ინფექციური პათოლოგიის და შიდსის ცენტრი/Infectious Diseases and AIDS Center

15/09/2026

⚜️ გიორგი კვიტაიშვილი მედიცინის დოქტორი

გასტროენტეროლოგი, ჰეპატოლოგი, ინფექციონისტი

⚜️ გიორგი კვიტაიშვილს აქვს საექიმო, პედაგოგიური და სამეცნიერო-კვლევითი საქმიანობის 41 წლიანი გამოცდილება.

⚜️ივანე ჯავახიშვილის სახელობის სახელმწიფო უნივერსიტეტის ინფექციურ დაავადებათა და კლინიკური იმუნოლოოგიის კათედრის პედაგოგი;

⚜️გიორგი კვიტაიშვილი არის საქართველოს ინფექციონისტთა, ჰეპატოლოგთა, პარაზიტოლოგთა, ეპიდემიოლოგთა და მიკრობიოლოგთა ასოციაციის, საქართველოს ინფექციონისტთა ასოციაციის, საქართველოს გასტროენტეროლოგთა ასოციაციის წევრი;

⚜️გამოქვეყნებული აქვს 22 სამეცნიერო პუბლიკაცია რეცენზირებად ჟურნალებში. სისტემატურად მონაწილეობს საერთაშორისო სამეცნიერო კონფერენციების მუშაობაში.

14/09/2026

⚜️ პროფესორ ოთარ ჩოკოშვილის სტაჟირება პარიზში ინფექციის კონტროლისა და ანტიმიკრობული რეზისტენტობის საკითხებზე.

⚜️ თენგიზ ცერცვაძის სახელობის ინფექციური პათოლოგიის, შიდსისა და კლინიკური იმუნოლოგიის სამედიცინო პრაქტიკული ცენტრის ინფექციის კონტროლისა და ანალიტიკის დეპარტამენტის ხელმძღვანელმა, საზოგადოებრივი ჯანდაცვის დოქტორმა, პროფესორმა ოთარ ჩოკოშვილმა შოთა რუსთაველის საქართველოს ეროვნული სამეცნიერო ფონდისა და ფრანგული ინსტიტუტის ერთობლივი სტიპენდია მოიპოვა.
სტიპენდიის ფარგლებში პროფესორი ოთარ ჩოკოშვილი ერთი თვით გაემგზავრება საფრანგეთში, სადაც ინფექციის პრევენციისა და კონტროლისა და ანტიმიკრობული რეზისტენტობის მიმართულებით იმუშავებს პარიზისა და ილ-დე-ფრანსის რეგიონის წამყვან სამედიცინო დაწესებულებებში:
• ჰენრი მონდორის საუნივერსიტეტო ჰოსპიტალში (Hôpital Henri-Mondor);
• ბიშა–კლოდ ბერნარის საუნივერსიტეტო ჰოსპიტალში (Hôpital Bichat–Claude-Bernard);
• სამხრეთ ილ-დე-ფრანსის ჰოსპიტალურ ჯგუფის ჰოსპიტელბში, მელუნში (Groupe Hospitalier Sud Île-de-France, Melun) და სხვა.

⚜️ სამუშაო ვიზიტი ითვალისწინებს ფრანგ კოლეგებთან პროფესიული გამოცდილების გაზიარებას, ჰოსპიტალური ინფექციების ეპიდემიოლოგიური ზედამხედველობის თანამედროვე სისტემების გაცნობას, ანტიმიკრობული რეზისტენტობის მონაცემების ანალიზს, კუმულაციური ანტიბიოგრამების მომზადებისა და პრაქტიკაში გამოყენების მეთოდების განხილვას.

⚜️ ვიზიტის ფარგლებში განსაკუთრებული ყურადღება დაეთმობა ანტიმიკრობული პრეპარატების რაციონალური გამოყენების — Antimicrobial Stewardship — პროგრამების დანერგვის, მართვის, მონიტორინგისა და მათი ეფექტიანობის შეფასების თანამედროვე პრინციპების განხილვას.
პროფესორი ოთარ ჩოკოშვილი ფრანგ კოლეგებთან ერთად იმუშავებს ინფექციის კონტროლისა და ანტიმიკრობული რეზისტენტობის მონაცემების ანალიზზე.

⚜️ თანამშრომლობის შედეგად მხარეები მოამზადებენ ერთობლივ სამეცნიერო პუბლიკაციას და განსაზღვრავენ სამომავლო კვლევითი თანამშრომლობის მიმართულებებს.

⚜️ ვიზიტის ფარგლებში მიღებული ცოდნა და გამოცდილება ხელს შეუწყობს საქართველოში ინფექციის კონტროლის, ანტიმიკრობული რეზისტენტობის ზედამხედველობისა და ანტიმიკრობული პრეპარატების მართვის სისტემების შემდგომ განვითარებას.
გულითადად ვულოცავთ პროფესორ ოთარ ჩოკოშვილს ამ მნიშვნელოვან პროფესიულ წარმატებას და ვუსურვებთ ნაყოფიერ საქმიანობასა და ახალ მიღწევებს!

14/09/2026

⚜️ თამარ გამხიტაშვილი კარდიოლოგი

⚜️მედიკოსი 45 წლიანი გამოცდილებით;

⚜️ქალბატონ თამარს გააჩნია პაციენტების როგორც აბმულატორიული, ასევე სტაციონარული მართვის გამოცდილება;

⚜️ გარდა უმაღლესი სამედიცინო განათლებისა, გავლილი აქვს არაერთი სასწავლო კურსი კარდიოლოგიის მიმართულებით;

⚜️ თამარ გამხიტაშვილი სისტემატურად მონაწილეობს სხვადასხვა სამეცნიერო და სასწავლო კონგრესებში.

