11/03/2026
ტრანსფორმაციული გზა ფსიქოლოგიაში 💫
ფსიქოსულიერი ხედვა🌿
ავრორა – ეს არის პოლარული ციალი, რომელიც წარმოიქმნება, როცა მზის ქარის პატარა ნაწილაკები დედამიწის მაგნიტურ ველს ხვდებიან და ატმოსფეროს ერწყმიან. შედეგად სინათლის ენერგია ცაში სხვადასხვა ფერებით ციმციმებს.
ასევე რთულ პროცესს გადის ადამიანი, რომელიც საკუთარ თავში დაშლილი ფრაგმენტების ინტეგრირების ფაზაშია. სანამ ეს „ციალად“ გამოვლინდება, მანამდე ადამიანი ერთმანეთში აერთიანებს ყველა ემოციას, განცდას: შიშს, სევდას, მარტოობას, უარყოფას, სისუსტეს, სიყვარულს, თანაგრძნობას, ზრუნვას, ძალას, ენერგიას. ეს ყველაფერი ქმნის სიცოცხლის შეგრძნებას – უბრალოდ ცოცხალი ხარ, არსებობ… და როცა ისინი ერთიანდებიან, წარმოიქმნება ინტენსიური, მაცოცხლებელი ენერგია და იბადება შინაგანი ავრორა – კაშკაშა სხვადასხვა ფერებით.
ალბათ იკითხავ, რისთვის მჭირდება ეს, რატომ უნდა გავიარო ეს პროცესი? აქ არის ყველაზე მნიშვნელოვანი რამ: როდესაც გააცნობიერებ ვინ ხარ და იღებ პასუხისმგებლობას შენს თავზე, იწყება იმის გამოვლინება, რაც შენს სიღრმეშია. ამით ხდები ადამიანი, რომელიც დადებით ზეგავლენას ახდენს სხვებზე, თანაუგრძნობს და მათ გვერდითაა გულწრფელად.
ეს მისიას გავს – თითქოს დაინახე, რა გსურს, რა არის შენი საზრისი, და ესაა ის ღვთაებრივი ბუნება, რომელიც ღმერთმა ყველას გვიზიარა. ესაა ღვთის მსგავსება და ხატება… ესაა ფუნდამენტური საზრისი ადამიანის.
გაითვალისწინე, მარტივი გზა არ არის, მაგრამ ესაა ის, რის მისაღწევადაც მოევლინა ადამიანი, რომ იცხოვროს არა მხოლოდ საკუთარი თავისთვის, არამედ სხვებისთვისაც.
თუ ამ პროცესს გადიხარ, გილოცავ! რადგან შენ უკვე დიდ სულიერ და სიღრმისეულ გზაზე ხარ, რომლის ბოლოსაც სინათლე და გამარჯვებაა. ამ გზას მხოლოდ ძლიერი, ავთენტური, ღრმა და მგრძნობიარე ადამიანები გადიან. ყველამ, ვინც რაღაც შექმნა და დატოვა, ეს გზა გაიარა.
შეიძლება მოვიდეს განცდა, თითქოს ძველი დაიშალა, ისეთი ვეღარასდროს იქნები, დაკარგულად იგრძნო თავი, გეშინოდეს, რადგან ახალი ჯერ არ შექმნილა, მაგრამ ეს ახლის დაბადების პროცესია, რომელსაც თან ახლავს მტკივნეული განცდები, ემოციები და შეგრძნებები, ვიდრე გამოვლინდება.
ნუ შეგეშინდება ამ პროცესის, რადგან უკვე იცი, რომ სიბნელის შემდეგ მოდის დიდი სინათლე – პოლარული ციალი ცაზე და შენი შინაგანი სიმტკიცის და შემოქმედებითობის დასაწყისი.☀️🌿
სიყვარულით, მეკო მექვაბიშვილი-ფსიქოლოგი, ფსიქოსულიერი ცენტრის ,,თამარიანის” დამფძნებელი.❤️
#ფსიქოსულიერიხედვა
#ტრანსფორმაცია
#პროვნულიმთლიანობა
![დავითიანნი [DAVITIANNI]თამარიანი“ ულოცავს „დავითიანს“ 19 წლის იუბილეს! 🥂✨19 წელი - საგანმანათლებლო მისია და ურყევი ღირებ...](https://img5.findhealthclinics.org/837/327/878737118373276.jpg)
