ჩემი ბავშვი

11/03/2026

7 მარტს დავესწარი ყოველწლიურ სამეცნიერო კონფერენციას — „ენისა და მეტყველების თერაპია საქართველოში: ხელოვნური ინტელექტი, კვლევა და პრაქტიკა“, რომელიც ჩატარდა საქართველოს ენისა და მეტყველების თერაპევტთა ასოციაციისა და ილიას სახელმწიფო უნივერსიტეტის ბავშვის განვითარების ინსტიტუტის ორგანიზებით.

კონფერენცია გაიმართა ენისა და მეტყველების თერაპიის ევროპული დღის კამპანიის ფარგლებში. მისი მთავარი თემა იყო ხელოვნური ინტელექტი და მისი როლი სფეროს განვითარებაში.

ღონისძიებაზე წარმოდგენილი იყო ადგილობრივი და საერთაშორისო კვლევები, ინოვაციური მიდგომები და სფეროში არსებული თანამედროვე პრაქტიკა.

მსგავსი პროფესიული შეხვედრები მნიშვნელოვანია ცოდნის გაღრმავებისა და სხვადასხვა სპეციალისტს შორის თანამშრომლობის გამყარებისთვის. გულწრფელი მადლობა თითოეულ მომხსენებელს, მოწვეულ სტუმრებსა და ორგანიზატორებს ცოდნისა და გამოცდილების გაზიარებისთვის.

🎥 კონფერენციის ვიდეოჩანაწერი ხელმისაწვდომია ბავშვის განვითარების ინსტიტუტისა და სემთას ფეისბუქ გვერდებზე.

ბავშვის განვითარების ინსტიტუტი

საქართველოს ენისა და მეტყველების თერაპევტთა ასოციაცია - სემთა - Gslta

04/02/2026

ნოემბერში მქონდა შესაძლებლობა და დავესწარი კონფერენციას, რომელიც კოგნიტურ-ბიჰევიორული თერაპიის თანამედროვე მიდგომებს ეძღვნებოდა.
ღონისძიების ფარგლებში გავეცანი საქართველოში კბთ-ის განვითარების ტენდენციებს, კრიზისულ მდგომარეობებში თერაპიული ჩარევის ეფექტურ სტრატეგიებს, ჯგუფურ და მაინდფულნესზე დაფუძნებულ მიდგომებს, ასევე უახლეს კვლევებსა და განახლებულ თერაპიულ პროტოკოლებს.

p.s. დაგვიანებული სიახლეა, თუმცა სჯობს გვიან, ვიდრე არასდროს. ეს სერთიფიკატი ნამდვილად იმსახურებს ადგილს ჩემს პროფესიულ გვერდზე.

03/12/2025

MAC Georgia

05/11/2025

📢 ახალი განმარტება დისლექსიის შესახებ – IDA, 2025

"საქართველოს დისლექსიის კვლევითი ცენტრი სიამოვნებით გიზიარებთ საერთაშორისო დისლექსიის ასოციაციის (IDA) 2025 წლის განახლებულ განმარტებას დისლექსიის შესახებ. ის მომზადდა საფუძვლიანი, კოლაბორაციული პროცესის შედეგად და ასახავს უახლეს სამეცნიერო კვლევებს.

აღსანიშნავია, რომ დისლექსიის ახალი განამარტება ევროპის დისლექსიის ასოციაციის (EDA) ფარგლებშიც მოხდა. მათ გაგვიზიარეს დელფის კვლევის შედეგები, რომელიც აერთიანებს უახლეს მონაცემებსა და დისლექსიის ექსპერტების ცოდნას. მნიშვნელოვანია, რომ ამ კვლევასა და დისლექსიის ახალ განმარტებაზე, საქართველოს დისლექსიის კვლევითი ცენტრის დამფუძნებელმა დოქ. მაია შაშვიაშვილმა უკვე ისაუბრა თბილისში გამართულ პირველ კონფერენციაზე, დისლექსიის შესახებ.