14/09/2026

13/09/2026

13 სექტემბერი — პროფესორ ეთერ ბოცვაძის ხსოვნის დღე

13 სექტემბერს პატივისცემითა და მადლიერებით ვიხსენებთ გამოჩენილ ქართველ ექიმს, მეცნიერსა და პედაგოგს, მედიცინის მეცნიერებათა დოქტორს, პროფესორ ეთერ ბოცვაძეს, რომელიც 2013 წლის 13 სექტემბერს გარდაიცვალა.

ეთერ ბოცვაძემ მთელი ცხოვრება მედიცინის განვითარებას, პაციენტების ჯანმრთელობაზე ზრუნვასა და ახალგაზრდა ექიმების აღზრდას მიუძღვნა.

იგი იყო მედიცინის მეცნიერებათა დოქტორი, პროფესორი, ინფექციონისტი და ჰეპატოლოგი. საქართველოში ნიროინფეციებისა და ჰეპატოლოგიის სკოლის ფუძემდებელი.

1980 წლიდან ხელმძღვანელობდა ინფექციურ სნეულებათა კათედრას და მნიშვნელოვანი წვლილი შეიტანა საქართველოში ინფექციონისტთა პროფესიული სკოლის განვითარებაში.

მისი სამეცნიერო მოღვაწეობა განსაკუთრებით დაკავშირებული იყო ვირუსული ჰეპატიტების პრობლემების შესწავლასთან.

პროფესორ ეთერ ბოცვაძის ხელმძღვანელობითა და მონაწილეობით საქართველოში განვითარდა ამ დაავადებების დიაგნოსტიკისა და კვლევის თანამედროვე მიმართულებები.

იგი 200-ზე მეტი სამეცნიერო ნაშრომისა და არაერთი მნიშვნელოვანი სამედიცინო სახელმძღვანელოს ავტორია. შექმნილი აქვს ინფექციურ სნეულებათა დაავადებების სახელმძღვანელო, რომელიც დღემდე შეუცვლელი სახელმძღვანელოა მომავალი მედიკოსებისთვის.

ქალბატონ ეთერ ბოცვაძის ხსოვნას პატივი და მადლიერება არასდროს მოაკლდება.

13/09/2026

https://rustavi2.ge/ka/news/363523

B და C ჰეპატიტების ელიმინაციის მიმართულებით საქართველოს მიერ მიღწეული შედეგები საერთაშორისო შეფასებისთვის მზა....

11/09/2026

https://www.imedi.ge/ge/video/234802/daavadebata-kontrolisa-da-sazogadoebrivi-janmrtelobis-erovnul-tsentrs-virusuli-hepatitebis-eliminatsiis-mimartulebit-janmos-kolaboratsiuli-tsentris-statusi-meore-vadit-mienicha

დაავადებათა კონტროლისა და საზოგადოებრივი ჯანმრთელობის ეროვნულ ცენტრს, ვირუსული ჰეპატიტების ელიმინაციის მიმა....

11/09/2026

⚜️ ფატი გაბუნია ინფექციონისტი, მედიცინის დოქტორი

⚜️ ქალბატონი ფატი გაბუნია თ. ცერცვაძის სახელობის ინფექციური პათოლოგიის, შიდსის და კლინიკური იმუნოლოგიის ს/პ ცენტრის აივ ინფექცია შიდსის სტაციონარული დეპარტამენტის ხელმძღვანელია;

⚜️ გრიგოლ რობაქიძის უნივერსიტეტის მედიცინის ფაკულტეტის პროფესორი;

⚜️ ქალბატონ ფატი გაბუნიას აქვს საექიმო, პედაგოგიური და სამეცნიერო -კვლევითი საქმიანობის 26 წლიანი გამოცდილება.

⚜️ გავლილი აქვს სტაჟირება/ტრენინგები აშშ-ს და ევროპის წამყვან უნივერსიტეტებსა და სამედიცინო ცენტრებში, მათ შორის: ქ. ბირმინჰემი, აშშ (2001 წ.), ალაბამას უნივერსიტეტში, ზალცბურგის უნივერსიტეტში, ქ. ზალცბურგი, ავსტრია (2005 წ.), მონპელიეს უნივერსიტეტში, ქ. მონპელიე, საფრანგეთი (2008 წ.) და სხვა.

⚜️ ფატი გაბუნია არის საერთაშორისო ავტორიტეტული სამეცნიერო საზოგადოება/ასოციაციების წევრი; ასევე, საქართველოში ამ დარგში შექმნილი ასოციაციების წევრი.

⚜️ ასევე, ის არის საქართველოს დევნილთა, შრომის, ჯანმრთელობისა და სოციალური დაცვის სამინისტროს ექსპერტი ინფექციურ დაავადებათა დარგში.

⚜️ ფატი გაბუნია გახლავთ ჯანმოს აივ/შიდსის დარგში შექმნილი 4 კლინიკური გაიდლაინის თანაავტორი.

⚜️ გამოქვეყნებული აქვს 60-ზე მეტი სამეცნიერო პუბლიკაცია რეცენზირებად ჟურნალებში. სისტემატურად მონაწილეობს საერთაშორისო კონფერენციების მუშაობაში, როგორც ზეპირი, ისე სასტენდო მოხსენებებით. არის 15 მდე ეროვნული სახელმძღვანელო რეკომენდაციის/ გაიდლაინის (აივ ინფექცია/შიდსი, ლატენტური ტუბერკულოზი, ოპორტუნისტული ინფექციები, ვირუსული ჰეპატიტები და სხვ.) ავტორი.