თსსუ-ის პირველი საუნივერსიტეტო კლინიკა •The First University Clinic

10/09/2026

👩‍🔬 ასოცირებული პროფესორის ელენე პაჭკორიას მონაწილეობით სტატია გამოქვეყნდა ერთ-ერთ წამყვან საერთაშორისო სამედიცინო ჟურნალში.

✅მნიშვნელოვანი საერთაშორისო სამეცნიერო სტატია — “Advancing medicine, undermining life: a global health contradiction” —გამოქვეყნდა მსოფლიოში ერთ-ერთ მაღალი რეპუტაციის მქონე სამედიცინო ჟურნალში, Clinical Microbiology and Infection (CMI).

✅სტატიის თანაავტორი ასოცირებული პროფესორი ელენე პაჭკორია, თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის ინფექციური დაავადებების განყოფილების ხელმძღვანელია. მისი მონაწილეობა კიდევ ერთხელ უსვამს ხაზს ქართველი ექიმებისა და მეცნიერების ჩართულობას თანამედროვე გლობალურ სამედიცინო დისკუსიებში.

✅სტატია ეძღვნება თანამედროვე მედიცინის ერთ-ერთ უმნიშვნელოვანეს პარადოქსს — მეცნიერული და ტექნოლოგიური პროგრესისა და გლობალური ჯანმრთელობისთვის არსებული მზარდი საფრთხეების წინააღმდეგობას. ავტორები განსაკუთრებულ ყურადღებას ამახვილებენ ომებისა და ჰუმანიტარული კრიზისების გავლენაზე ჯანდაცვის სისტემებზე, ინფექციური დაავადებების გავრცელებასა და ანტიმიკრობული რეზისტენტობის (AMR) ზრდაზე.

✅ავტორების მთავარი გზავნილია, რომ მედიცინის პროგრესი მხოლოდ ახალი მკურნალობის მეთოდებისა და ტექნოლოგიების განვითარებით არ განისაზღვრება. ამ მიღწევების დასაცავად აუცილებელია ძლიერი ჯანდაცვის სისტემები, სამედიცინო ინფრასტრუქტურის დაცვა, ინფექციების კონტროლი და ანტიმიკრობული საშუალებების რაციონალური გამოყენება.

Clinical Microbiology and Infection არის European Society of Clinical Microbiology and Infectious Diseases (ESCMID)-ის ოფიციალური ჟურნალი, რომელსაც აქვეყნებს Elsevier. ჟურნალი არის peer-reviewed და საერთაშორისო დონეზე ერთ-ერთი წამყვანი გამოცემაა კლინიკური მიკრობიოლოგიისა და ინფექციური დაავადებების სფეროში. გამომცემლის მიმდინარე მონაცემებით, ჟურნალს აქვს Impact Factor 8.7 და CiteScore 17.1

ექიმი ელენე პაჭკორიას ამ მაღალი დონის საერთაშორისო პუბლიკაციაში მონაწილეობა მნიშვნელოვანი პროფესიული და სამეცნიერო მიღწევაა და კიდევ ერთხელ წარმოაჩენს საქართველოს წარმომადგენლების როლს თანამედროვე საერთაშორისო მედიცინაში. ვულოცავთ მას ამ დიდ წარმატებას, თსსუ-ის პირველი საუნივერსირეტო კლინიკის ადმინისტრაცია.

Clinical Microbiology and Infection, 2026; 32(9):1377–1379.
DOI: 10.1016/j.cmi.2026.06.002

08/09/2026

📣ვაკანსია
👩‍⚕ თბილისის თსსუ -ს პირველი საუნივერსიტეტო კლინიკა აცხადებს ვაკანსიას ემერჯენსის განყოფილებაში
🔴 სუპერვაიზერის პოზიციაზე
🔴 ექიმის პოზიციაზე
🔴 უმცროსი ექიმის პოზიციაზე
🔴 ექთნის პოზიციაზე
✅დაინტერესების შემთხვევაში მოგვწერეთ პირადი შეტყობინება ან დარეკეთ ნომერზე: +995557686873
📍 მის: გუდამაყრის #4
#ვაკანსია #მედიცინა #კარიერა

02/09/2026

📣ვაკანსია
👩‍⚕ თბილისის თსსუ -ს პირველი საუნივერსიტეტო კლინიკა აცხადებს ვაკანსიას ქირურგიის განყოფილებაში ექთნის პოზიციაზე (ანაზრაურება საათში 6 ლარი)
✅დაინტერესების შემთხვევაში მოგვწერეთ პირადი შეტყობინება
📍 მის: გუდამაყრის #4 ნაკლების ჩვენება

26/08/2026

“რუსთაველის ეროვნული სამეცნიერო ფონდის საგრანტო კონკურსში გავიმარჯვე და 12–14 ნოემბერს თბილისში საერთაშორისო კონფერენციას ვმართავ” – ლევან რატიანი

ეს განცხადება თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა, ლევან რატიანმა საინფორმაციო სააგენტო „კვირა“-სთან გააკეთა.
როგორც რატიანმა განმარტა, ღონისძიება ინტენსიურ მედიცინას ეძღვნება და მასში მონაწილეობას მიიღებენ მსოფლიოს წამყვანი პროფესორები და სპეციალისტები.
“კონფერენციის მიზანია საერთაშორისო გამოცდილების გაზიარება, ახალი თანამშრომლობების ჩამოყალიბება და საქართველოში ინტენსიური მედიცინისა და ჯანდაცვის სისტემის განვითარებაში წვლილის შეტანა. – აღნიშნა ლევან რატიანმა.

