21/06/2026
👩⚕️👩⚕️ ექიმი-ინფექციონისტი მაია ბუწაშვილი და ეპიდემიოლოგი სოფიო ადამია B ჰეპატიტისა და პაპილომა ვირუსის შესახებ ყველაზე ხშირად დასმულ კითხვებს სცემენ პასუხს.
🦠 B ჰეპატიტი ღვიძლის ინფექციური დაავადებაა, რომელიც გამოწვეულია B ჰეპატიტის ვირუსით (HBV). მას შეუძლია გამოიწვიოს როგორც მწვავე, ისე ქრონიკული ინფექცია, რაც ზრდის ღვიძლის ციროზისა და ღვიძლის კიბოს განვითარების რისკს.
🦠 ადამიანის პაპილომავირუსის (HPV) ზოგიერთი შტამი ონკოგენურია და სხვადასხვა სახის სიმსივნის განვითარებას უკავშირდება, ხოლო დანარჩენი შტამები კანისა და ლორწოვანი გარსების ზედაპირზე მეჭეჭებისა და კონდილომების წარმოქმნას იწვევს. ვირუსი ძირითადად გადაეცემა უშუალო კონტაქტით, მათ შორის, სქესობრივი გზით.
საქართველოს ყველა მოქალაქეს შეუძლია, პარტნიორ კლინიკაში „ნეოლაბი” უფასოდ ჩაიტაროს B ჰეპატიტისა და ადამიანის პაპილომავირუსის საწინააღმდეგო ვაქცინაცია.
📽️ ვიდეო მომზადებულია „თანასწორობის მოძრაობის” მიერ აივ ინფექციის პრე-ექსპოზიციური პროფილაქტიკის (PrEP) პროგრამის ფარგლებში.
