ექიმი მარინა ეხისკელაშვილი/ Dr. Marina Ekhiskelashvili

02/01/2025

გილოცავთ ახალ წელს და ბედობას!!!დაგბედებოდეთ მშვიდობა,ჯანმრთელობა,ხვავი და ბარაქა!!!🙏🙏🙏

27/06/2022

გაეცანით!!!🙏🙏🙏

მრავალი წელია მსოფლიო მუშაობს სიმსივნის საწინააღმდეგო ისეთი ეფექტური საშუალებების და მეთოდების შემუშავებაზე, რომელსაც ექნება რაც შეიძლება ნაკლები გვერდითი ეფექტი და პაციენტებისთვის იქნება ადვილად ასატანი.

ერთერთი ესეთი ეფექტური მიდგომა არის ინტეგრაციული ონკოლოგია. ინტეგრაციული თერაპის თავისებურება არის კიბოს კომპლექსური მკურნალობა. ის სიმსივნის საწინააღმდეგო სტანდარტული (ქირურგიული ჩარევა, ქიმიოთერაპია, სხივური თერაპია, ჰორმონოთერაპია და სხვა) და კომპლემენტარული (ფითრით თერაპია, ფიზიკური ვარჯიშები, ანტისიმსივნური კვება, ბიოლოგიური მედიცინა და სხვა) მეთოდების შეთავსებას ითვალისწინებს, რაც სისმსივნის საწინააღმდეგო იმუნიტეტის და სიცოცხლის ხარისხის გაუმჯობესებას ემსახურება.

ევროპის მრავალ კლინიკაში, ინტეგრაციულ ონკოლოგიაში ფართედ გამოიყენება კომპანია Helixor-ის მიერ წარმოებული პრეპარატები. ისინი წარმატებით გამოიყენება ონკოლოგიური დაავადებების სამკურნალოდ, როგორც დამოუკიდებლად ასევე სტანდარტულ მეთოდებთან ერთად, როგორც გვერდითი მოვლენების შესამცირებლად, ისე სიცოცხლის ხანგრძლივობის და ხარისხის გასაუმჯობესებლად. რაც, სტანდარტული (კლასიკურ) თერაპიასა და დამატებით მედიცინას შორის ურთიერთკავშირის ყველაზე ეფექტური მიგნებაა.

გაეცანით სრულ სტატიას ჩვენს ვებ-გვერდზე: http://naturopath.ge/company/helixor/therapy/

05/06/2022

ჯანდაცვის საერთაშორისო კონფერენცია სადაც ჩვენმა და უცხოელ კოლეგებმა გაგვიზიარეს კოვიდ19 და პოსტკოვიდური გართულებების მართვის გამოცდილება!!!👏👏👏

11/05/2022

https://www.facebook.com/338419876353353/posts/1832203180308341/

22/03/2022

19/01/2022

ოსტეოპოროზი
- რა არის ოსტეოპოროზი?
- მიზეზები და რისკ ფაქტორები
- კლინიკური სურათი
- დიაგნოსტიკა
- პროფილაქტიკა და მკურნალობა

ოსტეოპოროზი - მძიმე მეტაბოლური დაავადებაა, რომლის მთავარი მახასიათებელია ძვლოვანი ქსოვილის მინერალური სიმკვრივის დაქვეითება და მისი სტრუქტურის დარღვევა. ეს პროცესი განპირობებულია სხვადასხვა ფაქტორით და საბოლოო ჯამში გვაძლევს ადვილად მტვრევად ძვლებს უმნიშვნელო ტრავმის დროსაც.
ოსტეოპოროზი ვითარდება ჩუმად. საწყისი სტადია რჩება შეუმჩნეველი და როგორც წესი დიაგნოზი ისმევა უკვე შემდგარი მოტეხილობის შემდეგ.