რა არის დისლექსია IDA-ს 2025 წლის განმარტების მიხედვით?
✅ დისლექსია არის დასწავლის სპეციფიკური სირთულე, რომელიც ხასიათდება სიტყვების კითხვის და/ან მართლწერის პრობლემებით. ეს სირთულეები ეხება მათ სიზუსტეს, სისწრაფეს ან ორივეს ერთად და იცვლება ენის ორთოგრაფიის მიხედვით.
✅ ეს პრობლემები გვხვდება მათი გამოხატვის სიმძიმის მრავალნაირ და უწყვეტ დიაპაზონზე და გრძელდება იმ სწავლების მიუხედავად, რომელიც ეფექტურია მათი თანატოლებისთვის.
✅ დისლექსიის მიზეზები კომპლექსურია და მოიცავს გენეტიკურ, ნეირო-ბიოლოგიურ და გარემო ფაქტორების კომბინაციებს, რომლებიც ურთიერთქმედებენ განვითარების მთელი პერიოდის განმავლობაში.
✅ ფონოლოგიური და მორფოლოგიური დამუშავების სირთულეები ხშირად გვხვდება, მაგრამ ის არ არის უნივერსალური. ადრეული ზეპირი მეტყველების სისუსტეები კი, ხშირად წიგნიერების გამოწვევებს წინასწარმეტყველებს.
✅ მეორადი შედეგები მოიცავს - წაკითხულის გაგების პრობლემებს და კითხვისა და წერის შემცირებულ გამოცდილებას, რაც ხელს უშლის ენის, ცოდნის, წერითი უნარებისა და აკადემიური მოსწრების ზრდას. ასევე, შესაძლოა ამან გავლენა მოახდინოს მათ ფსიქოლოგიურ კეთილდღეობასა და და დასაქმების შესაძლებლობებზე.
✅ მიუხედავად იმისა, რომ იდენტიფიკაცია და მიზანმიმართული ინსტრუქციები მნიშვნელოვანია ნებისმიერ ასაკში, ენისა და წიგნიერების მხარდაჭერა განათლების ადრეულ წლებში, განსაკუთრებით ეფექტურია.

საქართველოს დისლექსიის კვლევითი ცენტრი აგრძელებს მუშაობას, რათა ეს ცოდნა ქმედითი გავხადოთ იმ ბავშვებისა და ზრდასრულებისთვის, რომლებსაც აქვთ დისლექსია."

14/10/2025

კიდევ ერთი საჭირო სერვისი, რომელიც ხელს უწყობს მიგრანტი მშობლებისა და მათი შვილების მხარდაჭერას 💫

📢 თელავი, გორი, ოზურგეთი და ბათუმი — უფასო ფსიქოლოგიური კონსულტაციები.

🔹საერთაშორისო ასოციაცია Civitas Georgica აგრძელებს მიგრანტი მშობლების შვილების მხარდაჭერას და ბავშვთა ფსიქოლოგების ახალ გუნდთან ერთად 4 ქალაქში გთავაზობთ ფსიქო-კონსულტაციებს, რომლებიც მოიცავს:

👧 ბავშვებს (8–18 წელი), რომელთა ერთი ან ორივე მშობელი ემიგრაციაშია;
👵 მზრუნველ პირებს (ბებია, ბაბუა, ნათესავი ან სხვა პირი, რომელიც მშობლის არყოფნაში ზრუნავს ბავშვზე);
👩‍🏫 სკოლისა და ბაღის პედაგოგებს, რომლებსაც ჯგუფში ან კლასში ჰყავთ ემიგრანტი მშობლის შვილი;
🌍 ემიგრაციაში მყოფ მშობლებს (ონლაინ ფორმატით) — ბავშვთან დაკავშირებულ საკითხებზე.
🤝 ინიციატივა ხორციელდება ორგანიზაცია Civitas Georgica-ს მიერ გერმანიის საერთაშორისო თანამშრომლობის საზოგადოების (GIZ) წარმომადგენლობა საქართველოში მხარდაჭერით.