21/08/2026

📣ვაკანსია
👩‍⚕ თბილისის თსსუ -ს პირველი საუნივერსიტეტო კლინიკა აცხადებს ვაკანსიას ემერჯენსის განყოფილებაში სუპერვაიზერის პოზიციაზე(დღის სმენა 9:30-დან 17:00მდე)
✅დაინტერესების შემთხვევაში მოგვწერეთ პირადი შეტყობინება ან დარეკეთ ნომერზე: +995557686873
📍 მის: გუდამაყრის #4

17/08/2026

17/08/2026

📢 პროფესორ ლევან რატიანის ხელმძღვანელობით ქართველი მეცნიერების კვლევამ საერთაშორისო აღიარება მოიპოვა

✅️ ქართული სამედიცინო საზოგადოება მნიშვნელოვან წარმატებას აღნიშნავს. ავტორიტეტულ საერთაშორისო სამეცნიერო ჟურნალში „Journal of International Medical Research“ გამოქვეყნდა ქართველი მკვლევრების ნაშრომი, რომელიც COVID-19-ით ინფიცირებულ პაციენტებში გულის დაზიანების ადრეულ დიაგნოსტიკას ეხება.

✅️აღნიშნულ მასშტაბურ სამეცნიერო პროექტს პროფესორი ლევან რატიანი ხელმძღვანელობდა.

✅️პროფესორ ლევან რატიანის გუნდის მიგნება

ცნობილია, რომ კორონავირუსი ხშირად აზიანებს გულის კუნთს, თუმცა ამ დაზიანებების დროული პროგნოზირება მედიცინისთვის დიდ გამოწვევად რჩებოდა. პროფესორმა ლევან რატიანმა და მისმა გუნდმა ყურადღება გაამახვილეს ბიომარკერზე, სახელად გალექტინ-3 (Galectin-3) — ცილაზე, რომელიც ორგანიზმში მიმდინარე ანთებით და ნაწიბუროვან პროცესებზე მიგვითითებს.

✅️ლევან რატიანის ხელმძღვანელობით ჩატარებულმა რეტროსპექტიულმა კვლევამ აჩვენა, რომ ჰოსპიტალიზებულ პაციენტებში გალექტინ-3-ის კონცენტრაციის მატება პირდაპირ კორელაციაშია გულის კამერების ზომებისა და ფუნქციების ანომალიურ ცვლილებებთან (ექოკარდიოგრაფიულ მაჩვენებლებთან).

✅️პროფესორ ლევან რატიანის სამეცნიერო ჯგუფის მიერ წარმოდგენილი ეს მეთოდი ექიმებს აძლევს უმნიშვნელოვანეს ინსტრუმენტს. გალექტინ-3-ის დონისა და გულის ულტრაბგერითი მონაცემების ერთობლივი ანალიზით შესაძლებელი ხდება:
✅️პაციენტის მდგომარეობის დამძიმების რისკების ადრეული პროგნოზირება.
გულ-სისხლძარღვთა სისტემის ფარული დაზიანებების დროული გამოვლენა მწვავე ფაზაში.
მკურნალობის ტაქტიკის უფრო ეფექტურად შერჩევა.
ეს წარმატება კიდევ ერთხელ უსვამს ხაზს პროფესორ ლევან რატიანისა და მისი გუნდის მაღალ პროფესიონალიზმს გლობალურ სამეცნიერო სივრცეში.
✅️სტატიის გამოქვეყნება საერთაშორისო ჟურნალში წარმოადგენს მნიშვნელოვან ნაბიჯს საქართველოს სამეცნიერო საზოგადოებისათვის. ეს წარმატება ხაზს უსვამს გუნდის პროფესიონალიზმსა და აქტუალურ თემებზე მუშაობას, რაც უკვე აღიარებულია საერთაშორისო სამეცნიერო სივრცეში.

