26/08/2026
პაპილომავირუსი - ქალებსა და კაცებში: რა უნდა ვიცოდეთ?
პაპილომავირუსის 150-ზე მეტი სახეობა არსებობს, მათგან მხოლოდ რამდენიმე დაკავშირებულია ონკოლოგიური დაავადებების განვითარებასთან და ამიტომ მათ მაღალი რისკის პაპილომავირუსს HPV უწოდებენ, ისინი იწვევენ:
👩 ქალებში: საშვილოსნოს ყელის, ვაგინისა და ვულვის კიბო. საშვილოსნოს ყელის კიბოს თითქმის ყველა შემთხვევა HPV-თანაა დაკავშირებული.
👨 კაცებში: ანუსის, პენისისა და ყელის კიბო
არსებობს არაონკოგენური შტამებიც, რომლებიც იწვევენ მეჭეჭებსა და სასქესო ორგანოების პაპილომებს.
🔬 როგორ გავიგოთ, გვაქვს თუ არა HPV?
HPV ინფექციას არა აქვს სიმპტომები, მისი გამოვლენა შესაძლებელია ლაბორატორიული PCR კვლევით.
❤️ როგორ ხდება ინფიცირება?
HPV გადადის სქესობრივი კონტაქტის დროს - არა მხოლოდ ვაგინალური სექსით, არამედ ანალური და ორალური სექსით, ფინგერინგით და სასქესო ორგანოების პირდაპირი კონტაქტითაც.
💊 იკურნება თუ არა HPV?
სპეციფიკური მკურნალობა, რომელიც თავად ვირუსს „კურნავს“, არ არსებობს. ხშირ შემთხვევაში და უფრო ახალგაზრდა ასაკში ორგანიზმი ვირუსს თავად უმკლავდება და ინფექცია დაახლოებით 1-2 წლის განმავლობაში შეიძლება თავისით გაქრეს.
💉 როგორ ავიცილოთ HPV-ისგან გამოწვეული დაავადებები?
აღნიშნული ონკოლოგიური დაავადებების პრევენციის ერთ-ერთი ყველაზე ეფექტური გზა HPV-ვაქცინაციაა, რაც მნიშვნელოვნად ამცირებს საშვილოსნოს ყელისა და სხვა ონკოლოგიური დაავადებების განვითარების რისკს.
👧👦 როდის არის რეკომენდებული ვაქცინაცია?
ვაქცინაცია განსაკუთრებით მნიშვნელოვანია სქესობრივი ცხოვრების დაწყებამდე, ბიჭებში 8 წლის ასაკიდან და გოგოებში - 11 წლის ასაკიდან
🔄 შეიძლება თუ არა ვაქცინაცია სქესობრივი ცხოვრების დაწყების შემდეგ?
დიახ, ვაქცინაციას მნიშვნელობა აქვს იმ შემთხვევაშიც, თუ ადამიანი უკვე ინფიცირებულია HPV-ის რომელიმე შტამით - ვაქცინამ შესაძლოა დაიცვას სხვა მაღალი რისკის შტამებისგან.
🩺 საჭიროა თუ არა საშვილოსნოს ყელის სკრინინგი ვაქცინაციის შემდეგ?
დიახ. HPV-ის ვაქცინა მნიშვნელოვნად ამცირებს რისკს, თუმცა ყველა შესაძლო დაავადებისგან სრულ დაცვას არ უზრუნველყოფს. სკრინინგის სიხშირე ინდივიდუალურად განისაზღვრება ექიმის მიერ.
🛡️ იცავს თუ არა პრეზერვატივი HPV-ისგან?
სრულად - არა. თუმცა მისი გამოყენება ინფიცირების რისკს ამცირებს.
#მგალობლიშვილიკლინიკა #პაპილომავირუსი #პაპილომავირუსიწყვილში #პაპილომავირუსიკაცებში #პაპილომავირუსისსკრინინგი