🔔მოგვწერეთ კივიტასის სოციალური ქსელის საშუალებით და დაგაკავშირებთ ჩვენს ფსიქოლოგებთან რეგიონებში.

#ემიგრაცია

12/10/2025

საჭირო და ღირებული პროგრამა! პროფესიონალთა გუნდი!

06/10/2025

📅დისლექსიის შესახებ ცნობადობის ამაღლების კვირეული - 6-12 ოქტომბერი 🌍

🔎 რა არის დისლექსია?

დისლექსია არის დასწავლის უნარის შეფერხება, რომელიც პირველ რიგში ვლინდება კითხვისა და მართლწერის სირთულეში, დისლექსიის მქონე ადამიანს უჭირს თავისუფლად კითხვა და წაკითხულის გააზრება.

📚დისლექსია (ბერძ. „dys“ ნიშნავს მცირეს, „lexis“ ნიშნავს სიტყვებს) პირველად აღწერა კ. მორგანმა და ჯ. ჰინშელვუდმა მე-20 საუკუნის დასწაყისში. ორივე მათგანი იყო ბრიტანელი მედიკოსი და ნევროლოგიის/ოფთალმოლოგიის სფეროს მკვლევრები, რომლებმაც პირველად აღწერეს დისლექსია როგორც „დაბადებიდან არსებული სიტყვის სიბრმავე“ (congenital word-blindness). (Morgan, 1896; Hinshelwood, 1917). მათ მიაჩნდათ რომ ძირითადი პრობლემა ვიზუალური აღქმა იყო, თუმცა შემდგომმა კვლევებმა ცხადყო, რომ დისლექსია ტვინის ფუნქციების სპეციფიკური თავისებურებაა და არა ოფთალმოლოგიური განსხვავებულობა.

🧠 დისლექსიის დროს ტვინი სხვანაირად, არასტანდარტულად ამუშავებს წერილობით ინფორმაციას.

👨‍👩‍👧 ხშირად იგი გენეტიკურია და კვლევების მიხედვით, მსოფლიოს მოსახლეობის დაახლოებით 4-11%-ს აქვს დისლექსია სხვადასხვა ხარისხით. (Yang et al., 2022; Sakhai et al., 2025)

❗ მნიშვნელოვანია გვახსოვდეს:
დისლექსია არ უდრის დაბალ ინტელექტს — სწორი მხარდაჭერისა და სწავლების მეთოდებით ბავშვები და მოზრდილები წარმატებით იძენენ ცოდნას და სრულფასოვნად ვითარდებიან.

✨ დისლექსიის დიაგნოზის მქონე ადამიანების მხარდასაჭერად, მნიშვნელოვანია გავზარდოთ ცნობადობა — ერთად შევქმნათ გარემო, სადაც თითოეულ ბავშვს ექნება შესაძლებლობა გამოავლინოს თავისი უნარების მაქსიმუმი!

💌 დამატებითი კითხვების შემთხვევაში მომწერეთ პირად შეტყობინებაში.
🔱 ხატია ბერიკიშვილი, კლინიკური ფსიქოლოგი

#ბავშვისგანვითარება #დისლექსია #კითხვისსირთულე #დასწავლისუნარისდარღვევა #მშობლობა #კლინიკურიფსიქოლოგი #ფსიქოლოგი

✍️ლიტერატურა:

Yang L, Li C, Li X, Zhai M, An Q, Zhang Y, Zhao J, Weng X. (2022) Prevalence of Developmental Dyslexia in Primary School Children: A Systematic Review and Meta-Analysis. Brain Sciences.

Sakhai F, et al. (2025) Prevalence of Developmental Dyslexia among Primary School Students in Iran: A Systematic Review and Meta-Analysis.

Morgan, W. P. (1896). A case of congenital word blindness. British Medical Journal

Hinshelwood, J. (1917). Congenital word-blindness. London: H. K. Lewis.