ლინკი იხილეთ ბმულზე
https://journals.sagepub.com/doi/10.1177/03000605261471690

20/07/2026

ყველაფერი ძვალსახსროვანი სისტემის პრობლემების შესახებ-
თსსუ-ის პირველი საუნივერსიტეტო კლინიკის ნეიროქირურგიული მიმართულების ხელმძღვანელი ველოდი გახარია და ნეიროქირურგი ალესანდრე კორძაძე სტუმრად „ნამდვილ ექიმებში“

20/07/2026

ყველაფერი ძვალ-სახსროვანი სისტემის ტკივილების გარშემო
თსსუ-ის პირველი საუნივერსიტერტო კლინიკი ნეიროქირურგიული განყოფილების ხელმძღვანელი ველოდი გახარია და ნეიროქირურგი ალესანდრე კორძაძე სტუმრად „ნამვილ ექიმებში“ ნამდვილი ექიმები • The Real Doctors Velodi GakhariaAleksandre Kordzadze

13/07/2026

📣📣📣იშვიათი კლინიკური შემთხვევა პირველ საუნივერსიტეტო კლინიკაში📣📣📣

✅ერთი შეხედვით ჩვეულებრივი თვალის ტკივილი 48 წლის მამაკაცისთვის იშვიათი და მოულოდნელი დიაგნოზით დასრულდა. პაციენტმა პირველ საუნივერსიტეტო კლინიკას მარცხენა თვალის ძლიერი ტკივილის, სიწითლის, წვის შეგრძნებისა და ქუთუთოს შიგნით განვითარებული მრგვალი, ბურთის ფორმის წარმონაქმნის გამო მიმართა. მისი თქმით, სიმპტომები მხოლოდ 3–4 დღის განმავლობაში სწრაფად პროგრესირებდა და ტკივილი იმდენად ძლიერი გახდა, რომ ყოველდღიურ საქმიანობასაც უშლიდა ხელს.

✅ოფთალმოლოგიური გამოკვლევისას ექიმებმა წარმონაქმნის ზედაპირზე, მიკროსკოპით, ძაფისმაგვარი თეთრი ფერის პარაზიტი აღმოაჩინეს. იშვიათი აღმოჩენის გამო პაციენტი დაუყოვნებლივ ჰოსპიტალიზდა და გადაუდებელი ოპერაციისთვის მომზადდა.

✅იმავე დღეს ჩატარებული ქირურგიული ჩარევის დროს სრულად ამოიკვეთა დაახლოებით 2 სანტიმეტრამდე ზომის ფიბროზული კისტა — პარაზიტის კაფსულა. კისტის შიგთავსი წარმოადგენდა თეთრი ფერის ლორწოვან მასასა და სითხეს. ამოღებული მასალა ლაბორატორიულ კვლევაზე გაიგზავნა, სადაც დადასტურდა დიროფილარია — იშვიათი პარაზიტი, რომელიც ადამიანში, როგორც წესი, კოღოს ნაკბენით ხვდება და ზოგიერთ შემთხვევაში თვალისა და ქუთუთოს ქსოვილებშიც შეიძლება განვითარდეს.

✅ოპერაცია წარმატებით ჩაატარა თბილისის სახელმწიფო სამედიცინო უნივერსიტეტის ასოცირებულმა პროფესორმა, პირველი საუნივერსიტეტო კლინიკის ოფთალმოლოგიის მიმართულების ხელმძღვანელმა მედეა გობეჯიშვილმა. დროულმა დიაგნოსტიკამ, ოპერატიულმა გადაწყვეტილებამ და ზუსტმა ქირურგიულმა ჩარევამ შესაძლებელი გახადა პარაზიტის სრული ექსტირპაცია და პაციენტის მძიმე გართულებებისგან დაცვა.

✅ამჟამად პაციენტის მდგომარეობა დამაკმაყოფილებელია. იგი აგრძელებს მკურნალობასა და მეთვალყურეობას სპეციალისტების რეკომენდაციების შესაბამისად.

✅დიროფილარიოზი იშვიათი პარაზიტული დაავადებაა, რომლის გადამტანებიც უმეტესად კოღოები არიან. მიუხედავად იმისა, რომ ადამიანი ამ პარაზიტისთვის ბუნებრივი მასპინძელი არ არის, დაავადება ზოგჯერ სწორედ თვალისა და ქუთუთოს მიდამოში ვლინდება. მსგავსი შემთხვევები კიდევ ერთხელ ადასტურებს, რომ ერთი შეხედვით ჩვეულებრივი ჩივილების მიღმა შესაძლოა სრულიად მოულოდნელი დიაგნოზი იმალებოდეს, რის გამოც ოფთალმოლოგთან დროული მიმართვა განსაკუთრებულ მნიშვნელობას იძენს.

✅პირველი საუნივერსიტეტო კლინიკის ოფთალმოლოგიური სამსახური თანამედროვე დიაგნოსტიკური და ქირურგიული შესაძლებლობებით პაციენტებს როგორც ყოველდღიური, ისე ყველაზე რთული და იშვიათი ოფთალმოლოგიური პათოლოგიების სრულყოფილ დიაგნოსტიკასა და მკურნალობას სთავაზობს.