტოობის ან საკუთარ თავთან დარჩენის შიში;
20. ემოციების ჩახშობა - უსაფრთხოების დაკარგვის შიში, " განცდა - არ მაქვს უფლება გამოვხატო";
21. ტირილი - მწუხარება, შვება, უმწეობა, დაგროვილი ტკივილი;
22. სირცხვილი - არასრულფასოვნების განცდა, უარყოფის შიში, საკუთარი თავის მიუღებლობა,;
23. დანაშაულის განცდა - დაკარგვის ან დასჯის შიში, პასუხისმგებლობის გადაჭარბებული განცდა, სიყვარულის შენარჩუნების სურვილი, შიში - სხვას ტკივილი არ მივაყენო;
24. მიჯაჭვულობა - სიახლოვის, სტაბილურობისა და ემოციური უსაფრთხოების მოთხოვნილება;
25. მარტო ყოფნის სურვილი - გადაღლა, ემოციური გადატვირთვა, უსაფრთხოების მოთხოვნილება;
26. ინტერესის დამალვა - რეალურად ძლიერი ინტერესი, მაგრამ ტკივილის და იმედგაცრუების შიში;
27. ფულის/საგნების დაგროვება - დეფიციტის ან მომავლის შიში;
28. გადაჭარბებული ზრუნვა სხვებზე - საკუთარი საჭიროებების უგულებელყოფა, სიყვარულის დამსახურების სურვილი;
29. სიჯიუტე - კონტროლის დაკარგვის შიში, საკუთარი მნიშვნელობის დაცვის საჭიროება;
30. ემოციური გაყინვა - ძლიერი შიში, შოკი, გადატვირთულობა ან ისეთი ტკივილი, რომლის განცდაც მოცემულ მომენტში ძალიან რთულია.
ამიტომ თერაპიაში ზოგჯერ ყველაზე მნიშვნელოვანი კითხვა არის არა - რატომ იქცევი ასე?
არამედ:
- რისგან გიცავს ეს რეაქცია?
#ფსიქოლოგი #ფსიქოთერაპია #ფსიქოლოგია #ფსიქიკა #მენტალურიჯანმრთელობა #თვითრეფლექსია #ემოცია #გრძნობა #ფსიქოლოგიინგასიჭინავა