ძირითადად ოსტეოპოროზის მიზეზებად მიჩნეულია შემდეგი მდგომარეობები და ფაქტორები:
- წინამორბედი ხშირი ტრავმები;
- 65 წლის ზევით ასაკი;
- მდედრობითი სქესი;
- ევროპეოიდული რასა;
- ჭარბი წონა;
- მემკვიდრეობითი მიდრეკილება;
- მოწევა, ალკოჰოლი;
- ვიტამინი D და კალციუმის დეფიციტი;
- ენდოკრინული დარღვევები;
- გლუკოკორტიკოსტეროიდების ხანგრძლივი მიღება;
- მენოპაუზა

გავრცელების მიხედვით ოსტეოპოროზი შეიძლება იყოს ლოკალური და სისტემური.
უმეტეს შემთხვევებში ოსტეოპოროზი მიმდინარეობს უსიმპტომოდ და როგორც ზემოთ უკვე აღვნიშნეთ დგინდება მხოლოდ მოტეხილობის შემდეგ. მაგრამ გარკვეულ შემთხვევებში გამოირჩევა რიგი სიმპტომებით. მაგალითად, პაციენტებს აწუხებთ ტიპიური ტკივილები წელისა და გულმკერდის არეში, რომელიც ძლიერდება გარკვეული პოზიციით ან ფიზიკური დატვირთვით. ხერხემალი კარგავს ფორმას, ძლიერდება გულმკერდის კიფოზი და წელის ლორდოზი, იცვლება სიმაღლე, ვითარდება კუზი. პალპაციით აღენიშნებათ ტკივილები მალების სხეულებში, მომატებული კუნთოვანი ტონუსი, ნეკნების ქვემოთ ჩნდება დამატებითი კანის ნაკეცები ტორსის დამოკლების ხარჯზე.

ოსტეოპოროზის ხარისხის დასადგენად ეფექტურად გამოიყენება რენტგენოლოგიური დენსიტომეტრია, პაციენტის ფიზიკური შემოწმება, პალპაცია და ანამნეზი.

ოსტეოპოროზის პროფილაქტიკა ძალიან მნიშვნელოვანია და ეფუძნება ორ ძირითად პრინციპს:
- რეზორბციის (კალციუმის გამორეცხვის) შეჩერება
- ძვლოვანი მასის აღდგენის სტიმულაცია

მკურნალობა მოიცავს მადიკამენტოზურ და არამედიკამენტოზურ კომპონენტებს და დროულად დაწყების შემთხვევაში საკმაოდ ეფექტურია.

06/01/2022

🎉✨🎉

24/12/2021

ზურგის ტკივილი - მთელ მსოფლიოში ერთერთი ყველაზე გავრცელებული ჩივილი ბოლო ათწლეულის მანძილზე!

ყოველდღიურად იზრდება ტკივილებით შეწუხებული ადამიანების რიცხვი, და ეს პრობლემა არ იფარგლება რომელიმე ასაკობრივი ჯგუფით.

ტკივილი ხერხემლის, კისრის, გულმკერდის, თუ წელის არეში გხვდება მწვავე ან ქრონიკული ხასიათის და იყოფა ორ ძირითად ჯგუფებად:
- სპეციფიკური ზურგის ტკივილი
- არასპეციფიკური ზურგის ტკივილი
პირველ ჯგუფს მიეკუთვნება ტკივილი, რომლის გამომწვევი მიზეზი უკვე ცნობილია (მაგალითად, მალთაშუა დისკის თიაქარი, ტრავმა, მალთაშუა სახსრების ანთება)
მეორე ჯგუფს წარმოადგენს ყველა იმ ტკივილის ტიპი, რომლის მიზეზი ხშირ შემთხვევაში დაუდგენელია
ზურგის ტკივილის ძირითადი გამომწვევი მიზეზები:
- სტრესი
- თიაქარი
- უცვლელი უმოძრავო პოზიციით გამოწვეული კუნთების დაძაბულობა
- ასაკობრივი ცვლილებები
- დეფორმაციები

ასევე ძალიან ხშირია გადაცემითი ტკივილები, როცა რომელიმე შიდა ორგანოს ანთებითი პროცესი იწვევს ზურგის გარკვეულ სეგმენტის ტკივილს.

თუ პირველი სამი დღის მანძილზე მწვავე ტკივილი არ ყუჩდება ტკივილგამაყუჩებელი პრეპარატების მიღებით, ესე იგი საჭიროა სპეციალისტის ჩარევა და გამომწვევი მიზეზების დროული დადგენა. წინააღმდეგ შემთხვევაში სიტუაცია რთულდება. ფიზიკური შემოწმების შემდეგ ექიმი-სპეციალისტი იღებს გადაწყვეტილებას თუ რა ლაბორატორიული და ინსტრუმენტალური კვლევა დანიშნოს და მხოლოდ შემდეგ შეირჩევა სამკურნალო გეგმა.

მინდა ხაზი გავუსვა იმ ფაქტს, რომ ტკივილი არის სიგნალი, წამოსული ჩვენი ორგანიზმიდან, რომელიც ითხოვს შველას. არ შეიძლება ფიქრი მხოლოდ ტკივილის გაყუჩებაზე. ეს იგივეა, რაც დასაცავი ობიექტი სიგნალიზაციის გარეშე დავტოვოთ. თუ დროულად ვერ მივაგენით პრობლემის გამომწვევ მიზეზს, პროცესი არ შეჩერდება და შეიძლება შეუქცევადი გახდეს!
ნუ დავივიწყებთ, რომ ექიმი ღმერთი არ არის!! თუ გვინდა რომ ექიმმა გვიშველოს - მას დროულად უნდა მივმართოთ!
ჯანმრთელობას გისურვებთ!!

14/12/2021

11/12/2021

ნეკა თითის ფალანგის მოტეხილობა

06/12/2021

ბიოპუნქტურა ეწოდება კანსშიდა ან კანქვეშა მიკროინიექცეიბს, რომლებიც ტარდება ბიოლოგიურად აქტიურ წერტილებში. კომპლექსური ბიოპუნქტურისთვის გამოიყენება ჰომეოპატიზირებული ნატურალური პროდუქტები. მე ძირითადად ვიყენებ კომპანია Guna-ს და Heel-ის პროდუქციას.
ჰომეოპატური ბიოპუნქტურა განსხვავდება სტანდარტული მედიკამენტოზური მკურნალობიდან შემდეგი სამკურნალო თვისებებით:
- სწრაფი კლინიკური ეფექტი წერტილოვანი შეყვანის ხარჯზე
- არ გააჩნია ალერგიული და გვერდითი რეაქციები
- პრაქტიკულად არ გააჩნია წინააღმდეგ ჩვენება და ასაკობრივი შეზღუდვა
- თავსდება ყველა ფარმპრეპარატებთან
კომპლექსური ბიოპუნქტურის შედეგად ვიღებთ:
- ანთებითი პროცესის ოპტიმიზაციას და დასრულებას
- უჯრედშორისი სივრცის დრენაჟს და დეტოქსიკაციას
- დაზიანებული ქსოვილების და ორგანოების რეგენერაციას
- ორგანიზმის თვითრეგულაციის, თვითაღდგენის და თვითმკურნალობის მექანიზმების გააქტიურებას
ყველაზე ხშირად და წარმატებულად ბიოპუნქტურა გამოიყენება:
- საყრდენ-მამოძრავებელ სისტემის ანთებით-დეგენერაციულ პროცესების დროს
- ოსტეოქონდროზის, დისკოზის, ნევრალგიის დროს
- მიალგიის და მიოზიტის დროს
- ქრონიკული ანთებების და ართროზების დროს.

მზად ვარ ვუპასუხო თქვენს მიერ დასმულ კითხვებს.